GO AWAY YOU ARE NOT WELCOME IN ICELAND!

Rosaleg hernaðarhyggja er þetta í honum Birni Bjarnasyni.  Hann er algjörlega fixeraður á að hafa her.   Taumlaus ofurtrú á hið "vopnaða vald". Hinn karlmannlega styrkleika.

Bandaríkin gáfu skít í okkur og fóru enda forspátt fólk löngu búið að sjá að þeir voru hérna algjörlega fyrir sig en ekki okkur. Viðskilnaðurinn lýsti hugarfari setuliðsins til Íslendinga, þeir skildu allt eftir í drasli.

Nú ætlar Björn að koma á fót 240 manna varaliði lögreglu svona ef öryggi ríkisins er ógnað. Ég skelf úr hræðslu fyrir hönd væntanlegra innrásaraðila.  Hvað ætlar svo hið 240 manna lið að gera ef útlendur her ræðst hér til inngöngu?  Vaða út í sjóinn niðri við Slipp og reka fingurinn ógnandi framan í óvininn og segja svo allir í kór, dimmum ógnandi rómi: "Go away your not welcome in Iceland"!

 

Tillögur um 240 manna launað varalið lögreglu

Athugasemdir

[Heiða B. Heiðars, 30.3.2007 kl. 01:35]

Því fyrr sem þessi skaðræðisgripur víkur þeim mun betra!! 

[Runólfur Þórhallsson (IP-tala skráð) 30.3.2007 kl. 04:29]

Þeir sem ekki skilja muninn á því að koma upp varaliði fyrir LÖGREGLUNA og því að koma sér upp HER ættu held ég láta það vera að tjá sig um öryggismál Íslendinga. Um leið og minnst er á öryggismál þá úthrópa kerlingar af báðum kynjum Björn B og kalla hann heróðann. Þreyttur brandari en langt frá því að vera vitiborið innlegg í skyndamlega umræðu um innanríkismál. Eiginlega nær því að vera raus til að breiða yfir eigin heimsku. 

[Ólafur Þórðarson, 30.3.2007 kl. 04:34]

Bandaríkin gáfu ekki skít í ykkur. Þau eru föst í forarpytti stríðsbrölts í Írak og stóðu með íslendingum í gegnum kaldastríðsárin með tilheyrandi kostnaði við herstöð. Öll þessi atriði má deila um, þ.m. "standa með" en BNA hafa sett gríðarlega fjármuni til Íslands í gegnum árin.

Er sammála þessu með herlið BB. Til hvers í ósköpunum? Það vantar ekki kalla sem virðast hafa verið aldir upp við tindátaleik.

Er þó á þeirri skoðun að hér á að vera mun mninna lið, sem getur brugðist við ógn á borð við flugrán og þess háttar smærri málum. Allat stærra er bara of dýrt, og MAMMA farin heim til sín og búin að klippa kreditkortið.

[Anton Þór Harðarson, 30.3.2007 kl. 07:15]

Ætli mörgum sem gagnrýna BB yrði ekki öfugt farið, skildi eithvað koma uppá hér sem þarfnaðist fleiri lögreglumanna en eru tiltækir í dag, ætli BB fengi þá ekki óvægna gagnrýni fyrir að hafa EKKI styrkt lögregluna.

[Jón Svavarsson, 30.3.2007 kl. 08:40]

Öll hafið þið eitthvað til ykkar máls, það er óneitanlega undirliggjandi hjá Birni svona smá HERNAÐAR tilfinning, en ég held að 240 manns geri ekki annað en að vera sem annar hver maður mað fullgildum lögreglumanni og þá ekki aðeins ef til innrásar kemur heldur eins til að vera borgurum til halds og traust, ef önnur og varasamari vá myndi ríða yfir eins og náttúruhamfarir, en þá þarf oft að efla lögreglu og björgunarlið. því í alvarlegri náttúruhamförum vilja oft einnig verða miklar gripdeildir og þá duga ekki þessir örfáu RADARLÖGGUR sem eru í á ferðinni.

[Jenný Anna Baldursdóttir, 30.3.2007 kl. 08:57]

Gaman að þessum skoðanaskiptum.

[Jenný Anna Baldursdóttir, 30.3.2007 kl. 09:43]

Þessi kona spyr sig líka og er sammála hinni konnunni (Bethildi Jóns), vér gætum eitrað fyrir innrásaraðilum ekki spurning.  Þetta fé á nottla að fara til góðra málefna.