Leita í fréttum mbl.is

Gjörið svo vel - þeir eru ykkar

Í gær heyrði ég í fréttunum að Árni Mathiesen, fyrrverandi fjármálaráðherra,  ætlaði ekki að gefa kost á sér í prófkjör, "vegna þess að hann hafi farið vítt og breitt um kjördæmið og af samtali sínu við kjósendur hafi hann komist að því að mikill vilji sé fyrir endurnýjun í flokksforystunni".

Ergó: Árni var að segja að það væri ekki eftirspurn eftir honum í Sjálfstæðisflokknum.

Ofsóknarbrjáluð eins og ég er orðin, hugsaði ég með mér að nú væri eitthvað enn alvarlegra sem þyrfti að leiða athyglina frá, fyrst maðurinn játaði opinberlega að hans væri ekki óskað.

Nú er það komið á daginn.

Takk Árni Mathiesen fyrir að koma okkur í dýpsta skítapoll hingað til, í allri Íslandssögunni.

Fólk sem getur ekki gert sig skiljanlegt á ögurstundu, hvort sem er á eigin móðurmáli eða öðru á að láta skrifa fyrir sig bréf, nú eða hafa með sér túlk.

Eða steinþegja, það getur ekki gert sama skaða að vera bara á nókommenti.

Þetta eru dýrustu mistök íslenskrar sögu.

Eða hvað?

Svo má ekki gleyma því að núna skil ég af hverju Geir haarderaði á að slá á til Brown og spyrja hvað lægi að baki einu eintaki hryðjuverkalaga á Ísland.

"Maby I should have".  Jájá.

Ég ber hér með fram þá frómu og mjög svo tímabæru ósk að íslensk þjóð gefi Sjálfstæðisflokknum gott og langt frí.

Davíð, Geir Haarde, Árni Matt og fleiri virðast hafa þvælst hver um annan þveran í bankahruninu.

Hver einustu mistök sem hægt var að gera voru framin af þvílíkri snilld að ætla mætti að vandað hafi sérstaklega verið til verka.

Og við sitjum uppi með skaðann, ásamt börnum okkar og barnabörnum.

Ég er svona að því komin að klæða mig í klofstígvélin og sjógallann til að freista þess af veikum mætti að halda þessu fólki frá öllu sem heitir opinber rekstur, pólitísk umsýsla og þvílíku.

Þeir sem vilja Rip, Rap og Rup í einkarekstur.

Gjörið svo vel.

Þeir eru ykkar.

 


mbl.is Hryðjuverkalög vegna samtals Árna við Darling
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sigrún Jónsdóttir

....og svo bætti Geir um betur og reyndi ekki að leiðrétta meintan misskilning.

Sigrún Jónsdóttir, 27.2.2009 kl. 12:08

2 Smámynd: Hulda Elma Guðmundsdóttir

Sama og þegið, en það vilja fáir eða engir fá þessa íhaldsseggi í opinberan rekstur og pólitísk. Af hverju er menn sem gera svona mistök í opinberu starfi ekki látnir gjalda þess?

Hulda Elma Guðmundsdóttir, 27.2.2009 kl. 12:16

3 Smámynd: Svanur Gísli Þorkelsson

Árni varð að rýma fyrir Blákló sem búið er að reka úr fílabeinsturninum og er kominn á kreik í kjördæminu.

Svanur Gísli Þorkelsson, 27.2.2009 kl. 12:32

4 Smámynd: Katrín Snæhólm Baldursdóttir

Ekki látnir gjalda þess..?? Þeir eru í sjálfstæðisflokknum það hlýtur að vera nægileg refsing fyrir svona stóra afglapa.

Ekki myndi ég vilja vera sett í sjálfstæðis...nema með bundði fyrir augu og með eyrnatappa.Gæti ekki afborið það sem ég þyrfti að sjá og heyra þar. Oh my ohh my...

Katrín Snæhólm Baldursdóttir, 27.2.2009 kl. 12:34

5 Smámynd: Óskar Þorkelsson

þetta er spurning um landráð... 

Óskar Þorkelsson, 27.2.2009 kl. 13:34

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (29.3.): 0
  • Sl. sólarhring: 8
  • Sl. viku: 16
  • Frá upphafi: 0

Annað

  • Innlit í dag: 0
  • Innlit sl. viku: 16
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband