AF GAMNI OG ALVÖRU

Sniðuglega til fundið hjá þeim í félaginu Vantrú sem stóðu fyrir bingói í dag á Austurvelli til að mótmæla því að brotið sé á athafnafrelsi með helgidagalöggjöf Þjóðkirkjunnar.  Það var heldur ekki leiðinlegt að fylgjast með þeim félögum í sama félagi í fréttunum í kvöld þar sem þeir undu glaðir við sitt bingóspil og hafa jafnvel beðið eftir lögreglunni til að handsama sig en þeir munu hafa lýst með fjarveru sinni. Löggan þekkir greinilega sinn vitjunartíma og heldur sig frá saklausum skemmtunum sem engan meiða.

Það var þó sorglegra að sjá í sama fréttatíma í kvöld, ungu mennina á Filppseyjum sem láta krossfesta sig með margra tommu nöglum til að minnast Jesú Krists.  Þar gat líka að sjá hóp af mönnum sem rifu bak sitt með svipum og á sumum þeirra sást inni í kjöt.  Algjör viðbjóður.  Af hvaða meiði skyldi hún sprottin þessi sjálfspíningarhvöt?  Það er erfitt að fá glóru í svona gjörninga.

Hvort myndi fólk nú velja?  Bingóspil eða krossfestingu?  Ætli þeim feðgum á himnum sé ekki slétt saman um vanþroska leiki okkar mannana?  Ég er þó nánast viss um að þeim hugnast ekki helgislepja og barlómur.

Svo er þessi helgidagalöggjöf löngu úr sér gengin og algjör tímaskekkja.  Hvað ætli Þjóðkirkjan haldi lengi áfram að stjórna lífi fólk með úr sér gengnum löggjöfum og reglum sem eiga alls ekki heima í nútíma samfélagi og hafa kannski aldrei átt?

Vantrú heldur bingó á Austurvelli

Athugasemdir

[Svala Jónsdóttir, 7.4.2007 kl. 00:20]

Bingóið er betra. Ekki spurning!

Gleðilega páska. :)

[Ásthildur Cesil Þórðardóttir, 7.4.2007 kl. 10:35]

Ja ég vil allavega heldur fara í bingó.