Reykdólgsblogg

Ég fer fram á minnst 2ja ára fangelsi fyrir þennan reykdólg.  Hann gerði tvær tilraunir til að reykja um borð í flugvél Iceland Express, þ.e. þegar hún fór á loft og þegar hún lenti.  Róa sig, ég er að skopast, bara svo það sé á hreinu, en í heimi alls kyns óhamingju og afbrota, þá get ég ekki annað en orðið hissa þegar svona lagað birtist í fréttum eins og stórkostlegur glæpur hafi verið framinn.

Ég leyfi mér að halda því fram að það séu stundaðar ofsóknir á reykingamönnum út um víðan völl og fáir sjá neitt athugavert við það.  Ekki bús-í-búðir-fólkið sem elskar frelsið, ekki stjórnvöld sem selja dópið eða nokkur kjaftur annar.

Og Guði sé lof fyrir farþega sem láta sig náungann varða. 

"Flugfarþeginn, sem mbl.is ræddi, segist hafa veitt því eftirtekt að maðurinn hafi verið undir eftirliti lögreglumanna og öryggisvarða á flugstöðinni í Berlín þaðan sem flugvélin flaug í gærkvöldi. Hann sagði ennfremur að áhöfnin hafi komið af fjöllum er hann greindi henni frá þessu, en enginn öryggisvörður var með manninum í vélinni."

Gæti flugfarþeginn nokkuð lagst í frekari rannsóknarvinnu og látið íslensku þjóðina vita hvers vegna reykdólgurinn var í gæslu lögreglumanna?  Vonandi var það ekkert ómerkilegra en stöðumælasektir sem maðurinn er ásakaður um, ef nokkuð.  Ef níkótínkrimminn er ásakaður um alvarlegan glæp, þá væri hann ekki tæpast sendur á eiginn vegum í almennt farþegaflug og þá kemur það engum við, ekki nokkrum kjafti.

Hvað myndum við gera án allra "húsvarðanna" í lofti, á legi og á jörðu, sem fylgjast grannt með náunganum og gera svo viðvart ef eitthvað fer úrskeiðis?

Verð á svölunum heima hjá mér kl. 21,30 í kvöld og mun reykja eins og motherf...., áhugasamir hafi samband við lögregluna í síma sóandsó, andrúmsloftið er okkar allra og ég er að fara að menga það Big time.

Úje

 

Kveikti sér í sígarettu við flugtak

Athugasemdir

[Hugarfluga, 20.11.2007 kl. 18:29]

Hey, var'essi maður ekki með hakakross tattúeraðan á ennið á sér, með hnúajárn á fótunum og í Ramstein bol? Ég er viss um að ég hef séð hann reykja einhversstaðar ólöglega, sko!!

[Jenný Anna Baldursdóttir, 20.11.2007 kl. 18:39]

Fluva og ætli hann hafi ekki verið gulur eða svartur á litinn bara? Hehe.

Kolbrún: Segðu, við erum að kolvetnisjafna á svölunum hjá okkur kona og hvað uppskerum við?  Eintómt anskotans vanþakklæti og ekkert annað.

[Guðríður Haraldsdóttir, 20.11.2007 kl. 18:41]

Það styttist greinilega í að kaffifólk verið kallað kaffidólgar ef það stelst til að taka kaffi með sér í strætó ... hheheheheheheh

[Jón Bragi Sigurðsson, 20.11.2007 kl. 18:47]

Innilega sammála þér Jenny. Það er hlaupinn einhver fasismi í þennan málaflokk sem á ekkert skylt við það að vernda aðra fyrir reykingum 

Það er auðvelt að hneykslast á og úthúða einum óþekktum manngarmi sem verður á í messunni. En það eru víðar reykingadólgar en um borð í flugvélum.

Hvenær ætlið þið Íslendingar að taka á ykkur rögg og kæra þá þingmenn sem reykja innan veggja alþingishússins í trássi við þau lög sem þeir sjálfir settu? Eða við hvaða lög eða undanþágu frá lögum styðjast þeir við?

Einu rökin sem ég hef heyrt voru eftir forseta alþingis sem sagði að "við getum ekki haft þingmenn standandi úti að reykja". Sem sagt fullgott fyrir skrílinn að standa úti í hvaða veðri sem er en ekki okkur fína fólkið.

Ég skora hér með á einhvern Íslending að kæra þessa ...skota!

[Hrafnhildur Ýr Vilbertsdóttir, 20.11.2007 kl. 19:32]

Jenný....góð,  það er oft ekki þverfótað fyrir þessum and...... húsvörðum sem eru útum allt að fylgjast með náunganum og sumir á innsoginu af hneykslun.

[Bjarndís Helena Mitchell, 20.11.2007 kl. 20:32]

[Jenný Anna Baldursdóttir, 20.11.2007 kl. 21:15]

Krumma: Helv... húsverðirnir í krafgöllunum með prjónahúfurnar.

