Erill efndi til hópæsingar..

..á Akureyri í gær, bölvaður mörðurinn.  Ég var síst að skilja í hvað hefði orðið af honum, en ég hef ekki séð eitt orð í Mogganum í dag um að hann hafi verið á ferðinni í miðbæ Reykjavíkur.  Erill er klárlega með hegðunarvandamál og það þarf að fara að stoppa karlinn af.

Erill efndi til múgæsingar í miðbæ Akureyrar í nótt, sem sagt, fyllti alla sem úti voru og rann mikið ölæði á fólk.  Skömm að þessu.

Annars efndi ég til hópæsingar í Hagkaup í Kringlunni áðan og það varð mér dýrt spaug.  Það var æsingur upp á sautjánþúsundsexhundruðogáttatíukrónur.

Aðilar að hópæsingu var undirrituð ásamt húsbandi, gamalli vinkonu og sárasaklausum eiginmanni hennar.

Dem, dem, ég hefði betur sett Eril í málið.

Úje

Hópæsingur á Akureyri

Athugasemdir

[Heiða Þórðar, 29.9.2007 kl. 13:50]

Góð!

[Huld S. Ringsted, 29.9.2007 kl. 13:59]

[Ragnheiður , 29.9.2007 kl. 14:08]

Oj Erill er alltaf blindfullur og pissublautur með tómt vesen þar sem hann kemur !

Smá innanbúðaræsingur í Hagkaup...kva....það er ekkert að því á laugardegi

[Edda Agnarsdóttir, 29.9.2007 kl. 14:17]

Voru það skór mín sæta?

[Jóna Á. Gísladóttir, 29.9.2007 kl. 14:17]

hahaha snillingur. Erill er óþægur, það er ljóst

[Bjarndís Helena Mitchell, 29.9.2007 kl. 14:38]

[Jenný Anna Baldursdóttir, 29.9.2007 kl. 14:50]

Edda mín, kaupi ekki skó í Hagkaupum í Kringlunni, hehe, er skósnobbuð.  Var að kaupa mat og annað tilbehör til húshalds.

[Laufey Ólafsdóttir, 29.9.2007 kl. 19:05]

Erill er óþolandi. Ömögulegt að slaka á með hann hangandi yfir sér.