Járn í járn, brúðkaup í sveit og falleg börn

Eftir daginn í dag þá er ég komin með upp í kok af fléttu- og baktjaldapólitík.

Allt stendur fast, plottið fær á sig nýjar og nýjar myndir.

En...

Í kvöld hef ég horft á bíómyndina Sveitabrúðkaup.

Ég brosti út í annað af og til en líður að öðru leyti eins og að ég hafi verið plötuð illilega.

Myndin var hlaðin lofi af gagnrýnendum.  Halló - erum við að tala um sömu mynd?

Um helgina voru þau hér í gistingu Hrafn Óli og Jenný Una þau yndislegu systkini.

Hrafn Óli a.k.a. Lilleman/Lillebror, hleypur um allt, opnar og lokar hurðum, réttir ömmu og afa eitt og annað sem hann finnur og segir "kakk" svo fallega.

Svo sofnaði hann í rauðum náttgalla sem stendur á "Here comes trouble" sem er nokkuð nærri lagi þegar hann á í hlut.  Krúttsprengja inn í merg og bein drengurinn og svo fallegur, ekki síst þegar hann sefur.

Og svo er hér ein mynd af Jenný Unu með pabba sínum en hún er á því stelpan að pabbi hennar geti gert alla hluti skemmtilega, líka þá alla hversdagslegustu.

Hrafn Óli er sammála og amman styður erindið líka.

Annars er þessi dagur alveg orðinn nægilega langur.

Farin í lúll, eða að minnsta kosti að hugsa um að fara þangað.

Nótt-nótt á ykkur.

Lausn ekki fundin

Athugasemdir

[Hrönn Sigurðardóttir, 24.2.2009 kl. 01:06]

Ég er andvaka á meðan laufin sofa...........

[Jenný Anna Baldursdóttir, 24.2.2009 kl. 01:12]

Þá ertu spaði.

[Hólmfríður Bjarnadóttir, 24.2.2009 kl. 01:25]

Mikið eru sofandi börn alltaf falleg og saklaus. Tannburstafeðginin eru líka svo yndisleg, nóttina

[María Guðmundsdóttir, 24.2.2009 kl. 07:40]

ok konur,farid thid aldrei ad sofa???

Allvega, ynsdisleg barnabørnin, og já..thau eru saklaus medan thau sofa  hehehe...en já "here comes trouble" hljómar nokk spott on bara  

Kvedja hédan og hafdu gódan dag Jenný

[Jónína Dúadóttir, 24.2.2009 kl. 08:05]

Dásamlega fallegur drengurSammála þér með Sveitabrúðkaup, stóð ekki undir mínum væntingum

[Ía Jóhannsdóttir, 24.2.2009 kl. 08:18]

Já það er stundum ekkert mark takandi á kridikerum.  Dúllurnar þínr eru algjörir gullmolar Jenný mín.  Eigðu góðan dag.