Leita í fréttum mbl.is

Af líklegum ritstjóra og látnu fólki

 kristalskúla

Þegar betur fer að ganga þá er best að reka manninn í brúnni.

Íslenska leiðin - má ég kynna.

Annars er verið að leiða að því líkum að Davíð Oddsson setjist í ritstjórastólinn.

Þegar ég heyrði það greip ég til kristalskúlunnar og leitaði svara.

Kúlan var á því að þetta væri svona.

Ég án hjálpar kúlunnar tel svo líka vera.

Spurningin er - brjótast út fagnaðarlæti þegar kóngurinn hlammar sér í stólinn?

Talandi um kúlur og annað kukl.

Ég horfði á Þórhall miðil á Ská 1.

Æi, sumt er best að láta ósagt.

En að því ósögðu þá verð ég að lýsa furðu minni á að fólk sem kemur í gegnum miðla skuli vera ófært um að segja almennilega til sín.  Miðlar tala í gátum.

Alveg: Hér er gömul kona með stórt hjarta hún er í Nokíastgvélum og er að hugsa svo mikið til þín Guðrún mín.  Kannastu við það?

Já, hún stendur við sjóinn og veifar höndunum, stígvélin eru of stór, hún hoppar upp úr þeim hvað eftir annað, var hún ræðari?  Ekki, en vitavörður?  Baðvörður?  Ekki, nú en bringusundkona? 

Hvað hún heitir?  Bíddu, samband slæmt, kannastu við Sig eitthvað?  Sigrún?  Sigríður, Sigdís, Sigfríð, Sigmær, Sigþrúður, Sigurdís, Sigurlín?

Jésús, fyrst þessir látnu geta veifað höndum, gefið signöl og lýst eigin innræti af hverju í fjáranum geta þeir ekki sagt til nafns?

Það þarf að minnsta kosti ekki mikla miðilsgáfu til að leiða líkum að því að flotti Moggaritstjórinn hafi verið látinn fjúka fyrir Doddsson.

Okei, okei, ég er hætt.

Er að drífa mig í að lesa tarrot fyrir vikuna.

Úff, mikið að gera hjá mér í andlega geiranum.


mbl.is Aukið traust á Morgunblaðinu og mbl.is
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jóhanna Magnúsdóttir

Hvað segir þú Da eitthvað? Daníel?Dagur? Davíð????...  

Asskotinn, missti af lífsauganu! .. nennti ekki að kveikja á sjónvarpinu í kvöld. En takk fyrir útdráttinn.

Jóhanna Magnúsdóttir, 21.9.2009 kl. 00:03

2 Smámynd: Dúa

 Látnir eiga erfitt með að segja miðlum nafn sitt. Þeir eru meira svona í actionary ham þegar þeir mæta á miðilsfundi.....eitthvað trend fyrir handan....

Dúa, 21.9.2009 kl. 00:13

3 Smámynd: Steingrímur Helgason

Miðhallur Riðill á zér zitt ~költ~ ófullnægðra kvenna um allt land, zem ekki hafa kennt manninn.  Zó ?

Allir fyrir zitt rúzz...

Steingrímur Helgason, 21.9.2009 kl. 00:18

4 Smámynd: Ragnheiður

Ég bara missti af þessu !! veit ekki vel hvað ég geri í því en ég var að horfa á hryllingsmynd á Rúv um land sem AGS er að "hjálpa"

Ragnheiður , 21.9.2009 kl. 00:20

5 Smámynd: Brjánn Guðjónsson

„fyrst þessir látnu geta veifað höndum, gefið signöl og lýst eigin innræti af hverju í fjáranum geta þeir ekki sagt til nafns?“

hrein snilld!

ákvað að sleppa Sússa í kvótinu.

Brjánn Guðjónsson, 21.9.2009 kl. 00:37

6 Smámynd: Jón Steinar Ragnarsson

Cold Reading er svona loddarabragð, sem allir metnaðarfullir töframenn eru hættir að nota fyrir löngu. Þórhallur trúir því sennilega að hann sé svona tengdur "a shuteye".  Hann er svona loddari af lægstu sort, sem þrífs á ógæfu annarra og á því vanþóknun mína allaóskipta.

Orson Welles lýsir þessu ágætlega HÉR.

Hér er svo smá námskeið í þessu ómerkilega partítrikki.  Ég hef reynt þetta sjálfur og það er ótrúlegt hvað fólk getur látið leiða sig.Gott að kíkja á þetta og hafa til hliðsjónar, þegar þið horfið næst. Þórhallur fylgir þessu alveg í hörgul.

