AÐHYGLASÍNUM.IS

Þetta hefur verið töff dagur.  Mikið af erfiðum og leiðinlegum fréttum eins og sjá má á bloggsíðunni minni.  Kirkjuþingið sem hljópst undan merkjum varðandi samkynhneigða borgara þessa lands og hefur af þeim sjálfsögð mannréttindi. 

Lýsingarnar á aðförum mannsins sem dæmdur var í dag í Hæstarétti fyrir misþyrmingar á tveimur konum og er í gæsluvarðhaldi vegna alvarlegra árása bæði á þriðju sambýliskonunni. 

 Svo komu nýjustu hugglegheitin frá Framsókn (ekki að ég gráti það þótt þeir hverfi af kortinu).  Að tengdadóttur Jónínu Bjartmarz hafi fengið ríkisborgararétt eftir 15 mánaða dvöl í landinu þrátt fyrir tímabundið dvalarleyfi.  Þetta mun ekki eiga sér fordæmi töldu Kastljóssmenn.  Ég ætla ekki að væna neinn um að fara með ósannindi en ég á erfitt með að trúa því að þingheimur sé svo illa tengdur að nefndarmenn sem fjölluðu um málið hafi ekki vitað um tengsl Jónínu og umsækjandans.  Vó, vó því ef svo er þá eru viðkomandi í mergjuðum fílabeinsturni og með verulega samskiptaörðugleika.  Halló!!  Eru þingmenn og konur ekki 63 að tölu?  Það er svo sannarlega kominn tími á að leysa Framsókn úr viðjum plussófanna þar sem þeir geta ekki lengur gúffað í sig og sína eftir hliðarleiðum.

 Hafi ég haft óbeit á þessum flokki í sauðalitunum áður þá tók steininn úr þegar ég sá auglýsinguna frá þeim þar sem þeir hafa látið teikna afskræmda mynd af Steingrími J. Sigfússyni svo þeir í andaslitrunum geti nú mögulega náð til sín einhverju fylgi í komandi kosningum.  Aðferðarfræðin er hreint dásamlega vitlaus.  Þekkja þeir ekkert venjulegt fólk?  Kona spyr sig?

Nefndarmenn hafi tekið fram að þeim hafi verið ókunnugt um tengsl Jónínu og umsækjandans

Athugasemdir

[Heiða Þórðar, 27.4.2007 kl. 01:08]

Rétt að kasta á þig kveðju mín kæra

[Gestur Guðjónsson, 27.4.2007 kl. 01:35]

Ætla ekki að réttlæta myndina af Steingrími, en þú tekur þá undir með mér að "Aldrei kaus ég Framsókn" og "Zero Framsókn" frá VG sé einnig fyrir neðan allar hellur.

[Jenný Anna Baldursdóttir, 27.4.2007 kl. 01:47]

Nei Gestur þar er ekki beitt persónuárásum eins og í umræddri auglýsingu frá Framsókn.  ´Zero Framsókn og Aldrei kaus ég Framsókn og Ránfuglinn eru allt innan velsæmismarka og miðast ekki að persónum.  Þar skilur á milli Feigs og Ófeigs.

[Jenný Anna Baldursdóttir, 27.4.2007 kl. 01:47]

meiðast ekki gegn persónum vildi ég sagt hafa.

[Tómas Þóroddsson, 27.4.2007 kl. 09:13]

Þetta er að verða ..............flokkur. Aumingja Gestur er sá eini sem reynir að breiða yfir þá. Framsóknarflokkurinn hlýtur að fara deyja út........ég held að Gestur skólabróðir minn sé sá yngsti sem kýs flokkinn.

[Magnús Paul Korntop, 27.4.2007 kl. 10:44]

Framsóknarflokkurinn lést í dag,banameinið var spilling,jarðarförin fer fram í kyrrþey að ósk hins látna,blóm og kransar afþakkaðir en þeir sem vilja minnast hans er bent á Kárahnjúkavirkjun.
               Eftirlifendur.

[Anna Einarsdóttir, 27.4.2007 kl. 12:58]

En það var líka ein skemmtileg frétt áðan.

Rússar misstu stjórn á hundruðum eista  og arg.... ég missti af því.

[Jenný Anna Baldursdóttir, 27.4.2007 kl. 15:02]

Þetta er aumingjaflokkur og unglambið Tommi minn hann skólabróðir þinn; er hann með kosningarétt? Bara spyr af því þú ert nú svo jong á myndinni.

Magnús Paul þessir 24 í Framsókn eru harmi lostnir.

[Sædís Ósk Harðardóttir, 27.4.2007 kl. 16:18]

Þetta er frekar mikið út í hött, vissi ekki af tengslunum commmoonnnnnn