Erfið varadjobb

Je,je,je.  Allir að tryllast úr gleði, orður hengdar í barm eða um háls, allir klökkir, mikið búið að knúsast og kyssa, jájá.  Sagan öll?

Í gær þegar verið var að kalla handboltamennina (OKKAR) upp á sviðið einn í einu og þeir kysstu heila röð af prestum og prelátum, var ég alveg að velta mér uppúr Hönnu Birnu og Mennthildi.  Í gærkvöldi var ég nefnilega með þungar áhyggjur af því hvort þær hefðu fengið kossakrampa eftir að heim var komið.  Þetta eru erfið djobb - þessi varadjobb.

En að efninu.  Við Íslendingar elskum að röfla, tuða og bölsótast.  Það er bara hin norðlæga lega landsins plús veðurfar sem gerir það að verkum að þetta er okkur jafn nauðsynlegt og að anda.

Ég var farin að sakna þessa eftir alla gleðina.

Er ekki hægt að fara aftur í gírinn eftir alla þessa andskotans hamingju?

Það eru allir brosandi frá eyra til eyra og ég er feimin við fólk bara.  Líður eins og ég sé í útlöndum svei mér þá.

Kommon - allir saman nú - aftur í fúll á móti.

Það er svo heimilislegt.

Jájá, yfir og út villingarnir ykkar.

Orðuveiting á Bessastöðum

Athugasemdir

[Sunna Dóra Möller, 28.8.2008 kl. 09:25]

Stendur ekki einhvers staðar að manneskjan geti ekki verið hamingjusöm lengur en þrjá daga....þá fer hún að leita að einhverju til að eyðileggja hamingjuástandið......þannig að á morgun eða hinn verða allir fúlir og leiðir.....tuðandi eins og það sé enginn morgundagur !

[Jóna Á. Gísladóttir, 28.8.2008 kl. 09:30]

Þú eilífi gleðigjafi..... Ég brosti ekki minna við þennan lestur.

[Birna Dis Vilbertsdóttir (IP-tala skráð) 28.8.2008 kl. 09:48]

Ég á að hitta Hönnu Birnu og Jóhönnu Sig eftir hádegi .Ég ætla að vona að kossaæðið sé runnið af pólitíkusunum þá..

[Sesselja Fjóla Þorsteinsdóttir, 28.8.2008 kl. 09:55]

Hahaha nú er lag !

[alva (IP-tala skráð) 28.8.2008 kl. 09:57]

ehehehehehe!!! Frábær.

[Elísabet Sigurðardóttir, 28.8.2008 kl. 10:33]

Andskotans hamingju?  Þú ert æði.

[Þröstur Unnar, 28.8.2008 kl. 10:35]

Best að vera fyrstur með fúllyndið.

Óli Stefáns hundsaði ástaratlotin og bandaði frá sér höndum, þegar honum var bent á að heilsa nú forseta vorum.

[Ía Jóhannsdóttir, 28.8.2008 kl. 10:37]

Tók eftir því að það var einn sem bara gleymdi að heilsa og kossast, hvað hann nú heitir þessi sem hélt snilldarræðuna.  Hjörðin fór bara alveg í hnút, hvað fæ ég ekki koss? 

En Jenný af hverju í útlöndum? 

[Jónína Dúadóttir, 28.8.2008 kl. 10:37]

Eintóm ehlv... hamingja...

[Ía Jóhannsdóttir, 28.8.2008 kl. 10:39]

Þröstur við vorum samsíða að senda inn OK hann heitir þá Óli.  Mér fannst hann krúttlegastur!  Hvar var Dorrit?  Humm?

[Ólína Kjerúlf Þorvarðardóttir, 28.8.2008 kl. 10:40]

[Halla Rut , 28.8.2008 kl. 10:59]

1. Mennthildur...frábært

2. Hvað er með þetta kossavesen í Íslendingum. Það þurfa allir alltaf að kyssa og kreista þegar þeir hittast. Var þetta alltaf svona eða er þetta ekki alltaf að færast í aukana?