Fullur:  Ertu fullur? þann dag sem löggan verður send á þingmenn út af reykingum, dreg ég fána að húni.

Jón Bragi: Flott innlegg hjá þér, en ertu ekki Íslendingur sjálfur?  Ég meina, býrðu ekki á landinu?

Gurrí mín: Þess verður ekki langt að bíða að þú verðir sektuð fyrir sopann í strætó

[Kristjana (IP-tala skráð) 20.11.2007 kl. 21:20]

Orð í tíma töluð Jenný.

Þeim fjölgar dólgunum. Einna verstir eru, oft nafnlausir, kjaftadólgar sem m.a. blaðamenn lepja upp slúðrið eftir ábyrgðarlaust og matreiða síðan oní almenning. Opinbera dólga er enn hægt skamma þó svo ástandið er farið líkjast lífsbaráttu Orson´s  Welles. Við þurfum á svoleiðis manneskju að halda í dag. Agnes Braga lofar góðu!  

[Jens Guð, 20.11.2007 kl. 21:41]

  Fyrir 2 árum eða svo skruppum við tveir drykkjufélagar til Danmerkur.  Við höfðum setið að sumbli alla nóttina.  Félaginn var því orðinn nokkuð ringlaður þegar komið var á loft.  Tvívegis á leiðinni dró hann upp sígarettur og byrjaði að reykja.  Ég var mest undrandi á flugfreyjunum sem lögðu sig af mikilli kurteisi og nærgætni fram um að fá hann til að slökkva í sígarettunum með góðu.  Þetta var dálítið fyndið vegna þess að manninum gekk afar illa að átta sig á því hvers vegna verið var að biðja hann um að drepa í.  Hann reykti þess vegna á fullu á meðan flugfreyjurnar voru að semja við hann. 

  Þetta hafði enga eftirmála.  Kannski vegna þess að flugfreyjurnar sáu að maðurinn var ekki að brjóta reglur vísvitandi.  Hann var bara út úr heiminum. 

[Jenný Anna Baldursdóttir, 20.11.2007 kl. 21:44]

Jens: Það hlýtur að hafa verið brjálæðislega komiskt að sjá manninn smóka á fullu í samningaviðræðum við fluffurnar.  OMG

Kristjana: Mæl þú heilust.

[Jóna Kolbrún Garðarsdóttir, 21.11.2007 kl. 01:10]

Ég er nú tvisvar búin að blogga um reykingabannið á börunum, ég er reykingamanneskja og reyki ekki heima hjá mér vegna barnanna minna.  Það er mitt val ! En við reykingamenn erum ofsótt í dag vegna reykinga okkar en samt hirðir ríkið stóran hluta af verði hverrar síkarettu.  Við búum í lögregluríki í dag og við erum gjörsamlega réttlaus í dag.   Reykjandi afgreiðslukona á bar

[Jón Kristinn (IP-tala skráð) 21.11.2007 kl. 03:24]

„við reykingamenn erum ofsótt í dag,“ „ofsóknir á reykingamönnum“

Elsku krakkarnir mínir.. voðalega getiði vælt.

„get ég ekki annað en orðið hissa þegar svona lagað birtist í fréttum eins og stórkostlegur glæpur hafi verið framinn.“ Fréttir um mun ómerkilegri atburði en þennan hafa farið hátt á mbl.is. Þessi frétt er ennþá mest lestna fréttin á mbl.is. Jenný, ég held að þú sért yfir það hafin að blogga um (eilífu) gúrkutíðina á mbl.is. This too shall pass!

Það hafa margir bloggað um þessa frétt og sem betur fer má finna blogg inná milli þar sem talað er um  hve mikil hætta stafar af svona löguðu. Það kemur mér hreinlega á óvart að aðeins hafi verið talað við manninn eftir að hann var kominn hingað heim. Þessu ætti að fylgja há sekt. Ég segi nú fyrir mitt leiti að ekki vildi ég vera í flugvél þar sem laus eldur reikaði um farþegarýmið, sem vill oft verða þegar reykingadólgar henda rettunni í ruslatunnuna í panic þegar fluffurnar banka harkalega á salernishurðina í leit sinni að dólgum. 

Ég mun svosem fljúga áfram þó að meðal sam-farþega minna gæti leynst einn og einn dólgur.

[Jón Bragi Sigurðsson, 21.11.2007 kl. 06:32]

Takk sömuleiðis Jenný. Nei ég bý ekki á landinu (bý í Svíaríki). En það getur vel verið að ég geti kært samt. Ég er alla vega íslenskur ríkisborgari og mig klæar virkilega í fingurnar að gera eitthvað í málinu.

Fyrir meira en mánuði skrifaði ég til hins háa Alþingis og spurði hvort satt væri að þeir reyktu þar innanhúss og við hvaða lög þeir styddust sig við þá iðju. Hef ekki fengið neitt svar enn.

Einsog ég sagði finnst mér það absúrd að þeir einu sem brjóta lögin séu þeir sömu og settu lögin.