Haffa kaman

Ég held að það sé langt því frá öfundsvert að sitja í ríkisstjórn í rústum hins manngerða efnahagshruns.

Þess vegna varð ég smá hissa þegar ég sá að stjórnin hefur aukið fylgi sitt frá kosningum.

Það er ekki beinlínis hægt að ætlast til uppklapps við þessar aðstæður.

Ég held að ég styðji þessa stjórn áfram enn um sinn, ekki að það sé eitthvað stórmál hvað mér finnst, en ég er enn í stuðningsliðinu með obbsjón til að gagnrýna grimmt eða breyta um skoðun.

Samt snýst ég í trúfestu minni í allar áttir, allt eftir því hvað er í gangi hverju sinni.

Ég geri ekki kröfu um kraftaverk frá þessu fólki, en ég ætlast til að fá heiðarleg svör og að þeir útrými leyndarmálapólitíkinni snarlega.

Stundum líður mér eins og litlum krakka sem lendir í illa upplýstum foreldrum sem vinna eftir reglunni, því minna sem þú veist því betra.

Það hefur aldrei gagnast neinu barni né heldur okkur hinum.

Ég get ekki tekið mér orðið gagnsæi í munn né sett á blað nema til að nótera það hjá sjálfri mér að ofnotaðra orð er ekki til á Íslandi.

En það vantar g.... í vinnubrögðin.

Laga!

Ekki seinna en á morgun.

Þetta var það sem ég vildi sagt hafa.

Nú er ég farin að haffa kaman og liffa lífinu.

Stuðningur við stjórnina eykst

Athugasemdir

[Valdimar Samúelsson, 2.6.2009 kl. 00:25]

Þetta sýnir hve áreiðanlegar þessar kannanir eru. Svipað og þegar hlutabréf hækkuðu hér þegar allt var niðri. Hvernig verða kosningar um ESB . Þori varla að hugsa um það.

[Hildur Helga Sigurðardóttir, 2.6.2009 kl. 03:12]

Finnstérekki skjaldborgin soldið slitin líka ?