Látum Darren Brown hnykkja á þessu.

Jón Steinar Ragnarsson, 21.9.2009 kl. 01:30

7 Smámynd: Gunnhildur Ólafsdóttir

Það er ansi merkilegt hvað  ,,fólk að handan,, kemur alltaf með skemmtilega almennar frásagnir... Þó er öllu merkilegra að svo mörgum skuli finnast þær eiga eingöngu við um sig og sína!

Gunnhildur Ólafsdóttir, 21.9.2009 kl. 02:27

8 Smámynd: Jóhanna Magnúsdóttir

Merkilegt að allir sem hér kvitta eru sannir vinir vina sinna! Tilviljun!

Jóhanna Magnúsdóttir, 21.9.2009 kl. 07:01

9 Smámynd: Heiða B. Heiðars

Ég missti fullt af fólki á árinu sem mig langar að fá að tala við einu sinni enn :) Aldrei þolað miðla.... en leitt hugann að þeim undanfarið.

Þess vegna gerði ég enn betur grein fyrir því hvað þetta sem Þórhallur er að gera er sick

Það er ekki einu sinni hægt að tala um "cold reading" hérna. Ég fór inn á síðu skjásins og þeir sem koma fram í þættinum þurfa að gefa upp kennitölu

Ef ég gæfi upp nafnið mitt gæti fólk "gúgglað" og komist nánast að öllu um mig. Hef skrifað töluvert um foreldra mína og nánustu fjölskyldu. Ég prufaði að "gúggla" manneskju sem er ekki með blogg.... og fann glás

Það ásamt cold reading er gullpottur fyrir fólk sem vill nýta sér þörf fólks fyrir samskipti við ástvini.

Mig langar svo að vera ósammála hérna Jóhanna... en það er bara ekki hægt

Heiða B. Heiðars, 21.9.2009 kl. 07:56

10 Smámynd: Guðrún Emilía Guðnadóttir

Það þarf nú enga fjandans kúlu til að segja manni þetta það er að segja ef verið er að tala um dabba labba, en ef verið er að tala um miðla þá eru þeir eins misjafnir og mannfólkið allt.
Hitti einn óvænt, og mín var á verðinum, en nei hann sagði mér bara til syndanna og tjáði mér að hann væri að segja mér að ég ætti systur sem aldrei hefði fengið að þroskast í lifanda lífi og það er rétt mamma missti tvíbura frá Guðna bróðir.
Til gamans: ,,Hann spurði hvort ég væri ekki góð að keyra bíl, jú sagði ég, er nokkuð góð í því, Pabbi þinn segir að það hafi ekki verið neitt gaman að vera með þér í bíl, þú tækir aldrei neina sénsa, gat nú ekki annað en hlegið að þessum því pabbi sagði alltaf, yfir, yfir þú nærð þessu sko þegar var komið gult Hahaha.
Dæmið svo, ég er bara vinur minn

Guðrún Emilía Guðnadóttir, 21.9.2009 kl. 08:20

11 Smámynd: Ásthildur Cesil Þórðardóttir

Já það er margt til milli himins og jarðar, sumt sem við ekki skiljum, annað sem sumir skilja og aðrir ekki.  En ég er algjörlega sammála um Þórhall miðil og hans attitute, þoli ekki menninn.  Hef sjálf orðið fyrir reynslu sem ég get ekki annað en trúað á, en það er milli mín og þess andlega í sjálfri mér. 

Ásthildur Cesil Þórðardóttir, 21.9.2009 kl. 09:19

12 identicon

Þeir áttu að sýna Penn og Teller BS þar sem þeir fara yfir þetta miðla rugl...
Ég segi það sem ég sagði um sjáandann forðum: Maðurinn er annaðhvort geðveikur eða glæpamaður, það eru bara þessir 2 kostir.

Nú verða mbl menn brjálaðir.. :)  En hey ég get bent á vísindalegar rannsóknir máli mínu til stuðnings.
Og áskorun á Þórhall.. farðu til James Randi og reyndu að vinna milljón dollara.. ef þú gerir það ekki þá verð ég að segja að þú ert að svíkja fé út úr fólki, þú ert hreinlega að játa það ef þú ferð ekki.

DoctorE (IP-tala skráð) 21.9.2009 kl. 21:55

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (29.3.): 0
  • Sl. sólarhring: 8
  • Sl. viku: 16
  • Frá upphafi: 0

Annað

  • Innlit í dag: 0
  • Innlit sl. viku: 16
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband