Varúð - ég gæti sprungið hvenær sem er

 

Konur eru hormónamaskínur.

Konur eru aðallega samansettar af móðurlífi, brjóstum og svo er uppfyllingarefni þar á milli.  Ofaná sköpunarverkinu trónir svo örlítið heilakvikindi sem hefur lágmarks fúnksjón.

Konur fæða börn, gefa brjóst, fara á túr og eyða eins og brjálæðingar tíu dögum fyrir blæðingar.

Við erum tifandi lífefnafræðilegar sprengjur, getum sprungið hvenær sem er.

Við verslum af hormónskum hvötum ef einhver er nú að velkjast í vafa um hvatir sem að baki liggja.

Silly me, ég sem hélt að ég tæki upplýsta ákvörðun um að eyða peningum.

Ég hélt líka að ég hefði tekið fleiri upplýstar ákvarðanir í lífinu.

Eins og að gifta mig, skilja og að eiga börn.

Nú sé ég að ég hef sennilega verið í miðjum hormónahring þegar ég gifti mig, egglos í gangi og bíólógíska klukkan hefur gargað, ríða, ríða, ríða!

Svo hef ég verið með fyrirtíðaspennu þau skipti sem ég skildi við mína fjölmörgu eiginmenn.

Skrýtið, maður lifir í fimmtíuogeitthvað ár (förum ekki nánar út í það) og heldur að maður sé að framkvæma yfirvegaðar ákvarðanir sínar.

Ó ekkí, það er hinn kemíski mekkanaismi sem er að verki.

Ég vildi að ég væri karlmaður og fengi að ráða mér sjálf.

Fífl.

Kaupæði tengist fyrirtíðaspennu

Athugasemdir

[Ragnheiður , 31.3.2009 kl. 12:07]

Uhh...ha ? Gerðist eitthvað ?

Er Einar lifandi ?

Á ég að kveikja á kertum ?

Ég skal hella kaffi í emailið sem ég sendi þér.....

gússígússí sérðu bara alla sætu broskallana :D

[Auður Proppé, 31.3.2009 kl. 12:24]

Er flensan að versna?

[Jónína Dúadóttir, 31.3.2009 kl. 12:41]

Ertu nú alveg viss ?

[Ólöf Ingibjörg Davíðsdóttir, 31.3.2009 kl. 13:08]

Þetta stemmir við fréttina í gær um að það væru líffræðilega orsakir að baki bankahruninu. Niðurstaðan var sú að dópamínframleiðsla heila minnkar við ráðgjöf sérfræðinga svo heilinn skynjar ekki hættu. Þá vitum við það, útrásarvíkingarnir voru ekki fíbbl heldur sjúklingar. Sér er nú hver sérfræðingurinn ef ráð þeirra stefndu fjármálabröskurum í voða svo þeir skynjuðu ekki hættuna í því að tæma sjóði í eigin vasa.

Passaðu þig bara að vera ekki með opna buddu á röltinu. 

[Hlédís, 31.3.2009 kl. 13:29]

Jenný, Þú færir úr öskunni í eldinn ..

ef yrðir karl! Testósterónið er komið með jörðina á ystu nöf. Tölfræði bendir til að konur geti verið hættulegar umhverfinu 3 daga í mánuði - en karlar alltaf. Lítum á kynhlutföll morðingja til dæmis: 1 kona/10 karlar er algengt - s s 3/30.  Karlar með 2 faldan karl (Y)-litning eru heimskir og ofbeldisfullir og flestir í fangelsum!   Farðu varlega með óskirnar þínar, kona ;)

[Soffía Valdimarsdóttir, 31.3.2009 kl. 15:01]

Ég kýs estrogegn fram yfir testósterón any time!

[Ía Jóhannsdóttir, 31.3.2009 kl. 15:43]

Ekki man ég nú eftir því að hafa spreðað eitthvað meir fyrir túr eða eftir túr.  Ég spreðaði bara jafnt og þétt allan mánuðinn.  En ég man samt eftir að stundum ,,vantaði "  mig tilfinnanlega eitthvað sem í raun skipti engu máli.  Löngu hætt soleiðis bulli enda hætt á túr.

Láttu þér batna kona.  Er búið að ákveða kvöldmatinn hehehhe... 

[Jenný Anna Baldursdóttir, 31.3.2009 kl. 16:40]

Enginn kvöldmatur, bara keypt eitthvað í næstu skyndibitasjoppu, hann er líka veikur, jájá.

Hlédís: Óska mér einskis, ég er heilalaus manstu?

Annars eruð þið allar ógeðslega fyndnar.