Níkótínblogg

Nú er ár síðan að gefið var út formlegt veiðileyfi á nikótínnotendur og þeim úthýst með vefjurnar af skemmtistöðum og kaffihúsum. 

Heill vetur hefur liðið og aftur komið sumar.  Ekki er vitað til að margar lungnabólgur hafi kastað sér niður á saklausa reykingarmennina sem hafa norpað úti á götu í fimbulkulda og stormaseríum vetrarins.

En burtséð frá því, þá eru það friggings mannréttindi að fá að iðka reykingar við heilsuvænni aðstæður en nú er.

Ríkið selur þetta mjög svo óvinsæla fíkniefni og neitar svo eins og aðrir dílerar að taka ábyrgð á fíklunum eftir að dópið hefur verið selt og borgað.

Ekki misskilja mig, þeir sem ekki reykja eiga ekki að þurfa að vera innan um reyk, kæri þeir sig ekki um það.

En af hverju mega eigendur staðanna ekki ákveða hvort þeir vilji vera reyklausir eður ei.  Þá velur fólk sér staði?  Það er hvimleitt að sjá heilu skemmtistaðina hanga á gangstéttunum á djamminu með glas í hönd. 

Ég er alltaf á leiðinni að hætta.  Ég var nefnilega að kveikja á að ofsóknirnar á okkur sem reykjum eru rétt að hefjast. 

Það er ekki langt í að hreinir og tærir íbúar í fjölbýlishúsum fái veiðileyfi á nikótínspúandi nágranna sína og fari fram á reykingarbann í fjölbýli.

Þann dag flyt ég til Serbíu þar sem þeir eru, að mér skilst, nokkuð langt á eftir okkur í þessum tiltekna fasisma.

Og svo vil ég gjarnan fá upplýsingar um það hvort alþingismenn séu enn að brjóta lögin sem þeir settu sjálfir og reyki ennþá í þar til gerðu herbergi í kjallara Alþingishússins.

Gerðu eins og ég segi, ekki eins og ég geri hugmyndafræðin er enn í fullu gildi.

Annars þokkaleg.

Athugasemdir

[Brjánn Guðjónsson, 31.5.2008 kl. 09:19]

á meðan ég get ekkert gert í, sjóði nágrannar mínir úldna skötu á Þollák, mun enginn banna mér að reykja á eigin heimili. hvaða lög svo sem menn setja um það.

aldrei!

[Jenný Anna Baldursdóttir, 31.5.2008 kl. 09:26]

Sammála Brjánn.  Aldrei!

[Linda Linnet Hilmarsdóttir, 31.5.2008 kl. 09:28]

Innlitskvitt og Bestu kveðjur annars til þín frá mér

[Eyrún Gísladóttir, 31.5.2008 kl. 10:13]

Haha já þetta er skrítíð ég er alltaf að hætta að reykja og það er ekkert mál bara erfiðara að byrja ekki aftur en ég er svo heppin að þetta reykingabann böggar mig ekkert því ég reyki yfirleitt ekki innandyra þó að það megi  finnst vont að reykja í svælu svo skrítið sem það er.

[Laufey B Waage, 31.5.2008 kl. 10:38]

"Gerðu eins og ég segi, ekki eins og ég geri hugmyndafræðin". Vel orðað. Ég á örugglega eftir að stela þessari setningu frá þér. Minnir mig á setningu á dagatali, sem ömmustrákurinn minn bjó til í leikskólanum: Uppeldi er; ást og góð fyrirmynd, - ekkert annað.

[Birna Dis Vilbertsdóttir (IP-tala skráð) 31.5.2008 kl. 10:47]

Ég reykti og hætti 1 sept 2007.Ég reykti á svölunum grönnum mínum á efri hæð til mikils ama.Svo hætti ég.Og get ekki verið úti á svölum.Því nágranni minn í neðra reykir inni hjá sér sem og úti.Óþefurinn úr íbúð nágrannanna er mikill og berst upp í mína glugga og svalir.Ég hélt ekki að ég x stórreykingarkonan ætti nokkurn tíma eftir að verða tóbaks-rasisti.En sú er raunin.Góðann dag smókar

[Jónína Dúadóttir, 31.5.2008 kl. 10:59]

Eins og ég hef svo oft sagt, hóf er best í öllu

[Garún, 31.5.2008 kl. 11:02]

Mér finnst alltaf flott setningin 

"Reykingafólk er líka fólk!   Bara ekki eins lengi!"

[Eiður Svanberg Guðnason, 31.5.2008 kl. 11:14]

Önnur fleyg setning er  að sýna beri reykingamönnum umburðarlyndi og  góðvild. Þeir eigi ekki svo langt eftir !.

Hætti fyrir  16 árum. Á námskeiði hjá Þorsteini Briem  lækni. Af átta manna hópi tókst minnir mig  þremur að hætta alveg. Námskeiðið kostaði  2500 krónur, sem var greiðsla  fyrir nikótínplástra og nefúða.Kvittunin er innrömuð á  skrifborðinu hjá mér.Þetta er  besta fjárfesting sem ég hef nokkurntíma gert.

[Ía Jóhannsdóttir, 31.5.2008 kl. 11:27]

Var að hætta að reykja núna fyrir fimm mínútum en það hef ég gert mörg þúsund sinnum.   Ekkert stapilitet á þessum bæ!  Fussumfuss.

[Kalli (IP-tala skráð) 31.5.2008 kl. 11:44]

http://www.edrumenn.blogspot.com/

[Hólmdís Hjartardóttir, 31.5.2008 kl. 11:50]

og nú vilja Svíarnir vinir þínir banna allar reykingar í landinu. Kannski ég geymi mér að blogga um reykingafasisma eins og ég var að hugsa um. Getum við ekki fengið okkar eigin landsvæði og kaffihús???

[Jenný Anna Baldursdóttir, 31.5.2008 kl. 12:30]

Kalli: Búin að kíkja á síðuna.  Flott framtak.  Gangi ykkur vel með meðferðarganginn.

Ía: Byrjuð aftur?

Hólmdís: Mina svenska vänner är förbjudningsglada.  Ekki hissa.

Eiður: Til hamingju.  Ég hef einu sinni hætt í 4 mánuði og það var dúndur með nefúðanum.

Birna: Hvernig væri að sýna smá umburðarlyndi?

Garún: Verteggi svona ógissla montin af því þú ert hætt.  Ég er enn á lífi addna.

Laufey: Gjörðu svo vel. 

Jónína: Ekkert hóf hjá þeim sem misnotar.  Ég MISNOTA nikótín.

Eyrún: Einn daginn hefst það.

Hallgerður: Jú, maí á næsta ári.

[Jóna Á. Gísladóttir, 31.5.2008 kl. 13:46]

tralllalalalalala mig langar í sígó

[Garún, 31.5.2008 kl. 14:26]

Ég er löngu löngu byrjuð aftur....fyrir löngu

[Berglind Nanna Ólínudóttir, 31.5.2008 kl. 14:36]

Mikið er ég glöð að sjá þessa færslu Jenný mín! Hélt ég væri eins og síðasti móhikaninn með þetta bévítans reykingabann. Hef nú verið með það í pípunum lengi að opna kaffihús, og ég segi eins og þú: Hvers vegna má ég ekki ákveða hvort mitt kaffihús er reyklaust eður ei? Stórabróðurs-áráttan í yfirvöldum er yfirgengileg. Og ég reyki heima hjá mér, eini staðurinn þar sem ég fæ gott kaffi og fæ smókinn minn með! Hef nánast ekki farið á kaffihús síðastliðið ár, þó ég hafi stundað kaffihús af miklum móð fyrir reykingabann. Ég er líka viss um það að færi maður með það fyrir dómstóla, yrðu stjórnvöld að banna drykkju á áfengi á opinberum stöðum, veitingastöðum og kaffihúsum! Enda veit ég það af eigin reynslu sem barþjónn og dyravörður, að mér hefur alltaf staðið meiri hætta af dauðadrukknu fólki í vinnunni, en reykingum gestanna.

En þetta er víst fyrst og síðast gert í nafni starfsfólks. Ég segi nú bara: Ef þú vilt ekki vinna innan um tóbaksreyk, fínt. Finndu þér þá vinnu á reyklausum stað!

Bestu kveðjur. 

[Jenný Anna Baldursdóttir, 31.5.2008 kl. 15:33]

Berglind: Hef ekki farið á kaffihús í óratíma, nema með barnabörnum og þá reykir maður hvort sem er ekki neitt.  Opnaðu kaffihús fyrir okkur níkótínfíklana.  Þú verður milljarðamæringur kona.

Jóna: Nú erum við búnar að reykja saman í dag.

Garún: Á maður að óska til hamingju?

[Sigurbjörg Sigurðardóttir, 31.5.2008 kl. 15:49]

Mér finst bara svo gott að reykja ,og held því áfram

[Jenný Anna Baldursdóttir, 1.6.2008 kl. 01:13]

Jón Arnar: Sem betur fer þá ræður þú ekki.  Má ég benda þér á að enn þykja það venjuleg mannréttindi að fá að ráða því sem maður gerir heima hjá sér amk. á meðan maður brýtur ekki hegningarlög.

[Lilja G. Bolladóttir, 1.6.2008 kl. 07:28]

Og hana nú!! Sammála þér, Jenný, og ósammála þér, Jón Arnar.... þegar einhver ætlar að fara að banna mér að reykja heima hjá mér, þá kaupi ég hektarinn. Hvað ætla þeir svo að gera næst, banna mér að stunda kynlíf heima hjá mér???