Magra Ísland

Ég vona að allir sem vettlingi geta valdið drífi sig á tónleikana á eftir.

Nú eða horfi á þá á Mbl.is.

Alveg er ég viss um að þetta verður frábær uppákoma.  Flottir listamenn, veðrið ok og staðurinn fallegur.

Málefnið, náttúran,  hefur aldrei verið mikilvægara nú þegar "sumir" ráðherrar Samfylkingarinnar hafa bæst í hóp náttúrusóðanna. 

Lesið Láru Hönnu (og skoðið frábært myndband sem hún hefur sett saman)

og Gumma Steingríms

Need I say more?

Held ekki.

Nú sem aldrei fyrr þarf fólkið í þessu landi að nota samtakamáttinn til verndunar íslenskri náttúru.  Það er ekki eins og þetta sé okkar einkamál.

Góða skemmtun.

Björk síðust á svið

Athugasemdir

[Kristín Katla Árnadóttir, 28.6.2008 kl. 18:32]

Ég horfi á þetta á Mbl.is hafðu það gott í kvöld.

[Edda Agnarsdóttir, 28.6.2008 kl. 18:53]

Ég sendi bara öll börnin mín sem eru á Íslandi og eina barnabarnið sem er á Íslandi! samtals fjögur!

[Ásdís Sigurðardóttir, 28.6.2008 kl. 20:03]

Njóttu kvöldsins mín kæra.

[Jenný Anna Baldursdóttir, 28.6.2008 kl. 20:56]

Hallgerður ég er svo gjörsamlega ósammála þér að ég veit ekki hvar ég á að byrja.

Þannig að ég byrja ekki neitt.

Og hvaða bábilja er það að allir þurfi að hafa migið í saltan sjón, hrækt á gólfið og klórað sér í pungnum til þess að geta talist marktækir?

[Magnús Geir Guðmundsson, 28.6.2008 kl. 21:06]

Hva, hví ertu ekki á staðnum?

VArst búin að lofa að mæta!

Og engin afsökun þótt Moggin sé að sýna á netinu!

Og obbobob, ekki tala um uppákomu, ein leiðinlegasta málskilingsvilla sem nú er til, en frábær VIÐBURÐUR er þetta vonandi!

[MAGNUS FINNUR HAUKSSON (IP-tala skráð) 28.6.2008 kl. 21:31]

innlitskvitt

[Jenný Anna Baldursdóttir, 28.6.2008 kl. 21:44]

Magús Geir: Ég get ekki verið úti svona lengi, ég er að deyja úr hósta og kulda.

Hallgerður: Trúir þú því virkilega að við þurfum að spæna upp náttúruauðlndirnar okkar til að bræða ál og hreinsa olíu?

Og ég tjatta ekki á neinu elliheimili.  Ég verð alltaf spræk.  Eða dauð.

[Magnús Geir Guðmundsson, 28.6.2008 kl. 22:05]

aaah gæskan, ert heyrist mér einmitt hvorki spræk né dauð þessa stundina!

En skal ekki stríða þér mikið núna, en ættir þá að fara í rúmið fyrst þú ert skjalfandi og hóstandi, í stað þess að standa í þessu kjaftæði í tölvunni!

Annað hvort ertu nógu hress eða ekki, nema að leti sé málið!

[Jenný Anna Baldursdóttir, 28.6.2008 kl. 22:10]

MG: Smá leti og hættessu.

Ég er að styðja náttúruna hérna.

Hallgerður: Ég skal fyrr dauð liggja en að ég láti eyðileggja landið mitt og barnabarnanna minna án þess að garga og öskra.

Ég er með olíulampa.

[Jenný Anna Baldursdóttir, 28.6.2008 kl. 22:11]

MG: Hóst

[Jónína Dúadóttir, 28.6.2008 kl. 22:52]

Gott kvöld

[Linda litla, 28.6.2008 kl. 23:07]

Vissi ekki einu sinni af þessum tónleikum í Laugadalnum.... ég frétti alltaf allt síðast. En það skiptir engu hefði hvort eð er ekki farið.

Hafðu það gott mín kæra.

[Ásthildur Cesil Þórðardóttir, 28.6.2008 kl. 23:22]

Mér finnst þessar manneskjur allar frábærar, og það er svo gott að eiga svona fólk, sem eru dáð og mark tekið á.  Í fyrsta lagi þá kemst ég ekki vegna fjarlægðar í öðru lagi, þá vil ég dálítið öðruvísi músik.   En ég virkilega virði þau öll sömul og tek hatt minn ofan fyrir þeim, áfram þið baráttufólk Íslands hvaðan sem þið komið og hvað sem þið gerið.  I love it.   Og ekki veitir af.

