Pirrings- og búhúblogg

 

Hvað ætli eftirfarandi gjörningur kallist?

Ég set mat á disk, ég set hann í örbylgjuofn, tylli mér og bíð eftir að hann hitni.

Ég hugsa á meðan (hef ekki hugsað svo lengi að ekki varð undan komist, stefndi í óefni).

Ég bíð og bíð og er að verða búin að leysa lífsgátuna, þegar mig fer að lengja eftir plinginu í örbylgjunni (svona er það að njúka mat, það heyrist).

Átta mig á því að tíminn hefur flogið áfram, geng að örbylgju  og þar er hvorki diskur né matur.

Ég, skelfingu lostin, held að ég hafi orðið fyrir andlegri reynslu, eða það sem verra er, að maturinn hafi örbylgjast út í tómið.

Ég geng að ískáp til að ná mér í hressingu, meðan heilinn vinnur á fullu við lausn gátunnar.

Í ískáp blasir við mér matardiskur ásamt fæðu og grjótheldur kjafti. Þar liggja líka lyklarnir mínir og nýji ógeðslega flotti GSM-síminn minn.

Er eitthvað líkt með örbylgju og ískáp?

Er ég í síðhvörfum?  Er ég komin á aldur eða er ég hreinlega meira utan við mig en góðu hófi gegnir?

Kona spyr sig...

að einhverju en man ekki alveg hver spurningin var.

Farin á Reykjalund,

Úje.

P.s. Ég vil bara taka fram, enn einu sinni, að ég er alls, alls, ekki femínisti, ég er sko jafnréttissinni.

Athugasemdir

[Ragnheiður , 21.11.2007 kl. 00:45]

Spurning um að panta pláss á deild fyrir heilabilaða..ja svona meðan þú manst eftir því...múhahaha

Oj skamm...ég er ljót, ég sem var í kirkju, farin að hrekkja kallinn

[Bjarndís Helena Mitchell, 21.11.2007 kl. 00:46]

Þetta hafa aldeilis verið þungir þankar. Góða nótt og knús.

[Ásdís Sigurðardóttir, 21.11.2007 kl. 00:48]

Skelfurður???

[Jenný Anna Baldursdóttir, 21.11.2007 kl. 00:50]

Já það er slæmt stelpur mínar þegar kona tekur upp á því að hugsa.  Kann EKKI góðri lukku að stýra.

Kíki á þig Ragga mín og ef þú heyrir ekki í mér á næstunni, hringdu þá í Einar og biddu hann að tékka í ísskápinn.

[Ragnheiður , 21.11.2007 kl. 00:55]

Hehehe já það virðist hvort eð er allt enda þar hehehe

[Einar Indriðason, 21.11.2007 kl. 01:03]

"Vinur minn" lenti í því að setja óhreinan disk undan ristuðu brauði í ísskápinn.  Ekkert vandamál með það.  Það varð verra þegar mjólkurfernan átti að tolla lóðrétt í efri grindinni í bévítans uppþvottavélinni... Það var eitthvað skrítið, og þá fór é... Ég meina... "vinur minn" að athuga málið.

[Jóna Á. Gísladóttir, 21.11.2007 kl. 01:06]

ARGGHHH ertu ekki að djóka?!!

hahaha örbylgjast út í tómið. Þessi allavega örbylgjaðist í ísskápinn. Ég er í kasti.

[Lára Hanna Einarsdóttir, 21.11.2007 kl. 01:28]

Já en...  þú sagðist hafa byrjað að hugsa EFTIR að þú settir diskinn í örbylgjuofninn. Hvað varstu þá að pæla ÁÐUR en þú settist og byrjaðir að hugsa?

Ég held að þetta kallist að vera "annars hugar". Það er ég oft og hef lent í ýmsu skrautlegu undir þeim kringumstæðum.

[Laufey Ólafsdóttir, 21.11.2007 kl. 01:52]

Ég er enginn helvítis jafnréttissinni, ég er femínisti

...og kannast við þessi hvörf. Ég smelli mér með þér á Reykjalund. Mér tókst áðan að brenna við spagettí. Það eldaðist ekki út í tómið heldur bjó til vonda lykt og eyðilagði pottinn minn.  

Ísskápurinn er góður staður fyrir lykla. Skárri en einhversstaðar. Það er vondur staður.

[Jóna Kolbrún Garðarsdóttir, 21.11.2007 kl. 02:16]

Ég hef lent í því að finna svakalega vonda lykt úr niðursuðuskápnum, ég setti alveg óvart einn pepperóni pakka og skinku pakka þangað. Ég ætla ekki að segja hvað annað ég hef sett á ranga staði, en það er ýmislegt  

[Jónína Dúadóttir, 21.11.2007 kl. 07:55]

"Prófessor" Jenný Anna...... þetta voru án efa afskaplega merkilegar heimspekilegar hugleiðingar.... 

[Þröstur Unnar, 21.11.2007 kl. 08:11]

Þið eruð bara fjórðungsjafnaðar pottréttsinnaðar konur.

Einhverstaðar, muhahahahah Laufey. Manstu eftir þegar Einhver var í markinu hjá Fram?

[Hildigunnur Rúnarsdóttir, 21.11.2007 kl. 08:45]

Jóna Kolbrún, hvað er niðursuðuskápur?

[Laufey Ólafsdóttir, 21.11.2007 kl. 09:07]

Þröstur! Þú kemur yfirleitt að galtómum kofa þegar þú spyrð mig um íþróttir en þetta hljómar eins og ég hefði lýst þessu

Mér er líka sagt að einhversstaðar verði vondir að vera. Hef aldrei verið sammála því. 

