Leita í fréttum mbl.is

Færsluflokkur: Pepsi-deildin

Svar óskast

Það er ekkert réttlæti til, okkur Íslendingum til handa ef við eigum að borga Icesave reikinginn.

Almenningur hefur ekki stofnað til þessarar skuldar.

Landsbankinn gerði það og rakaði að sér fé.

Nú skil ég minna en ekki neitt í svona græðgisbissness en hvar eru allir þessir peningar?

Hafa þeir gufað upp?

Ég vil ekki að börnin mín og barnabörn sitji uppi með þessa skuld.

Hvar eru þessir menn sem eru höfundar og hönnuðir að þessu óskapnaði?

Af hverju eru þeir ekki að skrifa undir skuldbindingar?

Landsbankadeildin er að öðlast nýja merkingu í huga mínum.

Svar óskast.

 


mbl.is Mótmæla Icesave samningi
Tilkynna um óviðeigandi tengingu við frétt

Plús dagsins

Elín hættir og bankastjórastöðurnar verða auglýstar.

Er þetta ekki plús dagsins?

Svei mér þá.


mbl.is Elín lætur af störfum
Tilkynna um óviðeigandi tengingu við frétt

Landsbankinn og skipuritið

Því miður þá lítur allt út fyrir að sú eina Elín sem hysjar sér úr Landsbankanum sé sú táknræna sem mótmælendur báru út í gær.

Flestir hafa haft á tilfinningunni að breytingar á stjórn gömlu bankanna hafi verið meira til málamynda en til breyttra áherslna með nýju fólki.

Ég nappaði þessu skipuriti "Nýja" Landsbankans, sem er í okkar eigu gott fólk, af eimreiðinni og þar má ljóslega sjá að stór hluti gamla gengisins er enn við stjórnvölinn.

Klikkið á skipuritið til að stækka.  (Nokkrum sinnum til að ná því í fulla stærð).

skipurit2-730635

Eftir að hafa kíkt á þetta lauslega hugsaði ég með mér að það væri verið að blekkja okkur öll, enn eina ferðina.

Gegnsæi hvað?

Nýir tímar hvað?


mbl.is Elín borin út úr bankanum
Tilkynna um óviðeigandi tengingu við frétt

Blekking undirritaðrar

Alveg frá því Bónus opnaði hef ég verið höll undir þá feðga Jón Ásgeir og Jóhannes.

Ég stóð með þeim í Baugsmálinu þrátt fyrir að skilja hvorki haus né sporð á því máli en það má virða mér það til vorkunnar að skilningsleysið var víðtækt bæði um landið og miðin.

Enn kveinka ég mér við að setja Jón Ásgeir í óvinahópinn, ég held að það sé vegna þess að það er erfitt að viðurkenna stundum að maður hafi haft alfarið á röngu að standa.

Nú eða vegna þess að draumurinn um heilsársjólasveina sem bera hagsmuni litla mannsins fyrir brjósti sé svona helvíti sterk.

En hvað um það ég er að vitkast enda löngu kominn tími til.

Samt vont að þurfa að horfast í augu við að nánast allt sem manni hefur fundist um margt í kringum sig sé á uppspuna og blekkingum byggt.

Verst er það varðandi stjórnvöld, ekki að ég hafi nokkurn tímann verið með glýju í augum varðandi stjórnmálamenn, vald og útdeilingu þess.

En ég hélt samt að við Íslendingar værum nokkuð framarlega í lýðræðislegum þankagangi og framkvæmd.

Silly fucking me.

Og svo var Elín í Landsbankanum að útdeila þremur milljónum af fé almennings, að vísu til góðs málefnis til tilbreytingar.

Hjálparstofnun kirkjunnar er góðra gjalda verð, það er bara ekki málið.

Veit konan ekki að Landsbankinn er búinn að skuldsetja okkur Íslendinga um aldur og eilífð?

Að Landsbankinn á ekkert með að gefa það fé sem við eigum, eða það litla sem eftir er að því.

Og af hverju í andskotanum er hún bankastjóri?

Hún tilheyrir gamla valdabatteríinu.

Hélt hún að maður félli í stafi?


mbl.is Jón Ásgeir: Ekki sama hver á í hlut
Tilkynna um óviðeigandi tengingu við frétt

Fyrirgefið á meðan ég garga mig hása

Tryggvi Jónsson kemur ekki nálægt Baugi í dag, að eigin sögn.

Ég trúi honum eins og nýju neti, jeræt.

