Ekkert flagg í Viðey

 

Íbúar Öregrund eru komnir á svartan lista hjá mér.

Eða væru, ef ég væri með einn slíkan.

Fánastangir kosta peninga finnst Öregrundaríbúunum.

Okei, þeir um það að sleppa íslenska flagginu af sparnaðarástæðum.

Öregrund er hola þar sem skráðir voru 1.552 íbúi árið 2005. 

Ég er með hugmynd.

Auga fyrir auga og allur sá pakki.

Við hættum að flagga sænska í Viðey þar til þeir hafa kippt þessu í liðinn.

Nú, er ekki flaggað sænskum í Viðey?

Skít sama, þeir í Öregrund vita ekki afturenda um það, bara senda þeim póst og tilkynna um flaggrefsinguna.

Ni är ute.  Heja, heja.

P.s. Uss, ekki segja, en mér gæti ekki staðið meira á sama hvort þeir flagga íslenska fánanum eða ekki.

Slepptu íslenska fánanum

Athugasemdir

[Hrönn Sigurðardóttir, 29.5.2009 kl. 14:46]

hehe ekki mér heldur! Hef heldur ekki hugmynd um hvort ég ætti, í hefndarskyni að sleppa að flagga norska, sænska eða danska fánanum. Til öryggis ákvað ég að hætta alfarið að flagga

[Gísli Baldvinsson (IP-tala skráð) 29.5.2009 kl. 15:10]

Það búa þarna varla þúsund manns yfir vetrartímann...mikil ekkifrétt..

[Finnur Bárðarson, 29.5.2009 kl. 15:19]

Gátu þeir ekki dröslað upp sjóræningjafána með hauskúpu ?

[Lilja Guðrún Þorvaldsdóttir, 29.5.2009 kl. 17:01]

Þeir hafa náttúrulega séð Draumalandið,  þar sem "Fánar" eru teknir niður og Alcoa fánar dregnir að hún í staðinn.

Sumir hafa móðgast meira en góðu hófi gegnir!  Ég meina var það ekki einmitt Alcoa sem með byggingu álversins áttu að bjarga Íslandi frá því að svelta heilu hungri, og færa okkur eilíft góðæri.