Leita í fréttum mbl.is

Innrás?

Sara mín fór í hádeginu og faðmaði Alþingishúsið, það gerði Katrín vinkona mín líka og fleiri.

Ég er stolt af mínu fólki.

Flott framtak.

En í dag hefur mér liðið illa.  Ég held að það mætti segja að ég væri með alvarlega paranoju.

Eða svona asskoti forspá, það á eftir að koma í ljós.

Það er þetta með að ekki hefur verið tekin ákvörðun um að afþakka  hervernd Bretana, þrátt fyrir að það sé varla kjaftur til á þessu landi sem vill fá þá.

Hvað er að mér, það er ekki til siðs að hlusta eftir skoðunum almennings í þessu landi.

Þetta með Bretana leggst ekki vel í mig.  Mér finnst svo undarlegt að ISG hafi talað um að ekki mætti magna deiluna.

Fyrirgefið en ég fæ það ekki til að stemma að land sem hefur sett á okkur hryðjuverkalög komi hér með herflugvélar til að vernda okkur terroristana.

Ætli þeir hertaki ekki Ísland með manni og mús?

Stormi inn í Seðló og tæmi þetta litla sem þar er, eða eitthvað álíka geggjað og ólíklegt.

Ef einhver hefði sagt mér fyrir þremur mánuðum að Bretar ættu eftir að setja á okkur hryðjuverkalög þá hefði ég lagt til að sá hinn sami tékkaði sig inn á Vog eða þá geðdeild, að eigin vali auðvitað.

Ég hefði einfaldlega aldrei í mínum villtustu draumum sé það gerast.

Við vitum hversu létt og lipurlega þeir settu á okkur terroristalöggjöfina vinir okkar.

Kannski er það brandari og geggjuð paranoja í mér að hugsa svona, að þeir komi bara og hertaki óvinaþjóðina.

Ég viðurkenni að þetta tekur sig ekki vel út á prenti og kannski verð ég sótt á eftir af skuggalegum mönnum sem eru með óklæðilega treyju með ákveðnum hreyfihindrunareffektum handa mér að klæðast í.

Að þeir nemi mig á brott.

Jájá, en svona fer maður að hugsa þegar manni er orðið ljóst að ráðamenn opna tæpast á sér þverrifuna nema til að ljúga eða þá að segja manni að bíða rólegum.

Svo heyrir maður líka svo helvíti margt þessa dagana.

Er ég biluð?

Ég vona það.

ARG.


mbl.is Staðan er grafalvarleg
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jónína Dúadóttir

Væru þeir þá enskumælandi þessir pótintátar með treyjuna ? 

Jónína Dúadóttir, 12.11.2008 kl. 16:53

2 Smámynd: Björgvin Kristinsson

Ég alla vegana fékk sömu hugdettu og þú í dag... en hvað segið þið þá um að búa á Hollenskri nýlendu?

Björgvin Kristinsson, 12.11.2008 kl. 17:11

3 Smámynd: Kristín Katla Árnadóttir

Ég er á sömu skoðun og þú Jenný mín.

Kristín Katla Árnadóttir, 12.11.2008 kl. 17:34

4 identicon

Jæa, fyrst þú ert svona opin, þá vil ég benda á eftirfarandi:

Við erum hryðjuverkamennirnir

almenningur, venjulegt fólk í öllum löndum, það er viðfang hryðjuverkalöggjafa um allan heim.  Það er því algerlega í anda laganna að beita þeim á gerræðislegan hátt gegn fólki sem heldur að það sé ekki hryðjuverkamenn.

Skilgreiningum er haldið víðum, talað er um ljóshærða, bláeyga skandinaviska nýliða í Al-CIAda, enemy-combatant er stöðuglæpur (nóg að búss eða einhver á hans vegum segi að þú sért slíkur, þá ertu það), o.s.frv.

Þvílík tilviljun að BB og hans náhirð séu að útbúa ný embætti, svo sem ríkislögreglustjóra, með feitan fjárhag, græja sveitir sínar með óeirðagræjum, allt í góðan tíma fyrir hrunið...

Trúir þú á tilviljanir?

Gullvagninn (IP-tala skráð) 12.11.2008 kl. 17:35

5 Smámynd: Hrönn Sigurðardóttir

Ennfremur legg ég til að ríkisstjórnin verði lögð niður!

Hrönn Sigurðardóttir, 12.11.2008 kl. 18:05

6 Smámynd: Jenný Anna Baldursdóttir

Gullvagninn:

Hrönn: Sammála.

Skúmur: Ésús, er þetta að ganga?

Jenný Anna Baldursdóttir, 12.11.2008 kl. 19:34

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (29.3.): 0
  • Sl. sólarhring: 8
  • Sl. viku: 16
  • Frá upphafi: 0

Annað

  • Innlit í dag: 0
  • Innlit sl. viku: 16
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.