Er það sléttlendið sem rúlar?

 

Ég var að dúlla mér hérna heima við, dusta ryk hér, raða þessu þar.  Bara svona húsmóður eitthvað. 

Ég gekk hér um sönglandi, ansi sæl svona með mig enda búin að pakka mér innan í hnausþykkan blekkingarvef til að geta haldið sönsum.

Satt best að segja er ég með stein í maganum.  Ég er svo óttaslegin yfir því sem á eftir að dynja á okkur.

Ég hef bara ekki haft svo mikla orku eða getu til að horfa yfir sviðið vegna þess að það eru eilíft nýir bömmerar að skella á.

Og þegar ég las viðtengda frétt um fjármála- og viðskiptaráðherra sem n.b. hvorugur vissi um að það gengi erfiðlega að koma Icesave reikningum Landsbankans yfir í dótturfélag, þá var mér allri lokið.

Það læddist að mér illur grunur.

Hann gekk út á það að kannski er góður hluti ráðamanna alsendis ófær um að standa sig í djobbinu.  Kannski eru þeir vanhæfir vegna skorts á reynslu og ættu að vera að gera eitthvað annað.  Eitthvað datt mér í hug að sumir þeirra væru ekki miklar mannvitsbrekkur en það segi ég ekki upphátt.

Kannski er það bara sléttlendið sem rúlar í hópnum sem ræður landinu mínu.  Hvergi þúfu að sjá í ríkisstjórninni.

Sussusussu.

Kannski er hægt að vera ráðherra á góðæristímum, bæði ímynduðum og raunverulegum, af því þá er auðveldara að fela vanhæfnina.

Svo reynir á og þá væflast þeir um eins og Þórður húsvörður eða Skúli rafvirki hvor um annan þveran og segja með uppglennt augu af undrun:  Ég visseggertumetta.

Geta live.

Og gætum við fengið að kjósa sem fyrst plís.

Mig langar ekki að enda á fjandans Jótlandsheiðum.

Later.

Ráðherrarnir koma af fjöllum

Athugasemdir

[Ásdís Sigurðardóttir, 10.11.2008 kl. 15:40]

Segggðu, hér tók sig upp mikill pirringur

[Sigrún Jónsdóttir, 10.11.2008 kl. 15:44]

Þetta er orðið gjörsamlega vitfirrtur veruleiki, sem við lifum í......og svo finnst fólki við vera eitthvað neikvæð

[Greta Björg Úlfsdóttir, 10.11.2008 kl. 15:52]

Ég tók góða ákvörðun í dag : losa mig við blessaðan gamla bílskrjóðinn minn, sem hefur þó þjónað mér vel síðustu 7 árin. Púff.

Losar eitthvað um 100 þús á ári sem ég get þá notað í annað en að þvælast í mengunarskýi um götum borgarinnar.

Kannski ráðamenn gætu gert það sama...

[Lára Hanna Einarsdóttir, 10.11.2008 kl. 16:57]

Ég veit ekki alveg hvort ég þarf að biðjast forláts eður ei - en nú hló ég dátt. Takk fyrir það, Jenný mín. En ekki að ráðherrum eða slíkum skríl heldur að þúfunum sem þú nefnir. Af ástæðum sem ég hirði ekki um að nefna hér varð ég nefnilega sérfræðingur í þúfum þegar ég var í Leiðsöguskóla Íslands um árið og fékk titilinn þúfnafræðingur - eða tussockologist á útlenskunni innan hópsins.

Ég ætla að skjóta að ykkur nokkrum staðreyndum um þúfur. Kannski er þetta bara í höfðinu á mér en í sléttlendis- og þúfnapælingum þínum sá ég meinfyndna samlíkingu.

Myndun þúfna

Fyrst er landið slétt og gróið. Síðan frýs það að vetri og þenst út. Því næst þiðnar landið ofan frá en helst útþanið vegna klakans undir. Rætur plantna binda jarðveginn þannig að hann nær ekki að sléttast alveg. Þetta ferli endurtekur sig og eftir nokkra áratugi er landið orðið þýft.

En ekki nóg með það. Einn ágætur þjóðgarðsvörður var með gestafyrirlestur í skólanum og sýndi okkur myndir af þúfum sem hún kallaði "Þingeyskar þúfur". Aðspurð hver væri munurinn á þingeyskum og til dæmis sunnlenskum þúfum vísaði hún í loftið í Þingeyingum og sagði þær geta orðið gríðarlega stórar, þessar þingeysku. Ekki vildi hún þó samþykkja að hægt væri að stinga á þeim og hleypa loftinu úr.

Ég sendi fyrirspurn til jarðfræðikennarans okkar um málið og ekki stóð á svarinu frá honum:

"Það er bleytan sem segir til um hve stórar þúfur verða. Því meiri bleyta sem er í jarðveginum því meiri líkur eru á að allar ójöfnur fletjist (renni) út. Flóar og mjög votar mýrar á láglendi eru t.d. mjög slétt.

Stórar þúfur í Þingeyjarsýslum benda til þess að loftið þar sé þurrprumpulegra. Síðan eru til hálendisþúfur eða rústir sem verða til í sífrera vegna þess að ísklumpar myndast í jarðveginum. Þær eru enn stærri en þær þingeysku!"

Hvergi þúfu að sjá hjá ríkisstjórninni, segirðu...
Það gerir bleytan samkvæmt þúfnafræðunum.

Svo var mér bent á frétt á Vísi fyrir tæpum 2 árum þar sem fram kemur nýyrðið "þúfnapólitík" í tengslum við Framsóknarflokkinn. En sú pólitík kemur bleytu, raka og myndun alvöruþúfna ekkert við.

Þetta var ritgerð um mannvit, raka og þúfur.

[Lilja Guðrún Þorvaldsdóttir, 10.11.2008 kl. 18:25]

Fyndið ég er nýbúin að lesa fræðigrein um fyrsta "þúfnabanann", hér á landi. - 

 Svo var ég að sjá haft eftir Fjármálaeftirlitinu að þeir hefðu ekki sagt Viðskiptaráðherra frá stöðu mála hjá Icesavebanka.

Og þá er að vita hvort fjármálaráðherra hafi ekki heldur fengið að vita neitt. 

[Sólveig Kristín Gunnarsdóttir, 10.11.2008 kl. 19:14]

Jótlandsheidar eru ekkert slæmar. Vesterhavet er rétt hjá. Notalegt fólk.  Lyng og lykt sem minnir á Ísland.

[Soffía Valdimarsdóttir, 10.11.2008 kl. 20:02]

Tja ég veit ekki um ykkur en Jótlandsheiðar hljóma sífellt meira spennandi í mínum eyrum........

[Helga Magnúsdóttir, 10.11.2008 kl. 20:31]

Ráðherrar komu af fjöllum! Hefði ekki bara verið best að þeir hefðu verið þar kyrrir?

[Greta Björg Úlfsdóttir, 10.11.2008 kl. 20:39]

Kannski koma þeir fyrir jólin með gott í skóinn?...

Nei, seibasona. Misklukkað djók.

En hvað með þessar olíu- og gasfréttir á Stöð 2?

Evibara að verða rík aftur eftir nokkur ár, ef enginn verður búinn að gleypa okkur áður og borgum bara á einu bretti? Erum við að fara að vinna í lottó, kannski? Hef ekki séð neinn minnast á þessa frétt, kannski tú gúdd tú bí trú...

[Villi Asgeirsson, 10.11.2008 kl. 20:52]

Fyrir mörgum árum sá ég tölvuleik í blaði. Ég keypti hann aldrei, enda fékk hall lélega dóma, en nafnið á honum var svo stórkostlegt að ég hugsa til hans oftar en ég þori að viðurkenna. Hann hét:

I have no mouth and I must scream

Þetta er bara eitthvað svo viðeigandi....

[Jóna Á. Gísladóttir, 10.11.2008 kl. 20:59]

I come from the mountains...

[Sigrún Jónsdóttir, 10.11.2008 kl. 21:14]

Jótlandsheiðarnar eru bara farnar að hljóma nokkuð spennandi

[Katrín Snæhólm Baldursdóttir, 10.11.2008 kl. 21:16]

Ha ha ha....svo fara ráðherrarnir að koma af þúfum en ekki fjöllum. Mannvitsslétturnar!!!

[Jónína Dúadóttir, 10.11.2008 kl. 21:36]

[Jóhanna Magnúsar- og Völudóttir , 10.11.2008 kl. 22:50]

 ...

[Hrönn Sigurðardóttir, 10.11.2008 kl. 23:16]

....hér eru fáar brekkur! Nema helst ég ;)

[Jóna Kolbrún Garðarsdóttir, 11.11.2008 kl. 00:57]

  Mannvitssléttur, þvílíkt réttnefni á stjórnarherrana og stjórnardömurnar. 

[Svanur Gísli Þorkelsson, 11.11.2008 kl. 06:00]

Hér er nú öll alvaran í Íslendingum þessa dagana sem áður. Sannar eina ferðin enn að engin þjóð fær yfir sig betri stjórn en hún á skilið. Hvorumegin Atlantsála  er fylgi leiðtoganna (Bush/Brown) í sögulegu lágmarki en hér er sko allt í góðu. Yfir hverju er fólk svo að fárast????

[María Guðmundsdóttir, 11.11.2008 kl. 07:57]

ekkert slæmt ad vera á jótlandsheidum sko  

Hafdu gódan dag Jenný,thú ert sko alveg ágæt

[Jenný Anna Baldursdóttir, 11.11.2008 kl. 08:35]

Takk öll fyrir umræðuna.

Svanur: Þetta er svo brjálað að mig langar að garga.  Við eigum þessa skítbuxa greinilega skilið.

Lára Hanna: Þetta kom mér til að vera í góðu skapi í allt gærkvöldi.  Takk fyrir þúfnafyrirlesturinn.  ARG.