Farsi í tveimur þáttum

Ef ástandið væri ekki svona alvarlegt á Íslandi núna þá væri það hin besta skemmtun að fylgjast með umræðum í þinginu.

Í gær fékk ég reyndar fyrir hjartað (nú eða eitthvað líffæri þarna í brjóstholinu, hvað veit ég hvað er hvað) þegar SDG fríkaði út í ræðustól þingsins, barði hnefa í pontuna, aftur og aftur (hátt) og gargaði á þingmenn Samfó. 

Ég er ekki að fara með neinar skröksögur þegar ég segi að mér hafi brugðið.

Maðurinn missti stjórn á sér og það er aldrei gott að verða vitni að slíku.

Í dag var svo taka tvö í ræðustól Ólátagarðs.

Aftur var það SDG sem var í aðalhlutverki og fékk reyndar dygga aðstoð skoðanasystur sinnar í flokknum henni Eyglóaddna Harðardóttur.

Og nú var það forseti þingsins hún Ásta Ragnheiður sem fríkaði út.  Einhver taldi bjölluslögin þegar hún tók hið fræga tónverk, tilbrigði við sjálfsmorð á bjölluna og mun hún hafa slegið í hana þrjátíuogeitthvaðsinnum til að þagga niður í formannsunglingi Framsóknar.

Ásta Ragnheiður; róa sig.

Ég og fleiri vorum alveg yfirkomin af gleði fyrir hönd Framsóknarflokksins þegar nýr formaður og ný forysta var kosin í janúar. (Hér er ég ekki að vera andstyggileg).

Hugsuðum alveg: vei, út með kerfiskallana og kerlurnar - inn með unga og frjóa stjórnmálamenn.

En nú hallast ég að því að Framsóknarflokkurinn hafi tekið þetta með "ungu forystuna" aðeins of langt.

Svo sakna ég Helgu Sigrúnar, sem var á þinginu fyrir kosningar (kom inn fyrir Bjarna Harðar), þar fór nefnilega klár kona sem lét ekki eins og kjáni.  Ég tók mark á henni.

En svona er lífið.

En er til of mikils mælst að þingmenn hagi sér í samræmi við þá ábyrgð sem þeim er falin?

Með tilliti til ástandsins í þjóðfélaginu?

Eða er þessi farsi þar bara það sem við eigum skilið?

Spyr sá sem ekki veit.

Einleikur forseta á bjöllu

Athugasemdir

[Finnur Bárðarson, 16.6.2009 kl. 18:14]

Er Birgir Ármannsson hættur með leikritið sitt ? Og Sigmundur kominn í staðinn. Guð hjálpi okkur öllum

[Sigrún Jónsdóttir, 16.6.2009 kl. 18:19]

Það er skelfilegt að horfa upp á þetta

[Óskar Þorkelsson, 16.6.2009 kl. 18:31]

Ásta Ragnheiður verður eingöngu kölluð bjöllusauðurinn hér eftir

[Jenný Stefanía Jensdóttir, 16.6.2009 kl. 18:34]

Á svo að bera virðingu fyrir svona stjórnleysi?

[Sigurður Þorsteinsson, 16.6.2009 kl. 18:41]

Ég verð nú bara að játa að ég hef meiri áhyggjur af skjaldborginni sem ríkisstjórnin þín ætlaði að byggja á Austurvelli. Þetta er nú getur nú varla talist borg, ekki einu sinni þorp. Það skiptir nú kannski ekki svo miklu máli fyrst Davíð er farinn frá. Helvítis pakkið getur þá bara kennt sjálfum sér um! Ástandið er jú, ríkisstjórninni 1970-1979 að kenna, eða einhverri annarri. Bara ekki þessari. Helvítis skjaldborg, hef alrei þolað þær.

Annars hélt ég fyrst að félagsmálaráðherrann væri fyrst að hrista hausinn, en svo kom í ljós að hún var að rifja upp tíma sinn í lúðrasveitinni en hún lék þar víst á bjöllu. Hún er víst búinn að skrá sig á námskeið í sjálfstjórn fyrir fundarstjóra.  