Maðurinn er reyndar opinber starfsmaður.  Var fastráðinn til Landsbankann um sama leyti og fjöldi starfsmanna bankans fengu reisupassann.

Maðurinn er dæmdur fjársvikamaður.

Fyrirgefið á meðan ég garga mig hása.

Sjá Egil.


mbl.is Tryggvi: Kem ekki nálægt Baugi
Tilkynna um óviðeigandi tengingu við frétt

Kæru opinberu starfsmenn; Finnur, Birna og Elín

Ég legg til að strax á mánudaginn verði bankastjórum ríkisbankanna tilkynnt um að þeir hafi unnið í launahappdrættinu.

Þeir munu fá að vita að störf þeirra séu jafn mikilvæg og forsætisráðherra landsins sem er jú kollega þeirra þar sem hann, sorphirðar, hjúkrunarfræðingar og leikskólakennarar eru líkt og þeir opinberir starfsmenn.

Launin þeirra munu þá verða þau sömu og forætisráðherra.  Um ellefuhundraðþúsundkróna.

Ótrúlega vel boðið finnst mér.

En af því að illa árar í samfélaginu munu þau þurfa að taka á sig 20% launaskerðingu, svona eins og verið er að gera víða um land í fyrirtækjum.

Af sömu orsökum, þ.e. kreppufjandanum, munu öll snobbfríðindi eins og bílar og annað gerð óvirk með sama.

Ég vil að þeim sé gefin kostur á ókeypis strætókorti enda allra hagur að sem flestir keyri kommúnalt.

Síðan má taka hvert opinbera fyrirtækið af öðru og bjóða toppunum sama díl.

Ég er auðvitað að reikna með að þessi laun sem komið hafi í fjölmiðlum undanfarið, þ.e. laun bankastjóra ríkisbankanna séu tæknileg mistök sem hafi orðið í öllu ruglinu inni í bönkunum.  Þar hefur ekki staðið steinn yfir steini.

Það getur nefnilega ekki verið að það sé metið nærri helmingi meira en þau laun sem forsætisráðherra fær til að stjórna landinu.

Ég neita að trúa því.

Sko, kæru ríkisstarfsmenn, Finnur, Elín og Birna, það er kreppa í landinu og við fólkið viljum að allir taki þátt í að bera byrðarnar með okkur.

Við erum öll í sama pottinum Íslendingar, eða er þaeggi? 

Svo minni ég á að launapukur opinberra starfsmanna á ekki að eiga sér stað.

Heyrið þið það?


mbl.is Laun Elínar Sigfúsdóttur 1.950 þúsund á mánuði
Tilkynna um óviðeigandi tengingu við frétt

Að fara í sleik og það ofaní kok

Björgólfur tekur fulla ábyrgð ... en

það var samt í stórum dráttum öðrum um að kenna hvernig fór fyrir Landsbankanum.

(Reyndar held ég að helvítis neyðarlögin hafi átt sinn stóra þátt í þessu öllu saman en kommon).

Hvað ætli við séum búin að sjá mörg keisaraviðtöl við höfuðpersónur og leikendur bankahrunsins og kreppunnar?

Þau hlaupa eflaust á tugum, svei mér þá.

Öll "viðföngin" hafa undantekningalaust lýst ábyrgð á hendur sér og á eftir hefur fylgt þetta litla orð EN sem hefur í för með sér að ábyrgðinni er varpað á þann sem er nefndur á eftir eninu.

Ég tek ábyrgð á þessu og hinu .. en þetta er sóandsó um að kenna.

Ergó: Þetta er ekki mér að kenna.

Getur verið að fólk trúi því núna að almenningur þurfi ekki að borga Icesave?

Af því Björgólfur segir það og af því stjórnvöld segja að Landsbankinn dugi fyrir þessum skuldum?

Ég trúi því ekki - fyrr en ég tek á.

Það hefur nefnilega ekki staðið steinn yfir steini í málflutningi allra aðalmannanna.

Og að tala um að kyssa á vöndinn.

Nú er talað um að "lausn" sé að fást í Icesave málinu.

Það sem í síðustu viku hét "við látum ekki kúga okkur" heitir núna lausn.  Frelsandi lausn sem felst í ábyrgð á Icesave reikningunum í Englandi (og Hollandi?).

Íslensk þjóð borgar brúsann, að minnsta kosti er ekkert fast í hendi.

Þetta er ekki að kyssa á vöndinn, þetta heitir að fara í sleik við hann og það alla leið ofan í kok.

Sniðug aðferð að breyta kúgunarhugtakinu yfir í lausnina.

Það taka þessu allir örugglega fagnandi.

