Þolandi eða gerandi?

Gott Össur, kallaðu sendiherrann á þinn fund og lestu yfir breska andskotans fyrrverandi heimsveldinu.

Ég er algjörlega gáttuð á Gordoni Brúna sem gengur um ljúgandi eins og enginn sé morgundagurinn.

Ég gef mér að minnsta kosti að hann sé að skrökva sig bláan í framan.

Látum karlinn svara til saka.

Aðeins ein (eða tvær) spurning í lokinn kæri Gordon (Össur þú spyrð hennar fyrir mig)?

Vaknaðir þú upp einn morguninn í október og hugsaðir meðan þú starðir á fésið á þér í speglinum:

"Þetta er tíminn til að taka litla Ísland í afturendann?"

Eða eigum við þetta skilið vegna gjörða sukkbarónanna?

Á ég að vera þolandi eða gerandi.  Plís, gera mér það ljóst.

Ég engist hérna.

Boðar sendiherra á sinn fund

Athugasemdir

[Lilja Guðrún Þorvaldsdóttir, 8.5.2009 kl. 13:07]

Vona að þú fáir svar sem fyrst !  Svo maður geti farið að taka afstöðu, til þessara furðulegu ummmæla Hr. Brúns. 

[Lilja Guðrún Þorvaldsdóttir, 8.5.2009 kl. 13:09]

Úbbs!!!, var bara að bæta upp "emmin" sem vantaði hjá þér um daginn, ég skellti þeim þarna í ummælin hjá Brúna herranum.

[Finnur Bárðarson, 8.5.2009 kl. 15:50]

Jenný við eru gerendur eða öllu heldur bankastjórar Landsbankans og stjórnvöld. Þetta lið kom IceSafe ruglinu á koppinn. Skil vel að Bretum sé ekki skemmt.

[Hildur Helga Sigurðardóttir, 8.5.2009 kl. 16:29]

Það er nokkuð á hreinu að þolendur eru íslenskur almenningur -og breskur, að hluta a.m.k.

Gerendur eru íslensk útrásarmenni, (vil ekki lengur láta víkingana forfeður okkar, snúa sér við í haugunum af skömm), ásamt þeim stjórnmálaöflum, sem veittu þeim "svigrúmið" til að svindla, stela og blóðmjólka bankana, sem þeir fengu "gefins" í nafni "frelsisins".

Ekkert af þessu veitir Brown heimild til að rugla með staðreyndir á þingi né annars staðar, eins og þeir Darling eru margoft búnir að gera.

Gott hjá Össuri að tala við Gordon með tveimur hrútshornum !

[Ásthildur Cesil Þórðardóttir, 8.5.2009 kl. 16:34]

Já og við erum klappstýrurnar, klappstýrur geta ráðið ýmsu með því að fylgjast með og klappa fyrir því sem vel er gert.  Láta vita bæði af því sem gert er vel og illa.  Þannig getum við verið á tánum og haft okkar áhrif.  Það verður að segjast eins og er, að hvað sem má segja um þessa ríkisstjórn þá eru eyrun á henni ekki fullar af ormum af því að hlusta á grasrótina eins og eyrun á Davíð.  Þau kunna ennþá að leggja eyrun að því sem við pöpullinn segir.   Látum þau ekki týna því niður. 

[Finnur Bárðarson, 8.5.2009 kl. 17:06]

Búa ekki allir þessir IceSafe gaurar í London. Ættu að vera hæg heimatökin fyrir Breta. Taka allt af þeim og leysa þar með IceSafe sukkið í eitt skipti fyrir öll.

[Jenný Stefanía Jensdóttir, 8.5.2009 kl. 17:12]

Hef áður lýst þeirri skoðun, að Össur glataði tækifæri lífs síns, á fundinum þarna um daginn, þegar hann var að nudda sér upp við Obama.  Auðvitað átti hann að ganga á Brown, fyrir framan sjónvarpsvélar og með Obama í baksýn!

Betra hefði verið að Jóhanna hefði farið á fundinn, með vísifingurinn og brýrnar og látið dónann heyra það.

Diplómatík er furðuleg tík, en menn verða að fara að sýna klærnar og kjaftinn.

[Heiða B. Heiðars, 8.5.2009 kl. 17:30]

Ábyggilega ágætt að vera dipló (...þekki það bara ekki).. en svo koma stundir þar sem mörkin á milli þess að vera dipló og eins og barinn hundur eru örfín.

Það móment var æpandi augljóst þegar Össur lét tækifærið til að sýna Brown klærnar renna sér úr greipum

[Jenný Anna Baldursdóttir, 8.5.2009 kl. 17:32]

Hehe, var að blogga um þetta aftur.

Gordon er á heilanum á mér.