[Ólafur Sveinsson (IP-tala skráð) 16.6.2009 kl. 19:48]

Hef fylgst með störfum alþingis lengi.  Ásta Ragnheiður fór að þingsköpum. Rugglukollurinn SD fór út fyrir dagskrár málið með því að vísa í dagblað, um ummæli Jóhönnu.

[Finnur Bárðarson, 16.6.2009 kl. 20:03]

Sigurður: Það eru engar skjaldborgir til, þær eru bara hugarfóstur, draumsýn. Hins vegar er verið að byggja alvöru múr kringum útrásaagógeðin.

[Gísli Baldvinsson (IP-tala skráð) 16.6.2009 kl. 20:10]

Þegar menn eru farinir að kalla forseta Alþingis bjöllusauð en uppúrsoðið. Svona slíkum til fróðleiks þá er Ásta R. fyrrverandi félagsmálaráðherra.

[Sigurður Þorsteinsson, 16.6.2009 kl. 20:18]

Finnur hvers vegna er ríkisstjórnin að loka þjóðina innan þessara múrverkja. Sumir segja að sá staður sé ekki innan múrveggjanna, heldur undir þeim, neðanjarðar!

[Unnsteinn (IP-tala skráð) 16.6.2009 kl. 21:10]

Jú jú, þetta er auðvitað ekki alveg í lagi þetta lið.

En ég verð að segja að mér finnst þetta svo algjörlega, fáránlega, út úr kú að ég get ekki annað en grenjað úr hlátri. 

Þarna stendur maðurinn sem hefur lausnirnar á öllu og talar út úr rassgatinu á sér um eitthvað allt annað en hann á að vera að tala um, meðan Ásta hamast á bjöllunni eins og enginn er morgun dagurinn. Kannski var hún að hita upp fyrir lúðrasveitir landsins....

Hæhó og jíbbbíjei

[Sverrir (IP-tala skráð) 16.6.2009 kl. 21:57]

Hvernig væri að forseti fengi flautu og spjöld að hætti knattspyrnudómara í stað bjöllunnar? Það gæfi forseta aukna reisn og myndugleik. Svo mætti spila þessar uppákomur á laugardagskvöldum í Ríkissjónvarpinu til dægrastyttingar.

[Brjánn Guðjónsson, 16.6.2009 kl. 22:14]

ekki sá ég nema stutt brot af tónleikunum, í fréttunum.

mér skilst að til umræðu hafi verið fundarstjórn forseta, eða voru það þingsköpin?

mér heyrðist Sigmundur Davíð tala um eitthvað allt annað og því ekki óeðlilegt að forseti hefði gerst bjöllusauður.

hvað er þingliðið alltaf sí og æ að ræða þingsköp? ég skil forseta vel. hvaða forseti myndi ekki tapa sér á endanum þegar þingheimur kýs helst að gagnrýna sköp hans?

[Jenný Anna Baldursdóttir, 16.6.2009 kl. 23:01]

Ég skil forseta vel, ekki misskilja mig, það þyrfti auðvitað engil að geðslagi til að þola órólegu deildina í Framsókn.

En ég hefði kosið að hún hefði ekki orðið svona svakalega pirruð vegna þess að það á ekki kitla hégómagirnd þessara kjána.  Þeir gætu farið að trúa því að þeir væru að slá í gegn.

Annars hef ég ekki talað við nokkurn mann í dag, né lesið staf um þessar uppákomu formannsins í dag og gær, sem er ekki gapandi hissa yfir ruglinu í þeim.

En þau Sigmundur Davíð og Eyglóaddna halda að svona sé stjórnarandstaða.

[Ásthildur Cesil Þórðardóttir, 16.6.2009 kl. 23:31]

Sammála þér um Sigmund, hef alltaf sagt það, úlfur í sauðagæru, og settur þarna sem nýtt andlit á gamlan belg.  En ég hef greinilega misst af heilmiklu, horfi ekki á sjónvarpið á þessum síðustu og verstu tímum, hef of mikið að gera.