Hverjum er illa við lausnir?

EKki mér.

Björgólfur í Kastljósinu


mbl.is Skuldir lenda ekki á þjóðinni
Tilkynna um óviðeigandi tengingu við frétt

Sigurjón enn í bankanum - eruð þið að grínast í mér?

Ef ég væri ekki svona vel upp alin og algjörlega laus við ofbeldishneigð þá væri þessi stund, þessi mínúta þegar ég sá þetta hér fyrir neðan mitt móment til að versla mér heykvísl.

Orðið á götunni segir:

Sigurjón er enn í bankanum

Orðið á götunni er að Sigurjón Árnason, fyrrum bankastjóri Landsbankans, sé enn að störfum í bankanum á nýrri skrifstofu, sem hafi verið sérstaklega innréttuð fyrir hann. Hann er enn sagður leggja í gamla bankastjórabílastæðið sitt eins og ekkert hafi í skorist og spígspora um bankann eins og sá sem öllu ræður.

Einum starfsmanna bankans ofbýður þetta svo að hann getur ekki orða bundist lengur: “Svo virðist sem í raun hafi ekkert breyst í Landsbankanum þrátt fyrir fall hans. Sigurjón Árnason er ennþá allt í öllu þar. Hann virðist stýra öllu í gegnum konuna sem enginn veit hvað fær í laun. Samkvæmt fréttatilkynningu sem gefin var út þegar Sigurjón og Halldór létu af störfum var sagt að þeir myndu verða hinum nýja banka til ráðgjafar einhvern tíma.

“Staðreyndin er sú að ennþá kemur Sigurjón á sínum bíl og leggur í stæði bankastjóra. Hann fékk undir sig heila hæð yfir Reykjavíkurapóteki sem bankinn er með á leigu. Þar var allt innréttað uppá nýtt fyrir hann í hvelli og þar starfa honum til aðstoðar hátt í 10 starfsmenn!!!!!!!!!!! Hvað skyldi gerast þar???? Um þetta má ekki tala í bankanum og mikið pukur er í kringum þessa starfsemi Sigurjóns. Ég hef grun um að enginn geri sér grein fyrir hversu fyrirferðarmiklir gömlu stjórnendurnir eru enn þann dag í dag. Í það minnsta gengur Sigurjón um ganga eins og maðurinn sem öllu ræður.

Því miður hefur lítið sem ekkert breyst.”

Þið vitið hver Sigurjón er gott fólk, þessi sem var látinn fara og kennir öllum um nema sjálfum sér.

Björgvin viðskiptaráðherra og hinir í ríkisstjórninni hljóta að hafa verulega einbeittan brotavilja þegar kemur að því að fara á bak við almenning, ljúga að honum og setja upp blekkingarsjó.

Leikhús fáránleikans hvað?

Burt með spillingarliðið!
 


Skrifað af hrúgu manna

Það var reynt að innræta mér virðingu fyrir áktoriteti.

Það tókst ágætlega og lengi vel hneigði ég mig átómatískt ef ég sá menn í búningum. 

Löggur, dómarar og fógetar (já og skipstjórar) fengu mig til að fara á hnén (í huganum).

Síðan hefur þetta rugl rjátlast af mér og nú orðið ber ég virðingu fyrir þeim sem mér finnst eiga það skilið.

Það er allur gangur á þessu hjá mér enda skiptir það engan máli nema sjálfa mig.

Menn úti í bæ eru ekkert í heita pottinum í laugunum á klíkufundum alveg: Ætli Jenný Anna Baldursdóttir beri virðingu fyrir mér núna eftir að ég klúðraði sóandsóbankanum og laug í fjölmiðla?  Ætli hún sé sár út í okkur fyrir að hafa verið að taka út háar summur rétt áður en allt féll?  Ha?  Er von um fyrirgefningu hjá konunni haldiði strákar?  Halló  frú mikilvæg.is komdu niður á jörðina. 

Ég held að þeir séu að tala um rjúpnaveiðar, nýjasta plottið nú eða minnkandi séns í stelpurnar eftir að einkaþoturnar hófu að hrynja af þeim og samdráttur kom í bílífið.

En hver er skúrkur og hver er ekki skúrkur?

Eru menn kannski bæði skúrkar og ekki skúrkar í dásamlegri blöndu?

Getur Davíð til dæmis verið ekki skúrkur í samskiptum við ritarann sinn en algjör skúrkur við Björgólf Thór?  Hreinlega logið upp á drenginn?

