Dimmar rósir, jólatrésskreytingar og bókakaup - allt á sama deginum

Ég fór með Dúu vinkonu minni í jólagjafaleiðangur og kom klyfjuð heim.  Með bækur ofkors.  Það er jólagjöfin í ár hér á kærleiks.

Ég eyddi of miklu en það verður að hafa það.  Ég mun lifa á roði og beinum (lesist hafragraut) alla hina dimmu og jólalausu vetrarmánuði sem framundan eru.

Svo tóku við önnur skemmtilegheit sem var jólatrésskreyting Jennýjar Unu, Jökuls og Ástrósar skádóttur minnar.

Við skemmtum okkur vel hérna stórfjölskyldan mínus María, Robbi og Oliver sem eru fjarri góðu gamni í London en koma um helgina.

Á sunnudaginn fara systkinin Jenný Una og Hrafn Óli til föðurlandsins Svíþjóðar og verða þar fram í janúar með foreldrum sínum.

Búhú.

En talandi um bækur.

Ég var að lesa Dimmar Rósir eftir Ólaf Gunnarsson.

Maðurinn er stórkostlegur höfundur og bókin heldur manni föngnum frá fyrstu blaðsíðu.

Mér finnst hann skrifa svo fallega hann Ólafur svo lýsir hann miklum örlögum fólks þannig að maður hrífst með.

Bókin gerist á árunum 1969 til 1971.  Ekki leiðinlegt fyrir mig sem var á sumum atburðum sem koma fyrir í bókinni eins og t.d. Zeppelíntónleikunum í Laugardagshöllinni 1970 og var fyrir marga eitthvað sem alltaf situr eftir sem stórkostleg lífsreynsla.

Dimmar rósir er ein af þeim bókum sem ég á ekki eftir að gleyma og líka ein af þeim sem ég mun lesa aftur og aftur af því orðunum er raðað saman á svo fallegan máta að ég fæ stundum kökk í hálsinn.

Það er milljónprósent skáldskapur.

Þið eruð auðvitað spennt yfir að fá að vita hvort ég mæli með bókinni er það ekki?

Nú notið höfuðið og reynið að finna það út.

Falalalalalala

 

Athugasemdir

[Ásthildur Cesil Þórðardóttir, 18.12.2008 kl. 23:34]

Já gott hjá þér að hafa gert jólainnkaupinn, ég hef reyndar lokið því líka, nema svona smávegis.  Á eftir aðsenda öll jólakortin, af því að tölvan hrundi.  En þetta kemur allt saman. 

[Steingrímur Helgason, 18.12.2008 kl. 23:45]

Led Zeppelin 1970 ?  Þúrt eldri en erfðasyndin & hefur líklega þekkt Gamla nóa þegar hann var ungur á þeim tímum sem að túnglskinszónatan var gelgjupopp.

[Jenný Anna Baldursdóttir, 18.12.2008 kl. 23:54]

Zteini: Jabb við Nói vorum "thight" á sínum tíma.

Ásthildur: Ég er ekki búin.  Á smá eftir plús matarinnkaup auðvitað.

[Sigrún Jónsdóttir, 19.12.2008 kl. 00:02]

Þú mælir með bókinni

[, 19.12.2008 kl. 00:30]

Já flott hjá þér að lesa jólabækurnar á aðventunni  Ég las einu bókina sem ég fékk í jólagjöf í fyrra í september s.l. Og þóttist góð  Ég þóttist líka góð að koma því í verk að senda jólakortin í dag. Helv. gott að vera búin að því og þá á ég bara eftir að finna eitthvað handa snúllunum - það er meiriháttar höfuðverkur

[Jónína Dúadóttir, 19.12.2008 kl. 06:40]

Eitthvað segir mér nú að þú mælir líklega með þessari bók

[Huld S. Ringsted, 19.12.2008 kl. 07:59]

[Hrönn Sigurðardóttir, 19.12.2008 kl. 09:00]

Getur Dúa komið svo til mín og "hjálpað" mér að bera jóladót?

Ég gizka á að þú sért meðmælt bókinni?

[Jenný Anna Baldursdóttir, 19.12.2008 kl. 09:27]

Dúa: Þurftir þú að blaðra þessu með KÁPUNA?

[María Guðmundsdóttir, 19.12.2008 kl. 10:02]

hahahahahahaha  sorry, er ad hlægja ad kommentinu hennar Dúu , sé thig svo i anda FRÚ JENNÝ

[Ólafur gunnarsson (IP-tala skráð) 19.12.2008 kl. 13:30]

Með kveðju,

Óðalsbóndinn á Stóru-Klöpp 

[Magnús Geir Guðmundsson, 19.12.2008 kl. 14:14]

Nei, hún mælti ekkert með bókinni, talaði bara oftar en einu sinni um fallega röðun á orðum og svona, en það stendur ekki að hún mæli með bókinni! En með Zeppelintónleikana, þá var hún eins og ég hef sagt frá áður í lopapeysu á tónleikunum og því ekki nógu sexý til að komast í eftirpartýið eins og Andrea Jóns til dæmis og fleiri frægar hippagellur íslenskar. (æ man ekki hvað hun eitir þessi þarna sem fluttist svo út og var með Jagger eða Wyman frekar um tíma?)

En Ólafur Gunnars er fínn, en samt er ég ekkert viss um að allir skilji þetta "Milljon prósent" sem gamla hippígellan er að vitna í. En Ólafur skrifaði víst bók sem hét Milljón prósent menn. Tröllakirkja og einkum þó Öxin og jörðin hans þekktustu bækur, en sú sem ég las fyrst var þó hin duldið svo grófa bók Ljosatollur! (skildi Jenný hafa verið fyrirsætan framan á bókinni?)