[Lára Hanna Einarsdóttir, 28.6.2008 kl. 23:52]

Kærar þakkir fyrir linkið, Jenný... 

Ég fór á tónleikana og það var gaman - og fróðlegt. Ýmsum upplýsingum varpað á skjá á milli atriða - þær voru sláandi. Sýnt brot úr myndinni sem búið er að gera eftir Draumalandinu. Bókin er komin út á ensku og ég ætla að kaupa nokkur eintök og senda vinum erlendis.

[Njörður Helgason, 29.6.2008 kl. 00:10]

Þessir tónleikar voru alveg ágætir. Helvítis kuldinn var að drepa mann. Verst að þurfa að bíða svona lengi eftir stjörnunum. Var á tónleikunum til að hlusta á góða tónlist. Ekki út af málefninu. Sammála sumu. Öðru ekki.

Sá lista yfir staði í hættu. Athygli vert að sjá á listanum: Dynk, Urriðafoss og Þjórsá. Af hverju? þetta er allt Þjórsá. Urriðafoss neðstur í ánni. Foss sem fæstir vissu af fyrir nokrum árum. Dynkur talsvert fyrir innan Sultartangalón.

Mig rekur ekki minni til að til standi að skemma Goðafoss. Mjög ólíklegt og nánast engar líkur til að mönnum dettiþað í hug. Eða að menn fái leyfi til.

Langisjórinn er eitthvað sem ekki má spilla. Ofverðmætur.

En það verður að virkja. Nýtum jarðhitann og Þjórsá frá fjalli til fjöru. 

[Linda Linnet Hilmarsdóttir, 29.6.2008 kl. 00:15]

Já tónleikarnir voru virkilega góðir

[365, 29.6.2008 kl. 00:55]

Eftir að hafa hlustað á þetta væl segi ég: Áfram Bakki og Helguvík!!!!!!!!!!

[Theódór Norðkvist, 29.6.2008 kl. 02:11]

Er ekki bara ágætis hugmynd að hjóla sig í gegnum fréttirnar? Spara rafmagn og fá hreyfingu í leiðinni, í stað þess að vera sófakartafla í hálftíma lengur?

Annars held ég að það sé meiri hætta á því að fólk neyðist til að tengja trimmhjólið sitt við sjónvarpið til að geta séð fréttir ef álvæðingin heldur áfram.

Í þeim löndum sem álrisar hafa geta vaðið áfram á skítugum skónum, t.d. Kamerún, þurfa heimili og minni atvinnufyrirtæki að búast við að rafmagnið slái út þegar álverin eru í fullum gangi. Yfir helmingur raforku landsins fer í álverin þar. 

[Sólveig Þóra Jónsdóttir, 29.6.2008 kl. 03:34]

Á hvaða plánetu ert þú stödd kona góð. Hvaðan heldur þú að rafmagnið sem þú ert að nota í dag sé komið? Þú ásamt öðrum umhverfissinnum eruð svo veruleikafyrrt að það hálfa væri nóg. Af hverju lifið þið ekki eins og Amish fólkið í USA án allrar tækni, þá fyrst myndi ég bera virðingu fyrir sjónarmiðum ykkur. En þið njótið allra  þessa  þæginda sem nútímatækni býður uppá en þykist samt vera einhverjir náttúrubörn sem er nú bara hræsni af ykkar hálfu. Ég er svo sammála Hallgerði. Já ég er að blogga um miðja nótt sem mér finnst allt í lagi, sumir vinna í vaktavinnu.

[Signý, 29.6.2008 kl. 04:23]

Ég held að fólk sé að einfalda hlutina einum of mikið hérna, þetta snýst hreinlega ekki um að búa til virkjanir til þess að framleiða rafmagn fyrir almenning.

Þetta snýst um að hér eru menn að rúnka sér yfir þeim hugmyndum að sökkva hálfu landinu, virkja hverja einustu sprænu og poll sem þeir finna til þess að byggja upp orkufrekasta iðnað sem um getur í heiminum, áliðnað. Nú þegar tekur þessi iðnaður um 80% af raforku okkar, hvað segir það okkur? Og ekki nóg með að hann sé orkufrekur heldur er hann mjög mengandi líka. 

