Hipp og kúl að borða hvalkjöt?

Sumir borða hvalkjöt, aðrir ekki, ég er ein af þeim sem hrylli mig við tilhugsunina um lýsiskjötið.

Ég ber samt alveg virðingu fyrir þeim sem eru á annarri skoðun.

Sumum finnst líka hipp og kúl að borða hvalkjöt.

Alveg eins og sumum finnst hipp og kúl að vera á móti hvalveiðum.

Svo eru þeir sem eru eins og ég - sem eru einfaldlega á móti hvalveiðum, af því bara.

En jafnvel þeir sem elska kjötið verður ykkur ekkert hverft við þegar þið fáið svona upplýsingar?

Halló, hefur einhver lyst á sautján ára gömlu kjöti þó úr frysti sé?

Vá hvað mér yrði óglatt hefði ég gúffað í mig hvalkjöti í fyrra hjá Úlfari.

En sem betur fer er ég blásaklaus- aldrei þessu vant.

Úff.

Hvalkjötið dugði Úlfari í sautján ár

Athugasemdir

[Guðmundur Pálsson, 9.8.2009 kl. 13:41]

Mér finnst tveggja ára gamalt kjöt er í það mesta. Niðursoðinn barnamatur í krukkum getur verið allt að 2ja ára og bara tilhugsunin gerir fólki ruglað í ríminu. Á virkilega að gefa börnum svo gamlan mat.? En kjöt sem er 5-10 ára gamalt hvað þá 17 ára. Nei takk. Það ætti enginn að eta svo gamlan mat. Mikil PR mistök að vekja athygli á þessu.

[Bryndís (IP-tala skráð) 9.8.2009 kl. 13:42]

Ég tek undir með þér og var hissa á fréttinni.  Samkvæmt öllum kokkabókum þá er ekki æskilegt að geyma kjöt í frysti í meira en eitt ár. Matur sem geymdur er mörg ár í frysti getur verið hættulegur heilsunni.

Hérna í den í dýrtíðnni var hvalkjöt einasta ódýra kjötið  og til að losna við lýsisbragð var það sett í mjólk yfir nóttina. 

[Óskar Þorkelsson, 9.8.2009 kl. 13:44]

úlfar hefur aldrei farið í grafgötur með það að kjötið hans er af langreiðum og sandreiðum sem drepnar voru fyrir 17 arum :)

Kjötið er fryst og síðan glassað í vatni svo það er varið gegn súrefni og ljósi.. 

En 17 ára gamalt kjöt er svolítið slegið ;)

[Eygló, 9.8.2009 kl. 14:05]

Hann er þá væntanlega kominn með bílpróf!!?

[hilmar jónsson, 9.8.2009 kl. 14:33]

Hálffrosið hrefnukjöt, skorið í þunnar sneiðar, kreist sítróna yfir, létt saltað. Dippað ofan í soja og Wasabi. Ummmmm. Mæli með þessu.

[Sigurður Þórðarson, 9.8.2009 kl. 14:54]

Þetta eru ekki nýjar upplýsingar og ég fór nokkrum sinnum í mat  til hans og t.a.m með útlendinga sem voru sólgnir í kjötið, meira að segja ein grínpísdama sem laumaðist til að fá sér smakk.

[Sigurður Þórðarson, 9.8.2009 kl. 14:56]

hilmar jónsson verður að leggja af þennan sið ef honum verður að ósk sinni að komast í Evrópusambandið.

[hilmar jónsson, 9.8.2009 kl. 15:10]

Mér leggst eitthvað til Sigurður minn.. Ekki vandamál hjá mér þegar matur er annrsvegar.

[Himmalingur, 9.8.2009 kl. 15:13]

Veit nú ekki hvort það sé hipp og kúl að borða hval eða hrefnukjöt, en rétt matreitt, er það lostæti. En sautján ára gamalt kjöt læt ég ekki inn fyrir mínar varir og skiptir þá engu máli þótt kokkurinn heitir Úlfar!

[Hrönn Sigurðardóttir, 9.8.2009 kl. 19:05]

Keiko on a stick!!

[Eygló, 9.8.2009 kl. 19:47]

Late Keiko plate

[Hrönn Sigurðardóttir, 9.8.2009 kl. 21:08]

hahah góð Gló!

[Hrönn Sigurðardóttir, 9.8.2009 kl. 21:09]

Við ættum kannski að markaðssetja okkur í hvaladiskum fyrir túrista?

[Anna Dóra Gunnarsdóttir, 9.8.2009 kl. 22:16]

Innþornuð hvalasteikin hans Úlfasrs hlýtur að vera hreint hvalræði.

[Sigurður Þórðarson, 9.8.2009 kl. 23:28]

Mér þykir samt verst að ég yrði að hætta að borða selkjöt.

 Samfylkingarmenn skammast sín fyrir íslenskan mat sjá hér

[Anna Benkovic Mikaelsdóttir, 10.8.2009 kl. 00:48]

Allt sem Kristján (eigandi bátanna "Hvalur 1+2+3+4+5+6+7+8") segir um hinn gífurlega "markað" fyrir hvalakjöti ætti að skýra sig sjálft með 17 ár djúpfrystingu?

[Eygló, 10.8.2009 kl. 02:56]

Kannski er þetta aðferðin sem notuð er á hraðdána t.d. í Ammríkunni. Hvalurinn er djúpfrystur og svo verður hann affrystur þegar fundist hefur lækning við kvalafullum dauða.