Davíð og Debbí túlka í kór

 

Ég kemst ekki yfir það hvað Davíð hefur mikinn slagkraft.

Annan daginn í röð hafa staðhæfingar Davíðs um hvaðeina verið reknar ofan í hann með staðreyndum.

Davíð er bara í rugli og tjóni ef hann opnar munninn.

Og hverjum er ekki sama um söguskýringar DO?

Reyndar sagði húsband mér að það væri gott að hvorki ég né Davíð værum túlkar hjá Sameinuðu þjóðunum.

Hann hefur reyndar kallað mig Debbí túlk í mörg ár þessi elska þegar hann gapir yfir upprifjunum mínum af fortíðinni sem hann vill meina að séu með ævintýralegri söguskýringum en gerist og gengur.

Stundum minnist ég á eitthvað úr fortíðinni og þá oftast mér til framdráttar í argjúmenti og þá segi ég t.d.; Manstu þarna um vorið að við fórum og gerðum og þú sagðir og ég sagði og þá gerðist þetta?

Hann: Nei, það var alls ekki svona, þetta var um vetur og þú varst ekki einu sinni með í för og ert því ekkert til frásagnar um þetta atriði.

Ég: Hvað er að þér, ég var víst þarna, ég held að ég muni það, var í svörtu leðurkápunni, stígvélunum sem ég keypti í London og þú varst í gráa jakkanum með hárið í tagli. 

Hann: Þetta er ekki argjúment Debbí mín, þetta er tísku- og hárgreiðslulýsing.

Ég: Ég er bara að benda þér á að ég man meira að segja hvernig við vorum klædd svo vertu ekki að draga allt í efa sem ég segi, minni mitt er óbrigðult sem er meira en þú getur státað af.

Hann: Það er enginn mælikvarði á eitt né neitt, þú manst hvernig fólk var klætt í sjoppunni þegar við fórum og leigðum mynd 1998 en þú ert löngu búin að gleyma hvað myndin hét.

Ég: Nei, það var Steel Magnolias.

Hann: Aha!  Ég vissi að Debbí væri mætt í öllu sínu veldi. 

Værir þú að túlka hjá UN þá hefði heimsstyrjöld skollið á fyrir löngu síðan.

---

Hvað get ég sagt, maðurinn er beinlínis vondur við mig.

Svona er ég, deili öllu með ykkur, leit á g-bletti, skoðun minni á Davíð og rifrildum á kærleiks.

Og er svo opin frjáls og utanáliggjandi.

Hjálp.

Ósvífin og ódýr afgreiðsla

Athugasemdir

[Lilja Guðrún Þorvaldsdóttir, 5.7.2009 kl. 23:52]

 Þú hefur þó húmor fyrir hinni minnisglöðu Debbí, það er meira en húmoristinn Davíð hefur fyrir sínum minningum, samanber þetta rugl sem lesa má í mbl. í dag.

[Eygló, 6.7.2009 kl. 00:01]

Enn á ný:  "Gæti ekki Davíð bara verið orðinn eitthvað lasinn í kollinum".

Þetta spurði maður sjálfan sig að t.d. meðan hann var límdur við stólinn.  Og þegar hann stóð tindrandi í ræðustól á landsfundi Sjálfstæðismanna og, og, og.

Ég hef enga unun af því að velta mér upp úr veikindum fólks; DO eða annarra.  En í einlægni, þegar þessi annars klári karl með fínu kímnigáfuna er farinn að koma út eins og geimvera (með fullri virðingu fyrir þeim OG DO)  þá á einhver bágt (það getur svo sem alveg verið ég?)

[Dúa, 6.7.2009 kl. 00:04]

Látið ekki svona út í Davíð

Frábærar söguskýringarnar þínar

Kannast alveg við þetta að muna klæðaburð og dagsetningar og orðréttar setningar og í heildina kemur það alltaf vel út fyrir mig

[Lísa Björk Ingólfsdóttir, 6.7.2009 kl. 00:07]

Oh - og minn segir alltaf að ég sé ekki að fara rétt með þó svo ég viti að það er alveg hárrétt hjá mér - víst og víst og víst.  Þarf ekki Kári að kíkja eitthvað á þessi gen?

[Katrín (IP-tala skráð) 6.7.2009 kl. 02:39]

æ, mér finnst þetta nú virkilega hallærisleg "saga"  og ekki að skilja samhengið á milli hennar og ummæla Davíðs Oddsonar um Icesave .....

[Jónína Dúadóttir, 6.7.2009 kl. 08:02]

Auðvitað hefurðu rétt fyrir þér... Debbí mín

[Ía Jóhannsdóttir, 6.7.2009 kl. 08:16]

Þar sem mitt skammtímaminni er í feluleik þykist ég muna allt úr fortíðinni. Yeh right!  Davíð vorkenni ég það er eitthvað mikið að!

[Stefán (IP-tala skráð) 6.7.2009 kl. 08:35]

Þessi drottningarviðtöl Agnesar Bragadóttur við Davíð Oddsson eru mjög svo pínleg fyrir Morgunblaðið, sem vill láta taka sig alvarlega. Agnes lætur Davíð draga sig út og suður á asnaeyrunum með röngum fullyrðingum og staðhæfingum sem svo engir aðrir kannast við. Það er til háborinnar skammar fyrir Agnesi að bera þessa vitleysu á borð fyrir okkur sem erum tryggir áskrifendur Morgunblaðsins til margra ára.

[Hrönn Sigurðardóttir, 6.7.2009 kl. 08:39]

Það á að vera góður við minni máttar....