SIGURÐUR KÁRI ÓTTAST EKKI RAUÐ HVERFI

Í "Íslandi í dag" þar sem Sigurður Kári og Ögmundur sátu fyrir svörum var ma rætt um lögleiðinguna á vændi sem rann í gegn í þinginu á meðan fagnaðarlætin um fyrningarafnám á kynferðisafbrotum stóðu sem hæst.  Ég held að fæstir hafi áttað sig á þessu veiðileyfi sem búið er að gefa út á konur og nú geta íslenskir melludólgar fagnað.

En aftur að Sigurði Kára.  Aðspurður kvaðst hann ekki óttast að rauð hverfi muni rísa hér þar sem eftirspurnin væri einfaldlega ekki til staðar.  Það er þá í fyrsta sinn sem Sjálfstæðisflokkurinn telur það af hinu góða að skortur á eftirspurn skuli vera fyrir hendi.  Hvaðan Sigurður Kári hefur þessar upplýsingar um skort á eftirspurn eftir vændi vildi ég gjarnan fá að vita.

Nú eru klámkóngar þessa lands, eigendur staða þar sem mansal og vændi lifa góðu lífi, með ríkari mönnum.  Sumir þeirra flagga auðlegð sinni og senda samfélaginu fokkmerki, enda voru þeir nánast ósnertanlegir og núna eru þeir orðnir löglegir.  Eins og Eimskipafélagið og Aktavis.  Merkilegt að þessir staðir þar sem vændi er stundað og hingað fluttar erlendar konur sem koma oft úr sárri fátækt og neyð, skuli hagnast svona rosalega ef eftirspurn eftir vændiskonum er ekki til staðar.  Erfitt að sjá hvernig það á að ganga upp.

Nú er bara að setjast niður og bíða.  Lögin taka gildi um næstu helgi.  Ég hef á tilfinningunni að ýmislegt eigi eftir að breytast.  Núna er allt opið og leyfilegt og dólgarnir hljóta að fagna því.  Mansal og vændi er blómlegur bissniss.  Dúndrandi hagvöxtur í greininni. 

 

Athugasemdir

[Hrönn Sigurðardóttir, 21.3.2007 kl. 13:30]

Óþolandi - og auðvitað á að banna KAUP á vændi!!!!!

[Jenný Anna Baldursdóttir, 21.3.2007 kl. 13:52]

Nákvæmlega og það er ótrúlegt að þetta hafi náð í gegn.

[Ásthildur Cesil Þórðardóttir, 21.3.2007 kl. 13:55]

Sorglegt ef þetta eykur hættu á mansali og kynlífsþrælkun, nóg er nú samt.  En fyrirgefiði að ég spyr, hefur ekki komið í ljós að þegar kaup á kynlífi í Svíþjóð var bannað, þá hafi þetta bara farið neðanjarðar og undirheimar grasserað.  Ég held að við þurfum að huga vel að öllum afleiðingum.  En ég þekki þetta ekki, ef til vill sem betur fer.

[Jenný Anna Baldursdóttir, 21.3.2007 kl. 14:10]

Það er það sama og með dópið Ásthildur það er neðanjarðar.  Við getum ekki leyft hluti vegna áhættu um að það fari neðanjarðar. Vændi hefur verið vel falið hér á landi og varla vinnandi vegur að láta menn svara til saka jafnvel þó allir viti að það grasseri á ákveðnum stöðum.  Núna er algjörlega útilokað að ná melludólgunum og gera þá ábyrga fyrir gjörðum sínum.

[halkatla, 21.3.2007 kl. 14:25]

aumkunarverður Dlistadrengur sem lifir í eigin heimi

[Jón Valur Jensson, 21.3.2007 kl. 18:12]

Það á að banna bæði kaup og sölu á vændi og gera hvort tveggja refsivert -- en hlífa þeim, sem selt hafa líkama sinn, ef sterk líkindi eru til þess, að þær/þau hafi verið neydd til þess. Leið Björn Bjarnasonar er hneyksli, meðvirkni vinstriflokkanna sömuleiðis.