...og ég gaf frá mér undarlegt dýrahljóð

Nú ætla ég að klæmast smá sjálfri mér til skemmtunar.

Nei, segi svona, hef ekki alveg smekk fyrir því.

Sko, Rachel Johnson hefur hlotið verðlaunin fyrir lélegustu kynlífslýsinguna í bók þetta árið.

Setningin sem gerði útslagið var: „og ég gaf frá mér undarlegt dýrahljóð“. 

Annars man ég eftir nokkrum góðum sem ég hef safnað í hausinn á mér í gegnum árin.

"Þau veinuðu bæði af frygð samtímis svo hljómaði um allt hverfið".

"Húð hennar emjaði af nautn".

"Þau smullu saman með hávaða ofan á rúmið á hótelherberginu".

"Tungur þeirra eltu hvor aðra yfir lendur líkamans langa stund".

Ég dey.

Annars er ég á því að það sé erfitt að skrifa spennandi kynlífslýsingar.

Af hverju spyrð þú dúllan mín?

Sko, ég reyni að útskýra, unaðurinn felst í alvörunni, ekki uppskrúfaðri uppröðun á orðum.

Ég er alki, kommon ekki skoðaði ég sölubæklinga ÁTVR þegar mig langaði í glas.  Hefði ekki dugað við þorstanum mikla sem aldrei varð svalað.

Sama gildir um falleg föt.  Glætan að þú skoðir vörulista til að fullnægja lönguninni.

Ónei, þú steðjar í búð og verslar fyrir þúsundir.

Kynlíf á ekki að lesa um.

Eða...?

Verðlaunuð fyrir vonda kynlífslýsingu

Athugasemdir

[Jenný Anna Baldursdóttir, 27.11.2008 kl. 23:01]

Múhahahaha

[Ía Jóhannsdóttir, 27.11.2008 kl. 23:27]

Heheheh er þetta upp úr Tígulgosanum.  Er farin að lúlla í hausinn á mér, ein undir minni dúnsæng.

[Jóna Á. Gísladóttir, 27.11.2008 kl. 23:33]

hahahahahahahahahaha ég elska frásagnir af þessum verðlaunum. Vildi geta lesið um allar tilnefningarnar og kaflana sem koma við sögu.

Að lesa og horfa er bara forleikur að aðalefninu. Hvort sem við erum að tala um kynlíf eða innkaupageðveiki. Veit samt ekki með ÁTVR bæklingana... hmmm

[Jóna Á. Gísladóttir, 27.11.2008 kl. 23:34]

hahahahaha nú hló ég meira.. held að Ía hafi trúað Dúu til að hafa geymt 7 árganga af Tígulgosanum og þér til að hafa fengið þá lánaða og ekki ætla að líta upp fyrr en allt sé lesið upp til agna

[alva (IP-tala skráð) 27.11.2008 kl. 23:57]

æi frábært!! Ég sé fyrir mér skoppandi tungur um alltog einkennilegt dýrahljóð...vóóó höfundurinn er eitthvað kinkí held ég..

[Einar Örn Einarsson, 28.11.2008 kl. 00:06]

Haha.

Hef oft spáð í hverjir þessir höfundar eru í alvöru.

Voru tígulgosarnir hennar Dúu kannski í skinnbandi?

[Eva Hauksdóttir (IP-tala skráð) 28.11.2008 kl. 00:30]

Ægileg dónakjelling geturðu verið og ábyrgðarhluti að birta svo lostugt lesefni á opinni vefsíðu. Hefurðu engar áhyggjur af því að landinn missi stjórn á samræðisfýsn sinni við lestur þessarar færslu og smelli með undarlegum dýrahljóðum ofan á lyklaborðin? 

[Brjánn Guðjónsson, 28.11.2008 kl. 01:00]

varstu að laumast í Tígulgosann, kona?

[Nína S (IP-tala skráð) 28.11.2008 kl. 01:16]

Jahérna, það sem hægt er að blogga um. Segi ekki annað, hvað sem gamla Tígulgosanum líður.

[Jóna Kolbrún Garðarsdóttir, 28.11.2008 kl. 02:54]

  Frábær færsla.  Og athugasemdirnar líka   sniðug hugmynd sem ég fann áðan   http://mariataria.blog.is/blog/mariataria/entry/727776/#comment1964793  Allir á Austurvöll á laugardaginn og reka þá sem maður vill reka

[Hildur Helga Sigurðardóttir, 28.11.2008 kl. 04:23]

Eftir hvaða dýri líkti manneskjan ?

[Dóra, 28.11.2008 kl. 08:21]

knús frá Esbjerg Dóra

[Fransman (IP-tala skráð) 28.11.2008 kl. 08:49]

Fáir Karlmenn skilja "kvennabókmenntir" og öfugt ..

[Laufey B Waage, 28.11.2008 kl. 09:08]

Kynlíf á ekki að lesa um - segirðu. Auðvitað er það fyrst og fremst til iðkunar, - eins og vín er til drykkjar.

Ég las nú samt þennan pistil þinn, - og öll kommentin .

Góða helgi mín kæra. 

[Rut Sumarliðadóttir, 28.11.2008 kl. 10:31]

Hef átt nágranna sem gáfu frá sér dýrahljóð í svefnherberginu sínu fyrir neðan mitt svefnherbergi. Afar óskemmtilegt.

Annars er kynlíf betra á borði en í orði. Nei, segi nú bara svona!