Ansans ári óheppilegt Bjarni minn Ken

 

Já Bjarni Ken, það er svo ansans ári óheppilegt þegar ekki ríkir einhugur í forystunni.

Þegar skoðanir fara að víxlast út um víðan völl, fólk hættir að hugsa í kór og ein og ein hjáróma rödd fer að skera sig úr annars vel æfðum kórnum.

Árans vesen að það skuli vera lýðræði í landinu sem er að gera það að verkum að fólk er hugsandi sjálfstætt eins og ekkert sé og gleymir hollustunni við hið sanna stef flokksins.

Hið eina rétta stef.

Damn, damn, damn.

Annars segir Bjarni að það ríki trúnaður á milli hans og Þorgerðar Katrínar þrátt fyrir þetta skammhlaup í höfðinu á henni.

Ætli hann eigi þá við að þau séu enn alveg að segja hvort öðru leyndarmál og svona?

Bítsmí.

Bjarni: Óheppilegt að ekki ríkir einhugur í forystunni

Athugasemdir

[hilmar jónsson, 17.7.2009 kl. 22:54]

Já þeir eru svektir Sjálfstæðismenn.

Enda að renna upp fyrir þeim að vonarpeningurinn Bjarni reyndist lítið annað en meðal Björn Bjarna..

[Jenný Stefanía Jensdóttir, 17.7.2009 kl. 22:55]

Hinn pólitíski "sjáandi" yðar einlæg, sem þó hatar pólitík og dreymir aldrei fyrir jarðskjálfta og eldgosi, telur þessa stöðu algerlega kýrskýra.

"Nú á að segja pent við ÞGK; vík burt kúlukona"

Andstaða Bjarna er líka ótrúverðari en Valtýr Sig saksóknari sjálfur, enda ljóst að ná - frændi kappans er helsti ESB sinni innan FLokksins.

Bless

[Bjarni Kjartansson, 17.7.2009 kl. 22:58]

Segðu mér eitt mín elskelig.

Segir þú þinu húsbandi allar hugrennigar þínarÐ

Huh

Gerir þú það?

ef svo þá ert Þú svona  saint og lagið er

Panis

http://www.youtube.com/watch?v=rHKQYFgkcB8

mibb+o

 i stuði

[Jenný Anna Baldursdóttir, 17.7.2009 kl. 23:15]

Mibbó: Slakaðu en takk fyrir linka.

Jenný: Góð.

Hilmar: Hahha.

[jói (IP-tala skráð) 17.7.2009 kl. 23:39]

Þorgerður Katrín er greinilega að spila sig út í horn. Sem varaformaður þarf stundum að setja flokkshagsmuni ofar persónulegu poti. Þarna gerði Þorgerður Katrín mistök. Ég tel að hennar dagar í stóli varaformanns flokksins séu taldir. Hún er með fleiri mál sem er erfitt að útskýra.

Niðurfellingu á skuldum upp á mörg hundruð milljóna til fjölskyldunnar, sem greiddur var svo út arður upp á mörg hundruð milljónir, auk þess sem hægt hefði verið að nota þessa sömu peninga í lán handa öðrum sem hefði skilað nokkur hundruð kúlum í vexti. Alls hleypur þessi upphæð á 1,5-2,0 milljörðum. Það er ekki hægt að horfa fram hjá slíku.

Ekki er heldur hægt að horfa fram hjá því að ALLIR flokkar nema samfylking kusu í kross. Helstu fréttir þessa máls eru þær að tillagan um tvöfalda atkvæðagreiðslu var rétt búin að ná í gegn, var felld með minnsta mun. Sama tillaga og fæstir trúðu að ætti nokkra möguleika á að verða samþykkt á landsfundi sjálfstæðisflokksins fyrir þremur mánuðum. Í gær kusu þingmenn úr öllum flokkum nema samfó með tillögunni. Það verður að teljast góður árangur, og að auki mikið áhyggjuefni fyrir samfylkinguna að sjá þessa tillögu fá viðlíka mikið fylgi.

