Fótboltablogg - ekki fyrir viðkvæmar og listrænar sálir -

Stundum les ég eitthvað í blöðunum sem skemmtir mér óhugnanlega.  Ég spikfitna andlega og geri púkann á fjósbitanum að anorexíusjúklingi í samanburði.

Í Fréttablaðinu í dag, undir liðnum "Frá degi til dags" er sagt frá því að Einar Ben Þorsteinsson, Eyjubloggari, telji að Egill Helga sé gullkálfur Eyjunnar.  Jájá og hann er skammaður fyrir það af ritstjóranum.

Egill ekki hrifinn og skrifar eitthvað á þá leið að honum finnst téður Einar Ben Þorsteinsson ekki vera af Eyjukalíber.  Hann bloggi um fótbolta.

Ég persónulega elska það þegar það gengur að lesa í skrifuðum orðum að fólki finnist það statt á stalli á meðal örfrárra andlegra bræðra og systra af ákveðnu súperkalíberi, nema hér er stallurinn eyja eða hólmi nokkur .is sem hallar örlítið til hægri ef grant er skoðað.

Ég hef gaman af mörgum Eyjubloggurum, eins og Hr. Bertelsyni svo ég nefni þann fyrsta sem kemur mér í hug.

Orðið á götunni les ég alltaf, Egil oft og monthanann Iðnaðarráðherra af því hann er með bólgnasta egó hérna megin veraldar og svo er hann ógeðslega góður penni.

Aftur að Agli.  Mér finnst hann oft blogga dúllulega.  Alveg: Krúttið, hvað hann er skemmtilegur.

Stundum finnst mér hann hins vegar blogga eins og geðvont gamalmenni sem hefur allt á hornum sér.  Þá langar mig alveg að segja ákveðnum rómi út í cyperinn: Egill farðu og leggðu þig og láttu lyklaborðið í friði þangað til þú hefur náð þínum eðlilega lífaldri aftur.

Svo má svona fólk sem heldur sig KALÍBERA par exelance vita  að þeir eru ekki einir í skotstærðunum.

Hér á Mogganum erum við líka bloggarar af kalíberum.

Við erum af kalíber 1,2, 3,5,7,4 og uppí hundrað.

Við erum misjöfn, sum óþolandi og ólesandi, aðrir ágætir og sumir, þám. ég erum fyrsta flokks. ('Eg veit alltaf hógvær, alltaf glöð og alltaf að hugsa um að fæða heiminn).

Það er grundvallaratriði að koma þessu til skila svo ekkert misskiljist.

Ég er að hugsa um að láta prenta fyrir mig Moggabloggsskírteini.

Og á því á að standa:

Jenný Anna Baldursdóttir, fámiðill nú eða fjölmiðill.  Bæði krúttlegt.

Og svo kem ég mér upp svona helvítis sjálfsástarattitjúdi eins og Egill Helga.

Og (aftur og, voða lélegt kalíber að endurtaka o-in og byrja setningar á þeim líka, en ég geri það samt) hehem, hér fataðist skáldinu flugið því á meðan ég var að setja í sviga gleymdi ég hvað það var sem ég ætlaði að setja inn í þessa málsgrein.  En ég fullvissa ykkur um að það var mjög djúpt og af rótsterku kalíberi.

Svo heimta ég að fótboltablogg verði með aðvörunarmiða. 

FÓTBOLTABLOGG - EKKI FYRIR LISTRÆNAR  OG VIÐKVÆMAR SÁLIR MEÐ LÁGAN ÞOLÞRÖSKULD FYRIR LÍFINU.

Úje.

Athugasemdir

[Jónína Dúadóttir, 21.9.2008 kl. 16:19]

Jú jú, hógvær að venju, satt er það

[Linda Linnet Hilmarsdóttir, 21.9.2008 kl. 16:26]

Innlitskvitt og bestu kveðjur

[Sunna Dóra Möller, 21.9.2008 kl. 16:28]

Hógvær og af hjarta lítillát....

Ef þú mannst allt í einu eftir málsgreininni sem gleymdist út af sviganum.....máttu skella henni inn, ég varð eitthvað svo forvitin !

[Jóna Á. Gísladóttir, 21.9.2008 kl. 16:31]

Alltaf hógvær, alltaf lítillát..

[Jóna Á. Gísladóttir, 21.9.2008 kl. 16:32]

heyrðu kelling.. ég er bara að fatta þetta með síðuna.. er langt síðan þú breyttir? Mun meiri svona punktur is excellence yfir þessu heldur en þessu lilla

[Auður Ösp (IP-tala skráð) 21.9.2008 kl. 16:38]

Takk fyrir að hjálpa mér með því að lesa þetta:

 http://tjarnargotupesinn.wordpress.com/2008/09/21/takk-fyrir-a%C3%B0-lesa-%C3%BEetta/

[María Guðmundsdóttir, 21.9.2008 kl. 16:39]

ég held ég vari alltaf vid thegar ég blogga um fótbolta enda varúdar skal gæta i nærveru sálar

your the bestmed eda án moggabloggsskirteinis....

[Steingrímur Helgason, 21.9.2008 kl. 16:46]

Tizzz....  segir moggabloggmaddaman sem húkir sem KR grár gammur yfir fóbóbloggerii bloggnágrennzliz síns...

[Kristín Katla Árnadóttir, 21.9.2008 kl. 17:11]

[Þröstur Unnar, 21.9.2008 kl. 19:20]

Leyfi mér að vera ósammála fyrirsögn.

Restin er bara nokkuð vel skrifuð. Ferðu ekki bara sjálf út í Eyju.

[Anna Ólafsdóttir (anno) (IP-tala skráð) 21.9.2008 kl. 20:06]

Aðvörun: Þetta er komment við fótboltablogg Jennýjar Önnu

Það eru náttúrulega alltaf einhverjar stórfréttir í boltanum:

Staðan í Landsbankadeildinni er þannig að FH á enn möguleika á Íslandsmeistaratitli, er fimm stigum á eftir Keflvíkingum en á leik til góða.

Staðan í þeim Enska er þannig að Liverpool er í 3 sæti með jafnmörg stig og liðið í 2. sæti en með lélegra markahlutfall.

[alva (IP-tala skráð) 21.9.2008 kl. 21:57]

áfram Hvöt!!

[Katrín Snæhólm Baldursdóttir, 22.9.2008 kl. 10:41]

ohhh nú svimar mig listaspírunni...fótboltablogg??'

Annars man ég eftir frábærri lítilli bók með örsögum úr fótboltanum eftir Elísabetu Jökuls..bara snilld og mig svimaði ekkert af að heyra þær sögur enda mjög listrænar um boltana og strákana.

Jamm.