Kerlingabók

Sunnudagur, 14. júní 2009

Spegill - spegill

Spegillin sem náði yfir heilan vegg á skrifstofu Landsbankastjórans Sigurjóns Þ. Árnasonar, var reyklitaður og til þess fallinn að fegra þann sem skoðaði sig í honum með gagnrýnum augum.

Undraglerið var þeim töframætti gætt að það máði út áhyggjuhrukkur, mildaði munngeiflur og skerpti augnsvip þeirra sem spegluðu sig í honum.

Hann máði út leifar af gull- og svínakjötsáti svo tíðindum sætti um leið og hann sneið hjólbörufarma af aukakílóum þar sem þau voru að þvælast fyrir viðkomandi.

Á skrifstofunni fóru reglulega fram samtöl milli Sigurjóns og spegilsins eftir að hann hafði laugað augu sín ediki, klínt svertu á augnhárin og plokkað nefhárin vandlega.

Sigurjón horfðist þá snöfurmannlega og óhræddur í augu við spegilmynd sína.

Hann dáðist löngum stundum að því sem hann sá.

Hvernig hafði hann orðið svona guðum líkur í útliti?

Þessi maður geislaði af því valdi sem honum hafði verið falið. Hann var leiðtogi. Hann myndi enda á Bessastöðum að lágmarki.

Það var á einu svona spegilmómenti sem Sigurjón og Sigurjón spegill lánuðu sér fjörtíumillur með málamyndavöxtum.

Lögmaður félaganna Sigurður G. Guðjónsson, sem einnig hafði fengið sín móment í speglinum góða í skjóli nætur á skrifstofunni, sagði þeim að þetta yrði skráð sem misskilningur í bókhaldið.

Svo fór lögmaðurinn heim og skrifað harða gagnrýni á Evu Joly (líka í skjóli nætur eins og alkunna er orðið), og benti á að hún væri ekki djollí gúdd felló.

Sem er óneitanlega rétt hjá Sigga Gé.

Ég er algjörlega sammála Grjóna, Sigga og Spegilgrjóna.

Að gjalda varhug við Evu.

Svona kjéddlingarlufsur gera ekkert annað en skekkja (spegil)myndina.

	Sigurjón lánaði sjálfum sér fé
Ábyrgðarmaður færslu Tilkynna um óviðeigandi tengingu við frétt

Meginflokkur: Bloggar | Aukaflokkar: Halloki, Mannréttindi, Stjórnmál og samfélag | Breytt s.d. kl. 16:45 | Facebook

Athugasemdir

Góð að vanda

Sigrún Jónsdóttir, 14.6.2009 kl. 11:59

Ragna Birgisdóttir (IP-tala skráð) 14.6.2009 kl. 12:01

Þarf að taka Sigurjón með mér í átak því við erum orðnir of digrir.Vildi samt að eigna staða mín væri jafn digur.

Hörður (IP-tala skráð) 14.6.2009 kl. 12:05

Jenný, þú ert svo mikið krútt að stundum langar mig að kreista þig arna!

Snilldarfærsla.

Kveðja af grandanum.

Einar Örn Einarsson, 14.6.2009 kl. 12:13

Snilld :-) Þú hlýtur að hafa reynt fyrir þér á ritvellinum. Alla vega ættir að gera það.

ASE (IP-tala skráð) 14.6.2009 kl. 12:20

Þetta er með betri pistlum sem þú hefur látið frá Jenný :)

Óskar Þorkelsson, 14.6.2009 kl. 12:34

Góð færsla og frábær myndlíking.

Ólöf de Bont, 14.6.2009 kl. 13:52

þessi fer í topp tíu hjá þér kjéddlíng...alveg sjúr á því sko

Ragnheiður , 14.6.2009 kl. 14:46

Klárlega tía!!!

Heiða Þórðar, 14.6.2009 kl. 15:07

er hann ekki laus við velferðarspikið? var það ekki bara 2007 dæmi, sem hvarf við hrunið?

Brjánn Guðjónsson, 14.6.2009 kl. 15:19

Pennafimi par excellence!

Jenný Stefanía Jensdóttir, 14.6.2009 kl. 15:26

Góð að vanda

Birna Dis Vilbertsdóttir (IP-tala skráð) 14.6.2009 kl. 15:32

Við lestur slíks pistils undrast ég ekki að þú sért (einn) mest lesni bloggari. Ausgezeignet.

Eygló, 14.6.2009 kl. 16:25

Þú ert sillingur Jenný Anna, alveg geggjaður pistill!

Lilja Guðrún Þorvaldsdóttir, 14.6.2009 kl. 18:58

Þú ert snillingur Jenný Anna, alveg geggjaður pistill !

Þetta átti að standa í athugasemdinni hér fyrir ofan. Snillingurinn þínn!

Lilja Guðrún Þorvaldsdóttir, 14.6.2009 kl. 19:00

Tær snilld. Frábært.

Tryggvi Marteinsson (IP-tala skráð) 14.6.2009 kl. 19:29

Þú færð tvær tíur fyrir þennan pistil

Ásdís Sigurðardóttir, 14.6.2009 kl. 20:29

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir

Bara eins og ég kem fyrir af skepnunni. Er með róttæka vinstri slagsíðu, með fagurgrænu ívafi ásamt femínískum töktum þegar við á. Ég bít ekki. Eða bít ég? Það fer tvennum sögum af því.

jennfo.baldursdttir@gmail.com