VG ENN Á BLÚSSI

 

Vistri-grænir bæta við sig þingmönnum í nýrri skoðanakönnun Capacent sem gerð er fyrir RUV og Moggann.  Sjálfstæðisflokkurinn bætir við sig líka. 

VG mælast með 23,9%, Sjálfstæðisflokkur með 28% báðir flokkar bæta við sig manni. Samfylking fær 19,7% og heldur samkvæmt könnuninni sínum tveimur mönnum.  Framsókn mælist með 21,9%.

Framsókn tapar hins vegar tveimur mönnum miðað við síðustu kosningar.  Ég er ekki hissa á því að Framsókn sé að tapa eftir miður skemmtilegar uppákomur hjá flokknum undanfarið.  Þegar ég horfði á Kastljósið í kvöld með Jóni Sigurðssyni sem kemur nú yfirleitt ágætlega fyrir af Framsóknarmanni að vera, fannst mér leiðinlegt að heyra hvað hann varð snöggpirraður þegar spurningarnar voru honum ekki að skapi.  Hvernig Framsókn getur varið allar gjörðir sínar eftir þessa tólf ára þrásetu í ríkisstjórn er mér fyrirmunað að skilja.  Jón sagði reyndar að þeir gætu ekki farið í stjórn ef þeir kæmu illa út úr kosningunum.  Ég vona að hann meini það.

Sjálfstæðisflokkurinn virðist ekki gjalda fyrir sína sextán ára valdasetu við kjötkatlana.  Það er með ólíkindum að þeir skuli sleppa, amk. í skoðanakönnunum.  Furðulegt fyrirbæri þetta og fróðlegt væri að heyra hvers vegna.

Við VG erum í gírnum.  Eftir því sem kosningadagurinn nálgast verð ég meðvitaðri um það með hverjum deginum sem líður hvurs lags stórslys það yrði að fá sömu ríkisstjórn enn og aftur til næstu fjögura ára.

Úff..

Sjálfstæðismenn og VG bæta við sig mönnum í Norðausturkjördæmi

Athugasemdir

[Anna Ólafsdóttir Björnsson, 30.4.2007 kl. 00:08]

Það er svo gaman að vera vinstri græn í dag, gær, fyrradag, bara hreinlega frá stofnun, en 12. maí ætla ég rétta að vona að það verði enn meira gaman, og 13. og 14. ...

[Guðmundur Ragnar Björnsson, 30.4.2007 kl. 10:36]

Þetta er reyndar kolrangt með að Framsókn sé að tapa fylgi í  NA kjördæmi. Í könnun sem gerð var fyrir Stöð 2 fyrir um mánuði síðan var Framsókn með um 14% en er nú með 24%. Með þessu áframhaldi verður Framsókn komin í 30% á kjördag.