Klikkaður forgangur!

Ég ætla rétt að vona að væntanlegur menntamálaráðherra og afmælisbarn dagsins, Katrín Jakobsdóttir, rétti af forganginn hjá RÚV, sem er ekki ríkisstofnun en samt ríkisstofnun, í bítið í fyrramálið og ekki mínútu seinna.

Ég átti ekki eitt einasta orð áðan þegar ég var að horfa á nýja ríkisstjórn í beinni frá Hótel Borg þegar hætt var að sýna í miðju kafi og bara skipt yfir í beina útsendingu frá handboltaleik! (Afgangur af blaðamannafundi ríkisstjórnarinnar á að sýna í hléi!)

Halló, ef ég hef einhvern tímann séð klikkaða forgangsröðun þá er það þarna.

Ný ríkisstjórn á örlagatímum þegar allt er í kalda kolum víkur fyrir íþróttaleik!

En að því sögðu þá óska ég nýrri ríkisstjórn alls hins besta í erfiðum verkefnum komandi mánaða.

Frá jafnréttissjónarmiði, sem er líka mitt heitasta baráttumál, skorar þessi ríkisstjórn fullt hús á fyrsta degi.

Koma svo!

Ísland er í sárum eftir nýfrjálshyggjuna

Athugasemdir

[Margrét Birna Auðunsdóttir, 1.2.2009 kl. 17:25]

Grrrr

Það er eitthvað mjög furðulegt við þennan forgang sem íþróttirnar hafa alltaf þarna á rúv. Ég er ekki nærri því búin að fyrirgefa þegar allri dagskrá var hent út í heilar þrjár vikur í fyrrasumar til að sýna frá einhverri keppni. Svo klukkan níu á kvöldin var hægt að fara að horfa, hélt ég, en nei, þá byrjaði samantekt dagsins.

Ömurlegt bara.

[Ingibjörg Hinriksdóttir, 1.2.2009 kl. 17:28]

Sammála þér Jenný, forgangsröðunin er oft einstaklega skrítin hjá RUV, sérstaklega reyndar þegar kemur að íþóttum. Þetta var klárlega skandall í dag og í svipinn man ég eftir tveimur öðrum skandölum. Annars vegar þegar stóri skjálftinn varð 17. júní 2000 og útsending frá HM í fótbolta var ekki rofin til að hleypa að fréttum af skjálftanum. Hitt skiptið var það í raun í hina áttina, ef þannig má orða það, en þá var verið að sýna frá bikarúrslitaleik kvenna í knattspyrnu, leikurinn fór í framlengingu og vítaspyrnukeppni, en þegar kom að vítakeppninni þá var útsending rofin til að hleypa að fréttum! Slíkt hefði aldrei komið til ef þetta hefði verið bikarúrslitaleikur KARLA!!!

[Katrín Snæhólm Baldursdóttir, 1.2.2009 kl. 17:31]

Ehhh....bilað!!!

[Þórir Kjartansson, 1.2.2009 kl. 17:40]

Þetta boltadekur er auðvitað óskiljanlegt öllu venjulegu fólki. Þó það væri að hefjast heimsstyrjöld mundi boltinn örugglega halda sínu plássi á þessum ljósvakamiðlum. 

[Kristján Blöndal (IP-tala skráð) 1.2.2009 kl. 17:42]

Já,ég tók eftir þessu áðan,sami faglegi og mannlegi hugsunarhátturinn hjá þessu grafhýsi RÚV,þið munið kannski eftir forgangnum hjá þeim í Suðurlandsskjaálftanum árið 2000!

[Óskar Þorkelsson, 1.2.2009 kl. 17:43]

úrslitaleikur í heimsmeistaramóti í handbolta er mikilvægari en einhver pólitískar yfirlýsingar nýrrar ríkisstjórnar.. svo er þessu útvarpað á rás 2

[Heidi Strand, 1.2.2009 kl. 17:51]

Í fyrsta sinn er ég ósammála Skara.

[Óskar Þorkelsson, 1.2.2009 kl. 17:53]

[Anna Benkovic Mikaelsdóttir, 1.2.2009 kl. 18:27]

þetta er ófyrirgefanlegt og krefst útskýringar???

[Sigurður Sveinsson, 1.2.2009 kl. 18:48]

Voðaleg læti eru þetta. Úrslitin á heimsmeistarmóti í handbolta eru á 2ja ára fresti. Ekki fór ég á límingunum þó restin af þessum fundi frestaðist í nokkrar mínútur. Ég vona að þið getið sofið í nótt elskurnar mínar.

[Óskar Þorkelsson, 1.2.2009 kl. 18:54]

..svo var þetta líka svakalega spennandi leikur :)

[Hrönn Sigurðardóttir, 1.2.2009 kl. 20:03]

....já.... og skjálftinn 2000 var nú ekki svo stór :Þ

[Jenný Anna Baldursdóttir, 1.2.2009 kl. 20:14]

Þið eruð ekki í lagi að taka íþróttaleik fram fyrir söguleg tíðindi í stjórnmálum og söguleg tíðindi í fleiri en einum skilningi.

En ég fyrirgef ykkur af því þið eruð krútt.

Hrönn: Segðu.

[Sverrir Einarsson, 1.2.2009 kl. 20:33]

Það hefði ekki verið mikið gaman að horfa á leikinn eftir blaðamanafundinn og allt það blaður sem honum fylgdi, og úrslit leiksins öllum ljós af fréttum, þið hafið kannski gaman af því að horfa á leiki sem þið vitið hvernig fer á endanum? ekki mikil skemmtun það.

Hvað ættli sé búið að sýna oft langlokuna sem vall úr munni forsta vors við þetta að Jóhann væri að taka við, ég hélt á tímabili (þegar ég sá þetta viðtal fyrst) að hann ættlað að draga það sem lengst að Jóhanna tæki við þessu embætti.

Nei frestun á blaðamannfundinum um hálftíma breytti engu um það sem kom þar fram.

Lifi sýningar frá Ólimpiuleikum, Evrópumótum og Heimsmeistaramótum.