[Heiður Þórunn Sverrisdóttir, 21.11.2007 kl. 09:40]

það er gaman að lesa hjá þér Jenny og er farin að gera oftar og oftar og alltaf læsðist framm bors á vör....takk fyrir mig

[Jenný Anna Baldursdóttir, 21.11.2007 kl. 09:46]

Einar I: Góður, við erum skiljum hvort annað.

Jóna: Djóka? Moi? Aldrei og alls ekki um svona grafalvarlegt mál

Lára Hanna: Fram að ískápsinnsetningu matar var ég EKKI að hugsa, eða var ég að hugsa, æi man það ekki

Laufey: Ég er helvítis femínisti og alls enginn jafrnéttissini

Jóna Kolbrún: Hvernig hef ég getað lifað heilt líf án þess að rekast á "niðursuðuskáp" hvað er?

Hallgerður:  Þetta er að fæðast, flott mynd og nú bíð ég spennt eftir að bloggsíða verði opnuð

Takk öll fyrir athugasemdirnar.

[Sunna Dóra Möller, 21.11.2007 kl. 09:52]

Þegar ég var ný búin að eiga mína minnstu var ég að fara ð hita pela handa henni! Set í örbylgjuna og bíð smá stund. Síðan verður mér litið á borðið, einmitt eftir að hafa hugsað djúpt....ekki meira en svona 20 sek..en mjög gott hux og þá sé ég pelann á borðinu....var alveg skelfingu lostin því að það var kveikt á örbylgjuofninum! Ég leit þá snarlega inn í ofninn og þar var heimasíminn að snúast í hringi og eldglæringar stöfuðu af honum.

Síminn hafði verið á borðinu hjá pelanum og ég tók hann bara án þess að fatta það (hugsa svo mikið) og hann dó þennan dag !

Það getur verið ansi dýrkeypt að huxa of mikið hahahah....!

Njótið dagsins

[Jenný Anna Baldursdóttir, 21.11.2007 kl. 09:54]

SD: Við erum systur.  Örgla.  Rosalega skil ég þig vel.

[Ásthildur Cesil Þórðardóttir, 21.11.2007 kl. 10:46]

Þetta kennir þér bara að það er ekki hægt að fá sér að borða og leysa lífsgátuna á einum og sama tímanum.

Annars get ég sagt þér að ég má passa mig á að setja ekki mjólkina inn í kóstaskápinn sem stendur við hliðina á kæliskápnum.  En það getur gerst, þegar ég hugsa of mikið. 

[Katrín Snæhólm Baldursdóttir, 21.11.2007 kl. 13:12]

Einu sinni týndi ég bankabókinni minni og var skítblönk þar til ég fann hana í frystihólfinu gaddfreðna ...það var ekki gjörningur sem gerði mig neitt ríkari nema af reynslunni. Ég segi bara að þetta hafi verið heiðarleg tilraun húsmóður til að frysta vexti og verðbætur af því sem þessir peningar áttu að borga. Bankastjórinn var sem gaddfreðin ýsa í framan þegar ég sagðist hafa fryst vextina og ætti því ekki að borga neina..hehe.

[Hrafnhildur Ýr Vilbertsdóttir, 21.11.2007 kl. 17:25]

Það sem þú ert frábært eintak af manneskju ég hef alltaf jafn gaman af því að heyra um annarra manna vitleysur, finnst ég ekki vera eins vitlaus fyrir vikið.

[Jenný Anna Baldursdóttir, 21.11.2007 kl. 19:36]

Ji þið eruð svo skemmtilegar stelpur

[Jón Steinar Ragnarsson, 21.11.2007 kl. 19:48]

Hefur þú keyrt niður á granda og svo bæinn langsum heim aftur, og munað þá eftir að þú ætlaðir að stökkva út í bíl og ná í sígaretturnar þínar, sem þú gleymdir þar?

Þekki einn kolruglaðan gaur, sem gerði þetta. Hann er líka þekktur af því að setja sykurkarið í ískápinn og mjólkina í bollaskápinn.  Hann er skyldur mér kannski, en ég sver hann algerlega af mér.  Ég er þó feginn að hann man að hann er hættur að drekka.  Það vill enginn svoleiðis rugludall í glasi.

[Jón Steinar Ragnarsson, 21.11.2007 kl. 19:50]

Súkdómurinn heitir Alslæmr diet.

[Einar Indriðason, 21.11.2007 kl. 20:20]

Raunar.... þá var verið að fjalla um akkúrat svona hluti fyrr í sumar... kom í ljós að þetta kallast "The Homer Simpson syndrome".  Heyrði meira segja viðtal í útvarpinu við einhvern sálfræðing eða félagsfræðing eða eitthvað-fræðing, sem sagði að þetta kæmi fyrir flesta í daglegu lífi, kannski ekki alveg á þessum skala, Jenný.... en, samt :-)

[Jenný Anna Baldursdóttir, 21.11.2007 kl. 20:38]

Jón Steinar: Hahhahaha.

Einar: Mér líður snöggtum betur að það skuli vera til díagnósa yfir þetta ástand.  Alzheimer light eða Homper Simpson.  Það er von.

[Jón Steinar Ragnarsson, 21.11.2007 kl. 21:02]

Al-slæmr diet var díagnósan á örbylgjuafbrigðinu.