Skömm og hneisa

Wernerdrengirnir eru góðir, nútíma bissnissmenn eða þannig.

Þeir seldu sjálfum sér Lyf og heilsu, hér eftir kallað Skömm og hneisa, og fengu til þess lán úr fyrirtæki sem þeir eiga eða Moderna Finance AB.

Lánið átti að borga eftir hentugleikum.

Þetta er gargandi krúttlegt og ekki skrýtið að fyrirtækið sem lánaði skuli heita "Moderna Finance". 

Nútíma íslenskir viðskiptahættir, Skömm og hneisa.

Sjáið þið ykkur fara í bankann og fá lán til að halda húsinu ykkar og fá að borga eftir hentugleikum?

Væri það ekki dásamlegt?

Ég veit hvernig ég myndi túlka þau lánskjör, myndi geyspa og setja pappírana í tætarann (segi svona).

Hvenær eru fyrstu hentugleikar í kreppunni?

Bráðum, eftir tíu ár eða aldrei?

Annars er ég góð.  Ef frá er talin löngun til að sparka í eitthvað. 

Að þessu sögðu er mér ekkert að vanbúnaði, ég er fær í flestan sjó með attitjút og kúbein að vopni.

Eruð þið ekki komin með nóg af svona fréttum á hverjum degi krakkar?

Djöfuls glæpamenn.

Ég mun ekki stíga fæti inn í þessa lyfjavöruverslun, það er á hreinu.

Þeir sem það gera mega éta það sem úti frýs eftir hentugleikum.

Urrrrrrrrrrrrrrrrrrrrrrrrrr

Bræðurnir seldu sjálfum sér Lyf og heilsu

Athugasemdir

[Stefán (IP-tala skráð) 29.9.2009 kl. 09:07]

Wernersenbræðurnir illræmdu voru nú reyndar bara að vinna samkvæmt boðorðum frjálshyggjunnar sem tröllreið Íslandi. Sú frjálshyggjustefna sem Hannes Hólmsteinn, Sigurður Kári, Gísli Marteinn, Þórlindur Kjartans. og aðrir úr  stuttbuxnadeild Sjálfstæðisflokksins eru talsmenn fyrir, hefur leitt miklar hörmungar yfir íslensku þjóðina.

[sigkja (IP-tala skráð) 29.9.2009 kl. 09:16]

"og fengu til þess lán úr fyrirtæki sem þeir eiga eða Moderna Finance AB"

Á hvaða kjörum lánar þú sjálfri þér? Hvað borgar þú háa vexti og hversu hart gengur þú fram í innheimtu ef þú þarft lán úr ferðasjóði fjölskyldunnar til að kaupa vetrardekk?

[Jóhannes Laxdal Baldvinsson, 29.9.2009 kl. 10:24]

Stóra málið er náttúrulega hvernig hægt er að ganga að persónulegum eigum þessara manna. Ein leið er kannski fólgin í afskráningu þessara eignarhaldsfélaga eins og Ríkisskattstjóri minntist á. Ef þessi ehf félög hafa ekki skilað ársreikningum er þetta úrræði sem hægt er að beita

[Ragnheiður , 29.9.2009 kl. 10:31]

Ef maður ætlaði ekki að versla í nokkru fyrirtæki sem í útrás og ógeð blandaðist þá veit ég ekki um nema eina matvörubúð sem er "hrein" og það er Fjarðarkaup.

Ég fer hins vegar í ódýrari apótek og versla á Suðurlandsbraut

[Jenný Anna Baldursdóttir, 29.9.2009 kl. 11:23]

Þú þarna nafnlausi: Ertu að líkja saman ferðasjóð fjölskyldu og milljarðarekstri bræðrarna Wernersona?  Er ekki í lagi?

[hilmar jónsson, 29.9.2009 kl. 11:24]

Stóra málið er, að það er sorglega lítið verið að gera til þess að reyna ná til þessara manna og koma þeim bakvið lás og slá .

[sigkja (IP-tala skráð) 29.9.2009 kl. 11:41]

Ég er að benda á það að þeir eru að fá lán hjá sjálfum sér, ekki þér og ekki bankanum. Þetta eru þeirra fyrirtæki rétt eins og ferðasjóðurinn er þín eign. Ert þú e.t.v. að líkja saman einkafyrirtæki og ríkisreknum banka? Er ekki í lagi?

[Kjarri (IP-tala skráð) 29.9.2009 kl. 14:20]

Langar aðeins. Varðandi að taka lán hjá sjálfum sér. Þessir útrásarvíkingar allir saman borguði ekki fyrirtækin sem þeir keiptu út í hönd (held að engin þeirra hafi gert það, sjá til dæmis lán Bjögganna til að kaupa Landsbankan og það var haldið fram að þeir væru fjársterkir). Þessir menn keiptu til dæmis Sjóvá (reikna ekki með að þeir hafi greitt hann í hönd heldur fengið lán til þess) og notuðu svo bótasjóðina til að fjárfesta í ævintíralega vitleysu. Ef að Ferðasjóðurinn minn er ekkert nema skuldir að þá þarf væntanlega Ferðasjóðurinn minn að borga vexti af láni sem hann tekur til að lána mér (ekki prentar ferðasjóðurinn minn bara peningana sjálfur). Þetta auðvitað er það sem er að. Menn fá lán til að kaupa fyrirtæki og lætur svo fyrirtækið fyrirtækið lána sjálfum sér til að kaupa úr því eignirnar og skilja svo allt skuldadraslið eftir fyrir okkur til að borga. Þeir voru auðvitað hvergi í persónulegum ábyrgðum. Allt gert í gegnum einhver félg. Ég veit ekki um neinn sem hefur búið til fjárfestingafélag til að halda um ferðasjóðin sinn (en hver veit... alllt er nú til)

[kjarri (IP-tala skráð) 29.9.2009 kl. 15:42]

Svo getur maður orðað þetta soldið hressilegra. Ef maður miðar við að fyrirtækin séu eins og börnin mans að þá getur maður látið börnin sín taka lán til að kaupa t.d. bíl. Veð verður ekki í bílnum heldur einhverju sem börnin eiga. Síðan lætur maður börnin selja sér bílin fyrir slikk (og kanski segist maður borga þeim bara seinna þegar betur árar). Síðan þegar börnin fara í þrot að þá er það bara þeim að kenna og kemur okkur ekkert við. 

Aðeins öðruvísi orðað en einhvernvegin svona er þetta. 

[Hörður B Hjartarson, 29.9.2009 kl. 16:46]

    Ég er hjartanlega sammála þér Ragnheiður , það er sama hvar verslað er , og ekki sé ég að olíufélögin séu betri , öll með bullandi "samkeppni" , helsti staðurinn þar sem þessi´"sómafélög" lækka bensín og olíu er Selfoss , en ekki á aðalmarkaðssvæðinu , þ.e. á Reykjavíkursvæðinu , fólk sem sér ekki í gegn um svona lagað ætti að fara í hausaskiptaaðgerð .