MISNOTAÐI STJÚPDÓTTUR

Enn einn málamyndadómurinn er fallinn, nú í Héraðsdómi Vesturlands en þar er karlmaður dæmdur í 12 mánaða fangelsi þar af 9 mánuði skilorðsbundna.  Maðurinn situr þá inni í 3 mánuði svipað og í undanförnum dómum.  Það er eins og þeir séu að stela sælgæti í sjoppu, nánast.

Brotið var framið árið 2002 þegar stúlkan var 11 ára.  Hún var sofandi og varnarlaus þegar hann káfaði á henni innanklæða.  Enn einn þursinn sem mylur undan trausti barns á sínu nánasta umhverfi.

Nú er að koma tími á undirskriftalista.  Ég segi þetta ekki af heift eða af því ég er í hefndarhug heldur verða kynferðisafbrot að vera refsiverð í samræmi við alvarleika þeirra.

Dæmdur í fangelsi fyrir kynferðisbrot gegn barni

Athugasemdir

[Anna Lilja, 21.3.2007 kl. 22:36]

Þetta er ekki nógu gott, þessu hefði eiginlega átt að vera snúið við. 3 mánuði skilorðsbundna og 9 mánuðir í fangelsi.

[Anna Ólafsdóttir Björnsson, 21.3.2007 kl. 23:14]

Verð alltaf raunamædd yfir þessu skilningsleysi, sinnuleysi og þekkingarleysi, því það vantar allt of mikið upp á að dómarar hafi þekkingu á þeim skaða sem sakamenn af þessu tagi valda.

[Guðrún Þóra Hjaltadóttir, 22.3.2007 kl. 00:37]

Já þetta er ótrúlegt. Gæti það verið af því að þessir dómarar eru allir karlmenn að þeir geri sér ekki grein fyrir alvarleika þessarra brota. Hjá þeim virðist þetta vera eins og að fara út í sjoppu eins og þú segir Jenný. Það virðist engin breyting verða á þessum dómum, þó svo að mikið sé gert til að benda á alvarleikan sem að þeim fylgir.

[Heiða B. Heiðars, 22.3.2007 kl. 00:40]

Mér verður óglatt þegar ég les svona! Það verður að fara gera eitthvað!!! 

[Hrönn Sigurðardóttir, 22.3.2007 kl. 08:12]

Þetta er óþolandi!!!! Er ekki hægt að gera eitthvað?