Orkufyrirtækin vilja gera Ísland að stærstu álbræðslu í heimi, á því leikur enginn vafi, verktakar vilja það, ASÍ vill það, Sjálfstæðisflokkurinn vill þetta, Framsóknarflokkurinn (ef hann er þá til ennþá) vill þetta og Samfylking hefur spilað með um allt land, og sýndi það svo í verki á föstudaginn þegar að iðnaðarráðherra skrifaði undir viljayfirlýsingu um álver á Bakka á Húsavík.

Og það sem meira er, er að ríkisstjórnin er tilbúin til þess að selja þessa orku og náttúruna fyrir ekkert. Ekki til þess að orkan þjóni okkur almenningi í formi rafmagns inn á heimilið mitt, eða þitt. Heldur til þess að halda gangandi einhverjum viðbjóðsmengandi verksmiðjum. Og afsökunin sem þeir nota þessa daganna er næsta glæpsamleg, að það sé virkilega svo mikil þörf á því að fara og rusla upp enn einni stíflunni og enn einu álverinu í einhverjum firðinum til þess að koma í veg fyrir að allt fari endanlega til andskotans og koma í veg fyrir atvinnuleysi. 

Halda partýinu áfram, til þess að við getum farið á meiri bömmer eftir 4 á, góð hugmynd!

Meðan allur heimurinn leitar dyrum og dyngjum eftir leiðum til þess að minnka mengun og reyna að sporna við gróðurhúsaáhrifum þá eru ráðamenn á Íslandi tilbúnir til þess að fórna hreinu náttúrunni okkar undir verksmiðjur glæpamanna sem enginn annar, nema einna helst einhver 3 heims ríki, vilja inni í landið sitt. Og í skiptum fyrir hvað? Ekki neitt. Nema jú kannski við gætum þá bætt við einum "í heimi" titlinum í safnið okkar. Mest mengandi þjóð í heimi. Er að eftirsóknarvert?

Svo skýtur það vægast sagt skökku við að á meðan iðnaðarráðherra skrifar undir viljayfirlýsingar um álver eins og enginn sé morgundagurinn þá er forsetin okkar með fyrirlestra útum allan heim þar sem hann er að monta sig á þjóð sinni vegna allrar þeirra hreinu orku sem við eigum og búum yfir og að við séum "græn þjóð"... vissuð þið að Geir H Haarde fékk viðurkenningu um daginn sem segir að hann sé grænasti forsætisráðherra í heimi? What a Irony! 

En hvers vegna viljum við álver? Þegar við höfum alla þessa orku í jörðinni, hreinu orku, grænu orku hvað sem fólk vill kalla það. Afhverju nýtum við okkur þá ekki þessa orku til þess að framleiða og búa til eitthvað vistvænna en ál og olíu?

Við vissulega höfum alla þá þekkingu sem við þurfum til að gera nákvæmlega það sem okkur hentar þegar kemur að þessum málum. 

Það vita það líka allir sem vilja vita að ál og olía er ekki framtíðin. Við verðum að hugsa til framtíðar en ekki bara 3 - 4 ár fram í tíman. Þið sjáið hvað það hefur nú gert okkur gott að gera það. Steypan í Kárahnjúkavirkjun er varla þornuð og við erum strax farin að finna fyrir því. Partýið bara búið. 

Vísindamenn segja td að sólarorka sé framtíðin, afhverju erum við ekki að pæla í því t.d? Plús hellingur af öðrum endalausum möguleikum sem við höfum.

Ég í rauninni skil ekki hvernig það stendur á því afhverju Ísland er ekki löngu orðið leiðandi í rannsóknum og vísindum á hreinni vistvænni orku. Eða bara afhverju við erum ekki fyrir löngu orðin grænasta þjóð í heimi. 

Þegar valið stendur á milli þess að vera grænasta þjóð í heimi eða mest mengandi þjóð í heimi hvort myndi fólk í alvörunni velja?

Ég vil verja framtíð barnanna minna með kjafti og klóm, og það er alveg næsta öruggt að álver og olíuhreinsistöðvar á kostnað náttúrunnar er ekki það sem ég vil fyrir ófæddu börnin mín. 

Fólk verður bara að átta sig á því að once you go down that road there's never turning back.

Annars mæli ég með því að Sólveig, Hallgerður og allir þeir sem eru á sömu nótum og þær stöllur lesi vel og vandlega Draumalandið hans Andra Snæs. Þessi bók ætti að gera að skyldulesningu.