Er Björgólfur Thór kannski bölvaður lygari við Kompás en algjörlega heiðarlegur við húshjálpina, lyftuvörðinn og garðyrkjumanninn?

Nú eða v.v.

Ekkert er svart hvítt lengur.  Af hverju er friggings lífið ekki eins og ævintýri?

Allt í tjóni frá fyrstu blaðsíðu fram á þá næstsíðustu.

Þá eru skúrkarnir brenndir á báli, kastað í sjóinn eða sendir í útlegð og svo fara allir hinir í sleik og lifa hamingjusamir til æviloka.

Hver er að ljúga hérna?

Dabbi eða BjörgólfurThór?

Damn, damn, damn, hvað ég orðin þreytt á að lifa í geðveikri glæpasögu með engum endi skrifaða af hrúgu manna með Munchausen heilkennið.

Adjö!


mbl.is Seðlabanki andmælir Björgólfi
Tilkynna um óviðeigandi tengingu við frétt

Gargfærsla

Ég lofaði sjálfri mér að æsa mig ekki og láta ekkert í fréttunum ná mér í dag.

Ég var búin að ákveða að svífa yfir andlegum vötnum eins og búttaður Búddamunkur sama á hverju gengi.

En mín andlegu vötn eru uppþurrkuð og æðruleysi fitubollumunksins eins fjarri mér og hugsast getur.

Ég er ekki afslappaða týpan hvað þá heldur efni í háheilaga ljósveru.

Og þess vegna ætla ég að garga það sem eftir er af þessari færslu.

Björgvin og Jóhanna eru stórhneyksluð á launum bankastjóra Kaupþings, Finns Sveinbjörnssonar.  (Finnur - banki - ekki góð reynsla múha).

Yfirlýsingar hafa margoft verið gefnar um að jafna út launamun kynjanna í opinbera geiranum.

Nú skal viðurkennast að þanþolið gagnvart launamálum bankastjóra er ekkert, mér eins og öðrum er nóg boðið.

Og þá að efninu.

Ef forsætisráðherra landsins þarf að láta sér duga rétt um milljón á mánuði fyrir að stjórna landinu þá skil ég ekki að maður sem tekur við einum af ríkisbönkunum skuli hafa tvöfalt hærri laun en hann.

Hvaða vitleysa er þetta?  Átti ekki að fara að greiða úr öllu ruglinu í sambandi við peningatilbeiðsluna sem hefur nú komið okkur á kaldan klaka?  Eiga ofurlaunin ekki að heyra sögunni til?

Sko miðað við raunveruleika hins almenna borgara þá eru mánaðarlaun mannsins ofurlaun bara svo það sé á hreinu.

Svo er það jafnlaunastefnan.  Hún er auðvitað brotin líka, hvað annað, vér skulum hjakka áfram í sama farinu, alls ekki breyta því sem við ætlum að breyta.  Himnarnir gætu hrunið, fjöllin sprungið og jörðin opnast ef við förum að standa við stóru orðin.

Það munar 200 þúsund krónum á stelpunum og drengnum á mánuði.

Reyndar eru þessi laun of há hjá þeim öllum.  Við erum á kúpunni, almenningur er að missa vinnuna, bullandi kjaraskerðing í gangi og verðbólgan stefnir í hlussukýli.

Kæra Jóhanna og Björgvin.

Ég minni ykkur á að það er ekki nóg að verða hissa á launum bankastjóranna og finnast þau of há.

Þið eruð sko í ríkisstjórninni munið þið og það er ykkar að lyfta símanum og breyta þessu.

(Jóhanna ég elska þig samtHeart þú ert töffari þessarar ríkisstjórnar).

Svo myndi ég vilja að Björgvin gæfi fólkinu í skilanefndinni skýr fyrirmæli um að gefa fjölmiðlum allar upplýsingar sem varða starfsmannahald í nýju bönkunum. 

Mig minnir að hann og hinir meðlimir ríkisstjórnarinnar séu voða stemmd fyrir gagnsæi, amk. er það orð notað eins og kardóinn hjá sumum.

Úff, hvað mér létti, búin að garga mig hása.

Nú er þetta frá, ég er farin að myrða dýr í matinn.

Verði mér að góðu og ykkur í leiðinni.


mbl.is Finnur launahæstur
Tilkynna um óviðeigandi tengingu við frétt

« Fyrri síða | Næsta síða »

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (29.3.): 0
  • Sl. sólarhring: 8
  • Sl. viku: 16
  • Frá upphafi: 0

Annað

  • Innlit í dag: 0
  • Innlit sl. viku: 16
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband