Af hverju ekki Búlgaría? - Fjandans óréttlætið

Ég skil þetta ekki!

Búlgaría, mitt uppáhaldslag komst ekki áfram.

En Jóhanna flaug inn en náði einfaldlega ekki með tærnar þar sem þau höfðu hælana.

Hvað er að Evrópu?

Heyrði fólk ekki tærar og samstilltar raddir Rúmenanna?

Ég ætla að henda sjónvarpinu út um gluggann.

Ísland sökkaði.

Farið ekki að grenja, auðvitað komumst við áfram.  Stúlkan söng eins og engill.

En lagið á undan okkar, Búlgaría.  Ég hélt að ég myndi látast úr skömm fyrir þeirra hönd.

Einsogværiveriðaðsagasundurketti.kvikindinykkar.

 

 

Ísland komið áfram

Athugasemdir

[Ragnhildur Sverrisdóttir, 12.5.2009 kl. 21:42]

Eins og kettir í vaxmeðferð, held ég að Sigmari hafi sagt um búlgarska lagið. Skelfilegt, en hafi óneitanlega töluvert skemmtanagildi

Hér ætluðu systur og Tara vinkona að bilast úr hamingju þegar úrslitin voru ljós. Eurovision er eintóm sæla fyrir 8 ára.

[Friðrik Heiðar Ásmundsson (IP-tala skráð) 12.5.2009 kl. 21:44]

Já, búlgarska lagið var líklega það versta í sögu evrósivion keppninar, svo hræðilegt var það

[Bimbó (IP-tala skráð) 12.5.2009 kl. 21:53]

Að sjálfsögðu eru það núna bara formsatriði eftir,, Sigurinn er í höfn,,Hin nýja ríkistjórn mun á sínum fyrsta ríkisráðsfundi fyrir norðan,,velja lóð fyrir hina nýju 150.000 manna tónleikahöll,,sem reist verður á sléttu ári,, Ekkert mál,, við flytjum bara inn 200.000 pólverja og kínverja til að vinna verkið,,

[Hrönn Sigurðardóttir, 12.5.2009 kl. 22:09]

"eins og breima kettir í vaxmeðferð" Ummæli sem lýsa laginu algjörlega.....

[Brjánn Guðjónsson, 12.5.2009 kl. 22:29]

skammastín. maður kemur hér í góðri trú.

ég „lentí í“ að horfa á þetta myndband sem fylgdi færslunni þinni.

ég er ekki samur á eftir. ég er flak.

[Lára Hanna Einarsdóttir, 13.5.2009 kl. 00:03]

Ég lenti í því sama og Brjánn og er miður mín. 

[Eygló, 13.5.2009 kl. 00:24]

Heyrist sagt að Bretar muni veita okkur douce point til að reyna að koma okkur í klandur, þ.e. gera allt til þess að við þyrftum að punga út til að halda næsta Júró-drag-partíið.

Ég gat ekki hlegið að þessum greyjum, Búlgörum, fann svo til með þeim. Hugsið ykkur ef okkar teymi hefði koksað svona á flutningnum. Úhúhú...fff.

[Hildur Helga Sigurðardóttir, 13.5.2009 kl. 02:36]

Hér ritar kvenflak !

Var svo upptekin af stultudæminu í fyrra skiptið að ég gleymdi alveg að hlusta.   (Gleymdi ?  Er ég sú eina sem horfir á hljóðlaust Júróvisjón?  Spái bara í dressin við og við).

Hreifst þó einnig af "Guðminngóður, erðettekkað verða búið ? Plís einhver, fara með mig baksviðs og lóga mér, NÚNA !", svipnum, sem kom á aðalkarlsöngvarann í miðju lagi.

Nú heyri ég fyrst af hverju ég missti fyrr í kvöld.  Ó, Takk, Jenný, fyrir að deila þessu með okkur.

[Jack Daniel's, 13.5.2009 kl. 03:46]

Danski þulurinn var lítt hrfinn af þessu lagi þó lýsingar hans á því hafi ekki verið eins kjarnyrtar og hjá Simma.

Hins vegar skal ég játa, að ég held að ég sé varanlega heyrnarskemmdur eftir að hafa heyrt Búlgarska lagið og er að spá í að fara í mál við Búlgari vegna þess.

[María Guðmundsdóttir, 13.5.2009 kl. 05:58]

[Jónína Dúadóttir, 13.5.2009 kl. 06:01]

[noli (IP-tala skráð) 13.5.2009 kl. 07:12]

þetta blogg jafn falskt og flytjendur lagsins i gær

[Jenný Anna Baldursdóttir, 13.5.2009 kl. 08:13]

Sólon, æi ég meina noli: Snæddu innmat og dettu svo á hausinn.

HH: Nenna sín reddar alltaf Júróvisjón fyrir góða fólkið.

Þið hin: Reynið að jafna ykkur.

[Guðrún Emilía Guðnadóttir, 13.5.2009 kl. 08:25]

Verð nú bara að viðurkenna að ég horfði ekki, nema stökk eins og mér einni er lagið inn í stofu er Jóhanna átti að syngja og varð ekkert fyrir vonbrigðum til hamingju Ísland.

[Ásthildur Cesil Þórðardóttir, 13.5.2009 kl. 09:01]

Jenný nú plataðirðu mig svakalega, ég varð að lesa aftur, hvað er að Jenný hugsaði ég og las aftur, svo kom rúsínan   Þú ert ótrúleg prakkarinn þinn. 

[Birna Dis Vilbertsdóttir (IP-tala skráð) 13.5.2009 kl. 09:32]

Hrönn sagði það.Jóhanna stóð sig vel.Flott söngkona,ein af þeim sem þarf ekki að syngja nakin eða í einhverjum pínulitlum tuskum og skaka sér.Hún hefur það sem þarf.Ég hafði á tilfinningunni að einhverjir  af fyrsta bekk hafi séð vinkonur sumra keppanda í öllu hálf bera skakinu. ok,ok,engan dónaskap á annarra manna síðum

[Erna Kristín (IP-tala skráð) 13.5.2009 kl. 09:53]

Himneskt.... einu orði sagt.... það þarf í það minnsta eina svona skelfingu í hverja keppni til að hressa upp á þetta.

Þetta er eins og með söngkeppni framhaldsskólanna, það er hætt að vera gaman að horfa á hana eftir að allir sem taka þátt geta sungið mannsæmandi (er ekki svona illa innrætt, lofa því, finnst bara gaman af svona undirhundum).  Sem betur fer stendur Jórúvissjón undir væntingum ennþá :D

Skora á þig að tékka á þessu .... http://www.youtube.com/watch?v=jJPK8ATnRt0 spólaðu svona 46 sek inn og hlustaðu á engilfagran einsöng stúlknanna :D  Eitt af minum uppáhalds ekki-lögum.... magnað alveg.

P.s. Jóhanna var flott :)

[Ragnheiður , 13.5.2009 kl. 10:05]

Þetta er hörmulegra á myndbandinu en það var í gær, hvernig svo sem það er nú hægt.

Ég var alveg viss um að við værum EKKI áfram og var hætt að hlusta þegar við plompuðumst plebbalega upp úr aftasta umslaginu !

Það fannst mér ekki kúl ! 

[Jenný Anna Baldursdóttir, 13.5.2009 kl. 11:48]

Takk fyrir link, Erna Kristín..

Þið eruð skemmtileg villingarnir ykkar.

[Lilja Guðrún Þorvaldsdóttir, 13.5.2009 kl. 14:01]

Ætlaði að horfa á endursýningu en sofnaði, en ég horfði á myndbandið hjá þér og er alveg rasandi, og spyr bara: HVERSVEGNA?

En ég er náttúrulega svo mikill aðdáandi þessarar ungu stúlku hennar Jóhönnu Guðrúnar að ég vona svo heitt og innilega að hún vinni.  - Og mér til málsbóta þá segi ég: Þá fáum við líka "Tónlistarhús" klárað á árinu, og þurfum ekki að að örvænta um að hálfkláruð byggingin skemmist. Og getum haldið keppnina hér með reisn.-

Svoleiðis er ég nú!