Fyrirgefið annars ef þetta er eitthvað dreift.. ég er bara brjáluð og jafnframt sorgmædd eftir það sem ég komst að í kvöld á þessum tónleikum... og svo er ég alveg ferlega, ferlega þreytt...

Takk fyrir mig.

[María Guðmundsdóttir, 29.6.2008 kl. 04:43]

innlitskvitt  eigdu gódan dag.

[Sólveig Þóra Jónsdóttir, 29.6.2008 kl. 05:22]

Hvaða rugl er í þér María. Ég þarf ekki að lesa skáldsögu til að fatta raunveruleikann. Raunveruleikinn er sá María að fólk þarf að hafa atvinnu á Íslandi til að geta lifað af. Veit ekki hvort þú ert í vinnu en við meirihlutinn þurfum að vinna til að fá laun Ég veit að Húsvíkingar eru mjög ánægðir að fá Álver í sina bæjarbyggð því það veitir þeim atvinnu. Margir hafa flutt utan af landi til Reykjavíkur útaf atvinnuleysi en ef álver verða byggð víðar þá kemur heimafólkk til baka. Meira hef ég ekki að segja í bili.

[Sólveig Þóra Jónsdóttir, 29.6.2008 kl. 05:24]

Fyrirgefðu átti að vera til Signýjar

[Jenný Anna Baldursdóttir, 29.6.2008 kl. 10:39]

Þakka ykkur fyrir umræðuna.

Sólveig Þóra: Þú ert ókurteis og það á nóttunni.  Ekki gott.  Obbbobb bobb.

[Jóhanna Magnúsar- og Völudóttir , 29.6.2008 kl. 11:07]

Signý skrifar: "Þetta snýst um að hér eru menn að rúnka sér yfir þeim hugmyndum að sökkva hálfu landinu, virkja hverja einustu sprænu og poll sem þeir finna til þess að byggja upp orkufrekasta iðnað sem um getur í heiminum, áliðnað." ....

Ég gæti ekki orðað þetta betur ....horfum út fyrir (ál)rammann. Með allt okkar menntaða og ómenntaða fólk hljótum við að sjá eitthvað annað en ál og virkjanir.

[Lára Hanna Einarsdóttir, 29.6.2008 kl. 11:21]

Tek ofan fyrir Signýju og undir orð hennar. Þetta er allt alveg rétt sem hún segir. Og við Sólveigu Þóru segi ég - það er nú fleira vinna en í álveri enda ekki verið að reisa þau starfanna vegna, þau eru of fá og of dýr.

[Jenný Anna Baldursdóttir, 29.6.2008 kl. 13:03]

Signý: Þú ert svo frábær að það hálfa væri yfirdrifið.

[Sólveig Þóra Jónsdóttir, 29.6.2008 kl. 23:58]

Nei ég er ekki ókurteis þó ég sé ekki sammála þér. Og ég blogga á nóttunni því sum okkar vinna vaktavinnu. þ.e. við vinnandi fólk.

[Jenný Anna Baldursdóttir, 30.6.2008 kl. 08:46]

Sólveig Þóra: Ég ætla að koma einu á hreint við þig og ég vona að þú takir tillit til þess í framtíðinni.

Munurinn á skítkasti og málefnalegri umræðu er mikill.  Ég fagna umræðu um málefni en kæri mig ekkert um að fólk komi hér inn og sé með persónulegt skítkast við mig.  Það hefur þú ástundað í þau skipti sem þú kvittar hér.

Mér finnst að þú eigir að kynna þér muninn á þessu tvennu.

Ég kæri mig ekki um fólk sem hellir úr hlandkoppnum sínum hér inni á minni síðu kona góð.

[Sólveig Þóra Jónsdóttir, 4.7.2008 kl. 01:06]

Málið er að þú vilt ekki málefnalega umræðu um nokkra hluti. Þú vilt bara hafa þinn Já Kór og búið. Svo verði þér að góðu. Ég hef aldrei verið með skítkast hér ef þér finnst svo þá segðu mér, orð mín fyrir orð; sem þú telur skítkast. En til að létta lund þína þá hef ég ákveðið að fara aldrei inn á þitt blogg aftur í framtíðinni hvorki til að lesa né commenta. Ég óska þér samt góðs bata í þinni baráttu við alkoholisma, við höfum misst alltof marga úr þessum válega sjúkdómi. Ég  sagði ekki einusinni bless