ÉG ER GREINILEGA BLÁEYGÐ..

..þrátt fyrir að vera brúneygð svo ekki verður um villst.  Ég skammast mín fyrir að játa það að ég varð hissa á að fangelsismálayfirvöld í Mexíkóborg eru fyrst núna að leyfa mökum samkynhneigðra fanga að heimsækja þá í fangelsin. 

Það hvarflaði aldrei að mér að samkynhneigðir hefðu ekki sömu mannréttindi og við hin þegar að þessu kemur.

Auðvitað veit ég að víða í heiminum eru mannréttindi brotin á samkynhneigðum, m.a. hér þar sem Þjóðkirkjan gengur á undan með sínu innsnjóaða fordæmi í giftingarmálunum og gerði það að verkum að ég sagði mig úr henni, þegar það mál skók þjóðina.  En svo sofnar maður á verðinum.

Arg.  Meiri viðhorfin í heimi hér.

Bítsmítótallí.

Makaheimsóknir samkynhneigðra fanga í Mexíkó leyfðar

Athugasemdir

[Sunna Dóra Möller, 30.7.2007 kl. 20:26]

Ég var að enda við að skoða sömu frétt og mér fannst þetta alveg jafn undarlegt enda jafn bláeyg að halda að svona heimsóknir væru eðlilegar jafnvel þó að um samkynhneigða einstaklinga sé að ræða !

[Anna Ólafsdóttir (anno) (IP-tala skráð) 30.7.2007 kl. 20:33]

Við erum greinilega tótallí bláeygar (þori varla að líta í spegil er ekki viss um að blátt fari mér)

[Guðrún B. (IP-tala skráð) 30.7.2007 kl. 20:48]

Já það er ekki sama Jón og Séra Jón greynilega, hvar svosem þú ert í heiminum. 

[Ásdís Sigurðardóttir, 30.7.2007 kl. 21:19]

Ætli við séum ekki bara glaseygðar.    ég er foræs

[Sunna Dóra Möller, 30.7.2007 kl. 21:38]

Ekki skil ég alveg hvernig þetta "vandamál" leysist með aðskilnaðarstefnu á við að stofna sér kirkjudeild. Kristin kirkja er nú nógu klofin fyrir. Mér finnst það svolítið eins og að stinga málinu undir teppi þannig að við hin þurfum ekki að takast á við það........losna við það sem er óþægilegt ..... kirkjan á að taka á þessu máli og leyfa giftingar samkynhneigðra. Þannig vinnur hún að framgangi mannréttinda sem eru sjálfsögð og um leið klofnar hún ekki enn einn ganginn!

[Maja Solla (IP-tala skráð) 30.7.2007 kl. 21:45]

Ég verð að viðurkenna að ég er sammála Guðlaugi.
I´m open, þið megið byrja að lemja mig núna.

[Ásthildur Cesil Þórðardóttir, 30.7.2007 kl. 21:52]

Já fordómar birtast í ýmsum myndum, það er alveg öruggt mál. Hvernig er þessum málum háttað hér á landi ?  Eru einhverjir hommar í fangelsum hér ?

[Guðlaug Björnsdóttir (IP-tala skráð) 31.7.2007 kl. 01:37]

Ja hérna. Ég verð að segja að mér kom nú frekar á óvart hversu bláeyg þið eruð, en ekki að makaheimsóknir samkynhneigðra hafi hingað til ekki verið leyfðar í jafn rammkaþólsku landi og Mexíkó. Aftur á móti gladdist ég að sjá þennan áfangasigur í réttindabaráttu samkynhneigðra í landi þar sem Kaþólska kirkjan hefur svo sterk ítök.