Áfram Bónus

Ég þekki ekki Jóhannes í Bónus.

En mér hefur alltaf fundist hann krútt.  Svona kaupmannskrútt.

Og svo hefur hann orðið til þess að lækka matarkostnað íslenskra heimila.

Það gerir hann að ofurdúllu í mínum bókum.

Svo hefur hann gefið ógrynni fjár til góðra málefna.

Það truflar mig ekki nokkurn skapaðan hlut þó hann hafi orðið forríkur á tiltækinu.  Ekki mitt mál.

Og ég styð hann (litla Bónus reyndar líka) 100% nú þegar hann ætlar að leita réttar síns vegna ofsóknanna sem hann hefur orðið fyrir af hálfu íslenska kerfisins.

Það á ekki að vera hægt að koma svona fram við fólk og komast upp með það.

Það var einfaldlega ekki innistæða fyrir ofsóknunum.

Áfram Bónus.

Jóhannes Jónsson í Bónus undirbýr kæru vegna Baugsmálsins

Athugasemdir

[Helga Magnúsdóttir, 2.7.2008 kl. 11:08]

Mér finnst þetta frábært að þeir skuli ekki ætla að láta þetta yfir sig ganga þegjandi. Þetta hefur verið eitt fáránlegasta réttardrama Íslandssögunnar. Áfram Bónusfeðgar.

[Jóna Á. Gísladóttir, 2.7.2008 kl. 11:15]

Ég nennti aldrei að fylgjast með ''Bónusmálinu''. Langdregnasta dæmi ever. En ég held að þú hittir naglann á höfuðið þarna. Og rétt er það að Jóhannes er kaupmanns krútt

[Jenný Anna Baldursdóttir, 2.7.2008 kl. 11:26]

Hallgerður: Það er það sem Jóhannes er að vonast til að afhjúpa.  Það er hvað gerðist og hverjir stóðu að aðförinni.

Ekki þeim feðgum að kenna, alveg klárt mál.

[Ía Jóhannsdóttir, 2.7.2008 kl. 11:44]

Hehehe Jóhannes ,, krútt" veit ekki hvort ég tek undir það.  Ég var svo sem ekkert hissa þegar ég frétti af því að hann ætlaði að leggja fram kæru, það hefði ekki verið líkt honum að láta málið niður falla þegjandi og hljóðalaust.  Jóhannes er hörkukall.  

[Heiður Þórunn Sverrisdóttir, 2.7.2008 kl. 11:59]

Styð Jóhannes 100 % og þá feðga líka stundum held ég að þeir sem fóru af stað með þetta mál hverjir sem það voru (hef alveg mína skoðun á því)gerðu sér enga grein fyrir hvað þessi maður hefur sparað fyrir litla manninn í okkar landi.

[Himmalingur, 2.7.2008 kl. 12:11]

Jenný mín: Ég er líka krútt, svona bloggkrútt! Án gríns þá er tími til kominn að afhíða þetta bananalíðveldi sem við búum í og ég treysti Bónusfeðgum fullkomlega til þess!!!!!!!!

[Edda Agnarsdóttir, 2.7.2008 kl. 12:18]

Fyrst Hilmar vill ahýða bananalýðveldið þá ætla ég að skræla laukinn!

[halkatla, 2.7.2008 kl. 12:40]

það krúttlegasta við Bónus eru ekki bónusfeðgarnir heldur litla bleika svínið! það er allavega mín skoðun og ég stend og fell með henni. Annars kom ég bara til þess að segja "hæ ég kom í heimsókn" en ekki til að hafa sérstaka skoðun á dómsmáli sem mér er sama um. Baugsmálið rændi mig fullt af heilasellum á sínum tíma en það var svo sannarlega ekki bónusfeðgunum að kenna. Þeir voru bara ekki einu fórnarlömbin í þeim tilgangslausa hildarleik, tími okkar hinna og athygli fóru í súginn líka...

[Jónína Dúadóttir, 2.7.2008 kl. 14:17]

Sammála, ekkert flóknara en það !