Nýjustu fréttir Össurar um að hagsmunaaðilar eigi ekki að vera með í samninganefndinni sem fer til brussel er enn eitt útspil samfylkingar. Það er með ólíkindum að aðilar úr sjávarútvegi eigi ekki að hafa aðila í samninganefndinni. Ef ekki þeir, hverjir eiga þá eiginlega að fara þarna út? Það er eins og samfylking ætli að halda áfram að gera allt rangt. Flokkurinn hefur varla gert nokkurn skapaðan hlut rétta í heilt ár.

Það er bara tímaspursmál hvenær allt springur hér í loft upp. Stór hluti þeirra sem sátu á sama framboðslista og Steingrímur J. eru búnir að afneita honum. Skoðanakannanir sína að fólk er almennt á móti því að farið sé í aðildarviðræður. Fólk er líka á móti öllu þessu dekri og undanlátssemi við þá sem hafa haft fé af almenningi í landinu. Þetta er allt gert með góðfúslegu leyfi samfó. Það er alveg að koma gott í bili af handabaksvinnu.

[Bjarni Kjartansson, 18.7.2009 kl. 00:28]

Svaka er Gurún úr fyrra þræði mikið ofur.

Elítan úr Vinstrinu að gera sig gildandi?

 Sumum líður illa vegna yfirmáta mikillar greindar og ofmats á sjálfum sér.

Geta ekki lesið limrur hversdagsins.

Skilja ekki súmbu næturinnar, eru kalkvistir náttúrunnar.

Segðu mér eitt mín annars ósamhengislega antí íhald.  Er þessi Guðrún Real? eða er hún afsprengi sinnar eigin óska og vona?

Var svona að pæla í því.  þar sem Reykjavíkur nætur hljóma mismunandi í eyrum hlustenda, allt eftir getu, aldri, skynsemi, næmni og hinu og þessu sem ég nenni ekkeað vara að pæla í. EN ég bið þig gefa skít í, að einhver Guðrún vilji letja þig til skrifa, bara vegna þess að ég tók smá pínu flipp á Janis og fl vinum mínum í eyrnakonfekt verksmiðjunum.

Guðrún vill auðvitað að allir fari að settumreglum sjálfskipaðra elítu m smekk, framsetningu og skoðun á LIST texta og að ekki sé gleymt.  skoðunum.

bless mín elskelig.

Mibbó

í stuði og pínu sár.

[Guðbjörn Guðbjörnsson, 18.7.2009 kl. 01:12]

Bjarni & Jenný:

Þetta voru 2 hljómmiklar og hljómfagrar  raddir - ekki gleyma Ragnheiði!

Síðan voru sumir - t.d. formaðurinn og þingflokksformaðurinn - búnir míga meira en einu sinni utan í ESB aðildarviðræður í vetur.

Mér fundust þingmenn Sjálfstæðisflokksins - að Birgi Ármanns undanskildum - ekki tala af mikilli sannfæringu í þinginu. Ég vildi heyra meira af þessu með handjárnin og kvalræðið, en það er ekkert að marka, þar sem ég er svoddan "perri"!

Flest af þessu sjálfstæðisfólki er búið að gera sér grein fyrir því að stór hluti af lausn okkar vandamála felst í ESB aðild og upptöku evru. Þeir eru bara svo hræddir við LÍÚ og völd þeirra úti á landi og síðan við bændurna að þeir þora ekki að "feisa" þess staðreynd.

Þeir ættu að hræðast meira "skrílinn" í Reykjavík og í Kraganum, því þar tapaðist mest af atkvæðum hjá Sjálfstæðisflokknum í síðustu kosningum, en kannski eru sum atkvæði verðmeiri en önnur?

Sjálfstæðisflokkurinn er að verða svona dreifbýlis-, sjávarútvegs-, og landbúnaðarflokkur!

Þeir gleyma því að a.m.k. 3/4 hluti atkvæðanna er í 50-70 km radíus frá Reykjavík og það eru þessi atkvæði, sem ráða því hver stjórnar landinu!

Sjálfstæðisflokkurinn og Framsóknarflokkurinn geta lesið þetta út úr síðustu kosningaúrslitum, sem eru aðgengileg á www. kosning.is